Víðförli - 15.12.1988, Side 16

Frá œskulýðsstarfi kirkjunnar:
Bráðum koma blessuð jólin
börnin fara að hlakka til
Jólin nálgast og eftirvæntingin vex. Allir þekkja úr eigin lífi
eða barnanna hversu biðin eftir jólunum getur orðið löng. Það
er fjarska margt sem þarf að gera fyrir jólin. Fullorðna fólkið er
á spani, það þarf að þrífa, baka o.s.frv. En mitt í öllu amstrinu
megum við ekki gleyma því að jólin eiga að vera hátíð barnanna
og allrar fjölskyldunnar. Við þurfum að taka okkur tíma til að
undirbúa með börnunum komu jólanna. Margt er hægt að gera
en hér verður bent á tvö atriði.
Aðventukrans.
Tíminn fyrir jólin er kallaður að-
venta. Orðið merkir koma. Á jólun-
um fögnum við því að Jesús Kristur
kom í heiminn. Sunnudagarnir í að-
ventu eru fjórir. Á mörgum heimil-
um er það siður að hafa aðventu-
kransa. Aðventukransinn byggir á
norður evrópskri hefð. Hið sígræna
greni táknar Iífið sem er í Kristi. Log-
andi kertin benda til komu Jesú
Krists, hins lifanda ljóss. Þegar
fjögur kerti eru á kransi er kveikt á
einu kerti á viku. Það er næsta auð-
velt að gera þessa litlu athöfn þegar
kveikt er á kertunum að lítilli nota-
Iegri helgistund með börnunum.
Segið börnunum frá aðventukrans-
inum, hvað kertin heita. Látið svo
börnin kveikja á kertunum. Einnig
er hægt að lesa texta úr Biblíunni
sem passar við hvert kerti. Þá er ekki
heldur úr vegi að syngja með börn-
unum. Flest okkar ættu t.d. að
kunna sálmana „Bjart er yfir Betle-
hem“ og „Nóttin var sú ágæt ein“.
Þessir sálmar eru númer 80 og 72 í
Sálmabókinni. Einnig er hægt að
syngja aðra söngva, sem sem „Jóla-
klukkur klingja“ en texti hans er
eftir Ómar Ragnarsson.
En hvað heita nú kertin? Fyrsta
kertið heitir spádómskertið. Það
minnir á fyrirheiti spámanna Gamla
testamentisins sem höfðu sagt fyrir
um komu frelsarans. Hér kemur til
greina að Iesa fleiri en einn texta úr
Biblíunni. En við stingum upp á
Jesaja 9. kafla, versin 1-7, og Jesaja
42. kafla, versin 1-9.
Annað kertið heitir Betlehems-
kertið. Athyglinni er hér beint að
borginni Betlehem, þar sem Jesús
fæddist og þar sem ekkert rúm var
fyrir hann. Hér mætti til að mynda
lesa Míka 5. kafla, versin 1-3, eða þá
Matteusarguðspjall 2. kafla, versin
1-12.
Þriðja kertið nefnist hirðakertið.
En fátækir og ómenntaðir fjárhirðar
fengu fyrstir tíðindin góðu um fæð-
ingu Jesú. Hér viljum við benda á
tvo texta, Lúkasarguðspjall 2. kafli,
versin 8-20, og Fyrsta Jóhannesar-
bréf 3. kafli, versin 1-3.
Loks er fjórða kertið sem nefnist
englakertið. Það minnir okkur á þá
sem fluttu hirðunum á Betlehems-
völlum gleðifregnina um fæðingu
frelsarans. Tveir textar úr Lúkasar-
guðspjalli koma hér upp í hugann;
versin 26-38 í 1. kafla og versin 1-14
í 2. kafla.
Aðventukarfa.
Þó svo að margir kaupi sér tilbúna
aðventukransa getur oft verið mun
skemmtilegra að búa til sín eigin að-
ventuljós. Höfundur þessara lína sá
fyrir nokkrum árum hvernig móðir
og sonur útbjuggu sín eigin aðventu-
ljós. Þau höfðu keypt bastkörfu,
grenigrein og grænan leir úti í
blómabúð. Leirinn var notaður til að
festa kertin við botninn á körfunni.
Og þetta gátu litlar hendur gert.
Greinarnar voru festar á sama hátt.
Svo var karfan fyllt af hnetum þann-
ig að kertin og greinarnar stóðu upp
úr hnetuhrúgunni. Á hverjum
sunnudegi var svo kveikt á kerti og
Iesin jólasaga en á meðan mátti litli
maðurinn gæða sér á hnetunum.
16 — VÍÐFÖRLI