Víðförli - 15.12.1984, Side 9

fjallað um málefni dagsins s.s.
þjóðmál, bókmenntir, friðarmál,
myndlist og hefur sú samræða auk-
ið gagnkvæman skilning og haft já-
kvæð áhrif. Kirkjuþing samþykkti
að efla skyldi slíkt starf á vegum
kirkjunnar, enda er hún meðal
fárra aðila, sem getur boðið til mál-
efnalegrar hlutlausrar umræðu um
það sem efst er á baugi.
Fjölmiðlun
Árbók kirkjunnar verður fram-
vegis gefin út skv. samþykkt
Kirkjuþings. Skal hún fela í sér
gerðir Kirkjuþings, greina frá
helztu málum héraðsfunda, Presta-
stefnu og annars fundastarfs kirkj-
unnar og miðla öðrum kirkjulegum
upplýsingum. Einnig skal undirbúa
Handbók kirkjunnar, sem lýsir rétt-
indum og skyldum starfsmanna
hennar.
Kirkjuþing þakkar Útvarpsráði
að kristilegt efni var sett inn í
barnastund sjónvarps sl. vetur, enn-
fremur frumkvæði biskups um
samkomulag við starfsmenn út-
varps um birtingu dánartilkynninga
í nýafstöðnu verkfalli.
Þingið fagnar og þakkar aukinni
útbreiðslu og kynningu á Biblíunni
á Biblíuári, en um 20 þúsund eintök
hennar og önnur 20 þúsund eintaka
af Nýja testamentinu hafa farið í
hendur almennings síðan nýja út-
gáfan kom 1981, sérstaklega þó í ár.
Hefur Almenna bókafélagið m.a.
gert Biblíuna að bók mánaðarins í
bókaklúbbi sínum í ár.
Einn mikilvægasti áfangi í eining-
arstarfi Alkirkjuráðs, er skýrsla
sem byggir á áratugastarfi fremstu
guðfræðinga um allan heim og kom
út í fyrra. Hefur hún verið þýdd á
islenzku, sem á flest önnur tungu-
mál hins kristna heims. Heitir
skýrslan í þýðingu dr. Einars Sigur-
björnssonar „Skírn — Máltíð
Drottins — Þjónusta.” Var skýrsl-
an lögð fram á Kirkjuþingi og var
samþykkt að dreifa henni til sem
flestra kirkjulegra aðila til umfjöll-
unar, en til þess er ætlast af Al-
kirkjuráðinu áður en endanleg gerð
skýrslunnar verður prentuð.
Skráning, helgihald, fræðsla
Við prestskosningar kemur oft í
ljós að fólk er ekki skráð í það trú-
félag sem það heldur að það til-
heyri. Kirkjuráði er falið að taka til
endurskoðunar þau lagaákvæði um
trúfélög sem snerta skráningu
skírðra, til þess að auðvelda fólki
að fylgjast með í hvaða trúfélag það
er skráð.
Kirkjuráði var einnig falið að
tölvuskrá allar prestsþjónustubæk-
ur sem varðveittar eru, og Hagstof-
an hefur ekki tölvuskráð.
Það kom ítrekað fram á Kirkju-
þingi, að helgin stendur höllum fæti
í þjóðlífinu. Kirkjuþing 1984 minn-
ir á helgi sunnudagsins og bendir á
landslög, sem virða messutima
þjóðkirkjunnar kl. 11—15 á helgi-
dögum. Einnig kom fram í umræðu
að skv. lögum hefst helgi stórhátíða
kirkjunnar, páska og hvítasunnu, á
laugardeginum kl. 18, eins og menn
þekkja bezt af jólahátíðinni.
Fjármál
Margir fámennir söfnuðir hafa
ekki bolmagn til þess að greiða raf-
veitum upphitunarkostnað kirkna
og því liggja sumar þeirra undir
skemmdum. Var biskupi falið að
hefja umræður við orkumálaráð-
herra og leita eftir hagstæðari taxta.
Einnig var Kirkjuráði falið að
vinna að ódýrari innheimtu kirkju-
garðsgjalda, en ríkissjóður fær nú
6% innheimtulaun i dreifbýli en en í
Reykjavík tekur Gjaldheimtan 1%.
Tvær tillögur voru samþykktar
um skattamál. Fjallaði önnur um
að láglaunafólk mætti nýta ónýttan
persónuafslátt til greiðslu
kirkjugjalda en hin að þau heimili
þar sem aðeins annað hjóna vinnur
utan heimilis, oft vegna umönnunar
barna og sjúkra, beri ekki skarðan
hlut frá borði í skattamálum eins og
nú er.
Samþykkt var á Kirkjuþingi að
réttur til útgáfu á eftirmyndum af
kirkjugripum eða öðru myndefni af
kirkjuhúsum, skuli vera í höndum
forráðamanna hverrar sóknar-
Sr. Halldór Gunnarsson í Holti
flutti tvö mál á Kirkjuþingi sem
snertir aukin ítök leikmanna
í kirkjustjórninni.
— Ég flutti þessi mál á grundvelli álits Starfsháttanefndar kirkjunnar sem
lagt var fram 1977 og kynnt hafa verið mjög víða á vettvangi kirkjunnar.
Þar er stefnubreytingin að kalla leikmenn til meiri ábyrgðar og stjórnunar í
kirkjulegu starfi.
Starfsskiptingin í kirkjunni hefur löngum verið sú að leikmenn sjá um
rekstur sóknarkirkjunnar fjárhagslega en hafa hins vegar engin tengsl við
yfirstjórn fjármála kirkjunnar. Prestar hafa hins vegar annast um hin and-
legu mál, og hafa því komið einir fram fyrir hönd hennar, þegar um þau er
fjallað.
Frumvarp mitt um leikmannastefnu er hugsað þannig að það muni veita
leikmönnum tækifæri til þess að fjalla sameiginlega um miklu breiðara
svið kirkjumála en hingað til og þannig styrkja stöðu leikmanna á Kirkju-
þingi í umfjöllun um alla málaflokka þar.
Frumvarpið sem ég flutti um ráðningu fjármálastjóra kirkjunnar stefnir
líka að meiri ítökum og ábyrgð leikmanna í kirkjustjórninni. Hinni fornu
tíund til kirkjunnar var skipt milli fátækra, kirkna, presta og yfirstjórnar.
Nú greiðir ríkið laun presta, félagsmálastofnanir styðja fátæka, sóknir fá
sóknargjöldin, en fjórði aðilinn, yfirstjórnin, er í fjársvelti. Ég vænti þess
að fjármálastjórinn verði einstökum söfnuðum og kirkjustjórn til ráðgjaf-
ar í fjármálum en veiti um leið söfnuðum yfirsýn yfir fjármál kirkjunnar í
heild svo að fjárhaldsmenn safnaða skynji fjárskort við heildarstjórnun,
og takist á við þann vanda með sameinuðum tökum.
VÍÐFÖRLI — 9