Víðförli - 15.12.1988, Page 7

ið sé í þágu þessa brýna verkefnis sé
ekki unnið fyrir gýg heldur fyrir
Guð.
Samstarf við kaþólska
Það er og til marks um mikilvægi
þessarar stefnumörkunar Alkirkju-
ráðsins að leitað hefur verið eftir
aðild Rómversk kaþólsku kirkjunn-
ar að framkvæmd hennar. Kaþólska
kirkjan stendur sem kunnugt er utan
Alkirkjuráðsins. Borist hefur já-
kvætt svar frá Róm, og tilnefndur
fulltrú til að starfa með höfuðstöðv-
um Alkirkjuráðsins í Genf í þessu til-
tekna máli. Það í sjálfu sér ber vott
um mikilvægi þess og raunverulega
og táknræna merkingu þess, að
kirkjan tali einum rómi sem frekast
er unnt. Sundruð kirkja verður seint
trúverðug, frammi fyrir Guði og
mönnum. Skoða má allt þetta mál
einnig sem mikilvæg tímamót í ein-
ingarstarfi kirknanna um víða ver-
öld.
Trúarandsvar
Mikið starf liggur nú þegar að
baki í þágu þessa málefnis. Fjöl-
mennir fundir miðnefndar Alkirkju-
ráðsins, í janúar og ágúst á þessu ári,
hafa fjallað um það. Þar var áréttað
að líta bæri svo á, að með því væri
snert á sjálfum grundvelli trúarinn-
ar, það kallaði á „trúarandsvar", „a
faith response“. Málið skyldi tekið
þeim tökum, að um það færi fram
guðfræðileg umræða í öllum aðild-
arkirkjunum, þar sem byggt verði á
kenningu Ritningarinnar, kristinni
hefð og á nákvæmri athugun á að-
stæðum heima fyrir. Bent er á inn-
byrðis tengsl málefnanna þriggja,
réttlætis, friðar og Guðs góðu sköp-
unar. Og vísað er til nauðsynjar þess
að auk samstarfs kirkna, kirkju-
deilda og trúfélaga, verði leitað eftir
samvinnu við samtök, er einnig bera
fyrir brjósti sömu eða skyld málefni,
þótt þau reki starfsemi sina á öðrum
trúarlegum eða hugmyndafræðileg-
um grunni.
Þegar hefur verið boðað heims-
þing um þetta málefni árið 1990, þar
sem öllum kirkjum Alkirkjuráðsins
er boðin þátttaka. Þess má einnig
geta að á næsta heimsþingi
Lútherska heimssambandsins árið
1990 í Brasilíu verður þetta kjörmál
Alkirkjuráðsins í öndvegi. Og loks
ári síðar, 1991, kemur Alkirkjuráðið
saman á heimsþingi í Canberra í
Ástralíu.
Hvað um okkur
En snertir þetta mál okkur, kirkj-
una okkar, og okkur sem einstakl-
inga? Þeirri spurningun er auðvelt
að svara með einu stuttu jái. Þótt
sérstaða okkar sé mikil borin saman
við margar aðrar þjóðir og þjóða-
brot, sem búa við margvíslegt félags-
legt óréttlæti og ófrið, og þótt finna
megi mun alvarlegri spjöll á gæðum
náttúrunnar en við verðum sökuð
um, þá væri það dæmalaus skamm-
sýni og heimska að kannast ekki við,
að auðvtað eigum við hér hlut að
máli og berum ótvíræðar skyldur.
Hinu er ekki jafn auðvelt að svara,
hvernig kirkjan og við sem einstakl-
ingar viljum bregðast við kallinu.
Það kostar átak og vafalaust
hugrekki að grannskoða trúaraf-
stöðu sína með tilliti til þess ákalls,
sem hér er borið fram. Reyna kann á
rótgróin og hefðbundin viðhorf um
afstöðu eða afstöðuleysi kirkjunnar
til pólitískra mála bæði nær og fjær.
