Bæjarins besta - 10.11.1999, Qupperneq 5

Greinargerð um öryggismál á leiðinni milli ísafjarðar og Súðavíkur
Vestfirðir
„Úrræðaleysi verður að skilja
sem ábendingu um jarðgöng“
- óskiljanlegt dugleysi og úrræðaleysi tillöguhöfunda varðandi snjóflóðin, segir Ágúst Kr. Björnsson, sveitarstjóri
Snjóflóð á Súðavíkurlilíð í apríl 1997.
Ráðamenn Súðavíkur-
hrepps eru mjög ósáttir við að
ekki skuli ráðist í fram-
kvæmdir við ofanflóðavarnir
á leiðinni milli Súðavíkur og
Isafjarðar. I apríl síðastliðnum
birti Vegagerðin „greinargerð
um öryggismál á Súðavíkur-
hlíð og Kirkjubólshlíð ásamt
tillögum um úrbætur", sem
tveir verkfræðingar stofnunar-
innar unnu. Ágúst Kr. Björns-
son sveitarstjóri Súðavíkur-
hrepps segir að greinargerðin
sé að mörgu leyti mjög góð
og vel unnin en kveðst ekki
sætta sig við að ekki skuli
vera tekið á þeim málum er
varða snjóflóð á Súðavíkur-
hlíð.
„Hreppsnefndin fékk
skýrsluna til umsagnar á
vinnslustigi og samþykkti
umsögn um hana og gerði
sínar athugasemdir í mars-
mánuði síðastliðnum. Þegar
skýrslan birtist síðan í endan-
legu formi var hún hins vegar
efnislega óbreytt“, segir
Ágúst.
Hreppsnefnd hafnar
tillögunum
Á fundi 28. september sl.
tók hreppsnefnd Súðavíkur-
hrepps skýrsluna í endanlegri
mynd til formlegrar afgreið-
slu. Þaráréttaði hreppsnefnd-
in, að hún „hafnar tillögum
um snjóflóðavarnir í skýrslu
Vegagerðarinnar um öryggis-
mál á Súðavíkurhlíð og krefst
þess að nú þegar verði hafnar
aðgerðir til að auka öryggi
vegfarenda fyrir snjóflóðum
og grjóthruni á hlíðinni. Jafn-
framt ítrekar hreppsnefnd fy rri
umsögn sína frá 18. mars.“
Ágúst Kr. segir að engar
raunhæfar tillögur hafi komið
fram varðandi varnir gegn
snjóflóðum á þeim hluta
Súðavíkurhlíðar þar sem
hætta sé af þeim. Aftur á móti
séu tillögur Vegagerðarinnar
varðandi grjóthrun ásættan-
legar.
„Hvað varðar tillögurVega-
gerðarinnar um úrbætur á Bás-
um og Kirkjubólshlíð, þá
hafnar hreppsnefndin þeim.
Hreppsnefndin telur einu
raunhæfu úrbætur þar að skera
veginn innar í hlíðina til að
skapa gott vegstæði og nauð-
synleg öryggissvæði beggja
vegna vegarins eða flytja hann
niður í fjöru. Við höfum átt
fundi með þingmönnum Vest-
firðinga um þessi mál og það
er þá kannski að gerast í fyrsta
skipti núna, að það eru ein-
hverjar tillögur til, þó að við
séum f sjálfu sér ósáttir við
þær. I greinargerðinni eru til-
lögur um að gera endurbætur
Agúst Kr. Björnsson.
vegna grjóthruns fyrir tíu
milljónir króna á eins kíló-
metra löngum kafla, að
breikka öxl á tveimur stöðum
á Súðavíkurhlíð fyrir tvær
milljónir og fleira í þeim dúr,
en hreppsnefndin hafnar al-
gerlega framsetningu Vega-
gerðarinnar hvað varðar þessi
snjóflóðamál. Við teljum það
haldlitlar tillögur að leggja til
viðvörunarbúnað sem er ekki
til og hefur ekki verið hann-
aður. Að vísu hafa verið gerðar
tilraunir með slíkan búnað en
hann ekki virkað. Við erum
undrandi á metnaðarleysi
Vegagerðarmanna og vitum
að fagmennska þeirra er hér
meiri og metnaðarfyllri og
þeir geta gert betur.“
Gagnrýndum skipan
nefndarinnar
„Þarna sannast gagnrýni
okkar á skipan nefndarinnar.
Hreppsnefndin gerði veruleg-
ar athugasemdir við skipan
hennar. Það varhreppsnefndin
sem stuðlaði að því að þessi
nefnd var sett á laggirnar með
því að beina erindum sínum
til samgönguyfirvalda, til
vegamálastjóra, samgöngu-
nefndar Alþingis og sam-
gönguráðherra og óskaði eftir
að eiga aðild að henni. Þegar
verið var að fara yfir þessi
mál á Óshlíðinni, þá átti Bol-
ungarvfkurkaupstaður þar
fulltrúa, en í þessa nefnd var
skipað án okkar aðildar.
