Víðförli - 15.12.1984, Blaðsíða 10

kirkju, þannig að einstaklingar eða
samtök geta ekki hagnýtt sér slíkt í
ágóðaskyni.
Byggingar og staðir
Skálholt á mikið bókasafn, sem
geymt er í turni kirkjunnar og nýtist
því ekki sem skyldi. Kirkjuþing
samþykkti að hefjast handa um
undirbúning byggingar bókhlöðu
og yrði það þjóðarátak.
Hvatt var til þess á Kirkjuþingi
að umræður hefjist í tæka tíð milli
kirkju og skipulagsaðila, svo að
ekki geymist að ætla kirkju stað í
nýjum byggðahverfum. Unnið
verði að því að tryggja byggingu
kirkjuhúsa þar, svo að kynslóðir
vaxi ekki upp á þess að eiga sóknar-
kirkju eins og nú þekkist hérlendis.
Vígsla kirkju felur það í sér að
hún er frátekin til helgrar þjónustu.
Kirkjuna má þó nota til tónleika og
samkomuhalds af því tagi er for-
ráðamenn telja samrýmast vígslu
hússins enda séu fyrirmæli um alla
háttsemi virt í kirkjuhúsinu, segir í
samþykkt Kirkjuþings um notkun
kirkna.
Marga merkisstaði tengda krist-
inni sögu í landinu, skortir stórlega
sómasamlegan aðbúnað. Kirkjuráði
er falið að láta gera skrá yfir þessa
staði, til þess að bætt verði um,
væntanlega með aðstoð hins opin-
bera.
Margir helgidagar kirkjunnar
hafa verið gerðir að sérstökum
minningadögum. Kirkjuþing varar
við að sú þróun gangi of langt enda
sé tillit tekið til kirkjuársins sjálfs
og aðstæðna í söfnuðum landsins.
Ein mikilvægasta þjónusta kirkj-
unnar er fræðsla og undirbúningur
fermingarbarna. Tillaga um að
gengist verði fyrir sérstakri umfjöll-
un fermingar og fermingarundir-
búnings þjóðkirkjunnar var sam-
þykkt á Kirkjuþingi og mun Kirkju-
fræðslunefnd og starfshópur henn-
ar um fermingarstörf væntanlega
fjalla um þau mál.
Þá studdi Kirkjuþing ætlun
Kirkjufræðslunefndar, að kölluð
verði saman sem fyrst ráðstefna
þeirra aðila sem vinna að fræðslu-
málum á vegum kirkjunnar til sam-
eiginlegrar stefnumörkunar og
heildarskipulags.
Skýrsla Kirkjuráðs fyrir
síðasta starfsár.
Að lokum samþykkti Kirkjuþing
skýrslu Kirkjuráðs liðið starfsár. Er
þar m.a. harmað hversu þau mál
sem Kirkjuþing sendir frá sér til Al-
þingis eiga örðugt uppdráttar.
Aðeins eitt þeirra náði fram að
ganga.
Harmað er einnig að ekki hefur
verið skipað í starf sjúkrahússprests
og bent er á vaxandi þrýsting heil-
brigðisstétta um lausn þessa máls.
Bent er á það óhagræði að kirkjan
getur ekki skipað sjálf sínum starfs-
mönnum þegar verkefnaþungi
þeirra er misjafn.
Flutningsmaður tilögu um stuðn-
ing Kirkjuþings við Bænaskrá Vest-
firðinga til Ríkisstjórnar Islands,
dró tillögu sína til baka við seinni
umræðu málsins og var hún tekin af
dagskrá.
Af bakbekknum
Allmargir stólar voru í fundarsal Kirkjuþings ætlaðir áheyrendum, enda
þingið opið öilum. Þeir voru þó sjaldnast setnir, liðu stundum dagar án
þess að áheyrandi léti sjá sig nema í mýflugumynd. Undantekning er þó
blaðamaður Þjóðviljans, sem fylgdist vel með þinginu.
Hér hefur orðið breyting á frá fyrr á árum er þingið vakti meiri athygli
manna, ef dæma má eftir áheyrendafjölda. Að visu var fréttaflutningur þá
miklu minni af þinginu.
Hins vegar leiðir þetta hugann að þvi hvort ekki þurfi með einhverjum
hætti að endurskipuleggja starfshætti Kirkjuþings.
í ár voru lögð 41 mál fyrir þingið, fleiri en nokkru sinni fyrr. Hér fyrr á
árum var málafjöldinn 10—20 mál og þingið stóð í hálfan mánuð, nú er
þingtíminn 10 dagar og málin á fimmta tug. Gefur það auga leið að ekki er
hægt að vinna málin sem skyldi, þótt langur sé vinnudagur á Kirkjuþingi.
Sé litið á mál Kirkjuþings, virðist mega skipta þeim í þrjá flokka. Mál
sem afgreidd verða til löggjafans til umfjöllunar, mál sem vísað er til
Kirkjuráðs til afgreiðslu eða jafnvel til frekari könnunar sem gæti leitt til
þess að málið yrði tekið aftur fyrir á þinginu og loks tOlögur sem ætlað er
að vekja athygli almennings eða ráðamanna á ákveðnum aðstæðum. Aug-
ljóst er að þau mál sem skal afgreiða tU Alþingis þurfa mildu ítarlegri um-
fjöllun en flest hinna. Því hefur komið fram sú hugmynd, að þau mál sem
leggja á fyrir Kirkjuþing skuli hafa borist Biskupsstofu nokkru fyrir
þingið, þannig að flokka megi þau og skipuleggja vinnubrögð þingsins með
tilliti til þess. Var þá jafnvel haft í huga að forsetar þingsins sætu fram á
næsta þing og önnuðust þetta starf.
Þá hefur verið á það minnst að mál Kirkjuþings berist jafnvel svo
snemma að kynna megi þau Héraðsfundum áður en þingið hefst. Umfjöll-
un Héraðsfunda kynni að fækka málum. Geta má þess að tillaga hefur ver-
ið samþykkt á Kirkjuþingi, að Héraðsfundir skuli haldnir á sama degi um
landið, ef því verði við komið.
ítrekað var að því spurt manna á milli á síðasta Kirkjuþingi, hvort öll
málin sem fyrir það voru lögð hefðu átt þangað erindi, hvort þingið værí
eðlilegur vettvangur til þess að fjalla um þau. Einhvers konar sía virðist
nauðsynleg til þess að tryggja sem besta umfjöliun þeirra mála á Kirkju-
þingi sem kirkjunni eru brýnust, og forða ótímabærum tillögum.
10 — VÍÐFÖRLI