Reyna kann og á opinbera stefnu
kirkjunnar til alþjóðmála, því að hjá
því verður ekki komist að taka af-
stöðu, ætlum við að verða með ekki
aðeins í orði heldur og á borði.
Efling safnaðarstarfs
Á hinn bóginn má líta á ákall Al-
kirkjuráðsins og tilmæli um þátt-
töku sem kjörið tilefni til að skerpa
sjálfsvitund okkar sem kirkju og
kristinna manna andspænis þeim
háskalega vanda sem að steðjar. Til-
efnið mætti nota til eflingar á safn-
aðarlífi með því að taka þessi mál til
umræðu í því augnamiði að láta
rödd kirkjunnar heyrast. Málefnið
er þess eðlis, að auk guðfræðilegra
sjónarmiða ríður á að þekking,
reynsla og viðhorf alls almennings
komist til skila. Þess má vænta að
Utanríkisnefnd kirkjunnar og
Fræðsludeild kirkjunnar veiti mál-
inu brautargengi inn í söfnuði lands-
ins. Því að það skal áréttað að lok-
um, að þar, á vettvangi safnaðar-
starfsins, á baráttan fyrir réttlæti,
friði og Guðs góðu sköpun ekki síst
heima, — með Guðs hjálp.
Dr. Björn Björnsson
í fréttum
Ný safnaðarheimili
Lágafellssókn hefur tekið í notk-
un fallegt safnaðarheimili, sem er í
miðjum þjónustukjarna Mosfells-
bæjar. Er heimilið, Kirkjuloftið, eins
og það er gjarnan kallað, á efstu hæð
apótekshússins. Aðalsalurinn getur
rúmað um 120 manns auk þess er
fundarherbergi í turni, skrifstofa
prests og aðstaða fyrir annað félags-
starf. Sérlega vel er hugað að þörfum
fatlaðra í þessu smekklega og starf-
hæfa safnaðarheimili.
Á Reyðarfirði hefur verið opnað
safnaðarheimili, um 120 fermetrar.
Er það í leiguhúsnæði á efri hæð í
nýlegu húsi við aðalgötu bæjarins.
Búnaðarbankinn er á neðri hæðinni.
I safnaðarheimilinu er salur sem
rúmar 40 manns, aðstaða fyrir sókn-
arprestinn sr. Davíð Baldursson og
Helga Gíslason æskulýðsfulltrúa
þjóðkirkjunnar á Austurlandi. Að
sögn Hallfríðar Bjarnadóttur form.
sóknarnefndar var megnið af máln-
ingar og innréttingavinnu unnið í
sjálfboðavinnu. Sótt hefur verið um
lóð til byggingar safnaðarheimilis
austan Reyðarfjarðarkirkju. Margs-
konar starf er áformað í safnaðar-
heimilinu rr;.a. tómstundastarf aldr-
aðra á vegum Sunnuhópsins, sem er
félag aldraðra á Reyðarfirði, sóknar-
nefndar og hreppsins.
Páfaheimsókn til
Norðurlanda
Jóhannes Páll páfi annar mun
heimsækja Norðurlöndin fimm í
byrjun á næsta ári.
Heimsóknin hefst í Osló, en það-
an fer páfi til Þrándheims og
Tromso. Þaðan liggur leið til Reykja-
víkur, Helsinki, Kaupmannahafnar
og Ioks til Stokkhólms.
Þetta er fyrsta páfaheimsókn til
Norðurlandaþarsem 170.000 manns
teljast kaþólskir en heildar fólks-
fjöldi er 22 milljónir.
Á öllum löndunum mun páfi
syngja kaþólska messu, taka þátt í
samkirkjulegum guðsþjónustum og
ræða við þjóðarleiðtoga og forystu-
menn kirkjunnar.
VÍÐFÖRLI — 7