Það koma greinilega í ljós
gallarágreinargerðinni vegna
þess að þar heyrist ekki rödd
okkaríþessu máli. Þarnahefði
að sjálfsögðu einnig átt að
sitja fulltrúi Súðavíkurhrepps,
þannig að rödd hans hefði get-
að komið inn í skýrsluna,
öðruvísi en í einhverju um-
sagnarfyrirkomulagi sem svo
kemur í ljós að Vegagerðin
tekur ekkert tillit til í greinar-
gerðinni. Skýrsluhöfundar
gefast upp fyrir vandamálinu
og sitja því undir þeirri gagn-
rýni, að sem starfsmennVega-
gerðarinnar, þá hafi þeir átt
erfitt um vik að koma með
kostnaðarsamar tillögur til
úrbóta. Ég veit að þessir ágætu
skýrsluhöfundar eru miklir
fagmenn og þekkja þessi mál
vel og er sannfærður um að
þeir kunna miklu betur og geta
betur, það hefur vinna þeirra
á Óshlíð sannað. Vegagerðin,
sem mesti fagaðili og sér-
fræðingur á sviði vegamála, á
auðvitað að vera í fararbroddi
hvað öryggismál og öryggis-
úrræði varðar."
Greining
vandans góð
„Ég vil gjarna að það álit
mitt komi skýrt fram, að
skýrslan ergóð um margt. Þeir
greina leiðina mjög vel, skipta
henni mjög nákvæmlega nið-
ur í kafla og fara mjög vel yfir
hana. Þeir eiga mælingar á
snjóflóðum langt aftur í tím-
ann og fara ágætlega yfir grjót-
hrun á þessari leið, þannig að
greiningin sjálf er ágæt. Enda
gerðum við í sjálfu sér ekki
miklar athugasemdir við
greininguna að öðru leyti en
því, að það vantar algerlega
að leggja mat á þykkt, magn
og kraft snjóflóðanna. Þegar
verið er að telja snjóflóðin, þá
er lella sem kemur aðeins upp
á vegkantinn lögð að jöfnu
við flóð sem spýtist langt út á
sjó. Vegagerðin hefur um
nokkurn tíma mælt þykkt og
magn og því er undarlegt að
ekki séu settarfram slíkarupp-
lýsingar í greinargerðinni."
Tilmæli yfírvalda um
að krefjast jarðganga
„Vandamálið er alveg
þokkalega vel greint, en það
eru engar viðunandi tillögur
um að taka á því og það er
óásættanlegt. Ef Vegagerðin
og yfirvöld samgöngumála
ætla að ganga fram með þess-
um hætti, þá hlýtur það ein-
faldlega að vera tilmæli til
hreppsnefndar Súðavíkur-
hrepps, að fara fram á að það
verði boruð göng á þessari
leið. Það er óásættanlegt fyrir
íbúa á svæðinu að búa við
þessa stöðu í öryggismálum
og úrræðaleysið verður ekki
túlkað nema sem lítilsvirðing
við búsetu og atvinnu íbúa á
norðanverðum Vestfjörðum.
Hér er um að ræða þjóðleið
íbúa á norðanverðum Vest-
fjörðum og aðalvegtengingu
þeirra við þjóðvegakerfi
landsins. Svæðið er eitt at-
vinnu- og byggðarsvæði og
samgöngur eru forsenda bú-
setu. Það er skrítin Ella að á
sama tíma og ekkert er gert í
máli sem þessu, þá hafa menn
verið tilbúnir til að láta á þrem-
urárum um 200 miljónirkróna
til reksturs gamallar og ófull-
kominnar ferju á Djúpinu.
í skýrslunni koma fram
1.112 flóð á tuttugu ára tíma-
bili og allt upp í 163 flóð á
einu ári. Annað hvort gera
menn úrbætur og gera um það
einhverjalangtímaáætlun-ég
geri mér grein fyrir að þetta
klárast ekki á næsta ári og
ekki þar næsta, heldur yrðu
menn sáttir við að það yrði
gert á á fimm til sjö árum -
eða menn hreinlega bora gat.
Það er aðeins um þetta tvennt
að velja. Og það er ábyrgðar-
hluti af yfirmönnum Vega-
gerðar og samgöngumála að
fara fram í þessari greinargerð
með eins miklu úrræðaleysi
og þar birtist hvað varðar snjó-
flóðaþáttinn."
„Óskiljanlegt
úrræðaleysi“
„Mér þykir líka einkenni-
legt að Vegagerðin skyldi ekki
bæta þessa skýrslu eftir að
umsögn hreppsnefndarinnar
kom fram, hvað varðar stærð
flóðanna, magn og þykkt. Við
þetta er sérstaklega gerð at-
hugasemd í umsögn hrepps-
nefndarinnar, vegna þess að
ég veit, að Vegagerðin er búin
að mæla þykkt og magn um
nokkurn tíma. Það er alveg
ljóst, að af þeim 22 flóðafar-
vegum sem tilgreindir eru
myndi vel grafinn skápur
gagnast ágætlega og myndi
að mínum dómi leysa vand-
ann álíklega 10-15 stöðum af
þeim 22 sem um ræðir. Slfkur
skápur kostar um eina til eina
og hálfa milljón króna. Þess
vegna skil ég ekki dugleysi
og úrræðaleysi tillöguhöfunda
hvað þetta varðar, Ég fagna
öllum vegabótum hvar sem er
á norðanverðum Vestfjörðum
og öllum framkvæmdum til
þess að auka og styrkja sam-
göngur á svæðinu, hverjar
sem þær eru. Á hverju einasta
ári fara tugmilljónir króna til
sambærilegra verkþátta á Bol-
ungarvíkurvegi og það er
mjög gott. En einn slíkur
skammtur, eins og fer á einu
ári í Oshlíðarveginn, myndi
leysa stóran hluta af þessum
22 farartálmum á Súðavíkur-
hlíð.“
Ójafn samanburður
við Óshlíð
„Ef við tökum leiðina um
byggðasvæðið við utanvert
Djúpið, frá Súðavík og til ísa-
fjarðar, út í Hnífsdal og um
Oshlíðarveginn til Bolungar-
víkur, þá hafa á þessari leið
verið gerðar ágætar umbætur
í lýsingu og öryggissvæðum
og öðru. Síðan eru þessar sér-
stöku og góðu og miklu ör-
yggisráðstafaniráÓshlíðinni,
sem hafa kostað 500-600
milljónir. Þess vegna er það
ekki lengur ásættanlegt að
engar fjárveitingar komi til
slíkra þátta á Súðavíkurhlíð.
Krafaokkarer aðnú þear verði
hafist handa, sérstaklega
varðandi snjóflóðin og veginn
á Básum.
Það eru fjórir farvegir sem
eru sýnu langverstirafþessum
tuttugu og tveimur, þ.e.
Djúpagil, Fjárgil, Skjólhamra-
vík og Tungugil. Þeir skera
sig alls ekki úr hvað fjölda
snjóflóða snertir, en eins og
áður sagði er það ekki fjöldinn
sem gildir heldur hversu stór
og öflug þau eru“, sagði Ágúst
Kr. Björnsson sveitarstjóri.
Miðstöð
útlendinga
á ísafirði?
Páll Pétursson félagsmála-
ráðherra greindi frá því í ræðu
sinni á ráðstefnu um fjármál
sveitarfélaga fyrir skömmu,
að í ráðuneyti hans væri verið
að vinna að stofnun lands-
miðstöðvar um málefni út-
lendinga. Þarnefndi hann sér-
staklega að hann gæti hugsað
sér að slík landsmiðstöð yrði
á ísafirði.
Hér yrði um að ræða þjón-
ustustofnun fyrir útlendinga,
í anda þingsályktunartillögu
sem þingmenn Vestfirðinga
fluttu á síðasta vori um stofn-
un nýbúaskrifstofu hér vestra.
Körfubolti
KFÍ mætír
r
IR-ingum
KFI tekur á móti IR-ingum
í 16-liða úrslitum bikarkeppni
KKI, en dregið var um síðustu
helgi. Af öðrum viðureignum
má nefna að Njarðvík mætir
Snæfelli, Reynir Sandgerði
tekur á móti KR og Grindavík
tekur á móti GG. Leikirnir
fara fram 11. og 12. desember.
Forráðamenn KFI hafa að
undanförnu átt í viðræðum við
25 ára grískan miðherja, Babis
Patelis að nafni, um að leika
með liðinu í vetur. Patelis, sem
er 2,04 á hæð, lék í 2. deildinni
á Spáni í haust en hefur lýst
yfir áhuga á að koma til KFÍ.
Náist samningar við Patelis
verður hann löglegur með lið-
inu í næsta leik gegn Þór sem
fram fer 5. desember.
Handbolti
Afturelding
gegn Herði
Bikarmeistarar Aftureld-
ingar í Mosfellsbæ drógust
gegn Herði á Isafirði í 16-liða
úrslitum bikarkeppni HSÍ en
dregið var á mánudag.
Afturelding, sem lagði FH í
úrslitum bikarkeppninnar á
síðastakeppnistímabili, mætti
handknattleiksliði BÍ, í bikar-
keppninni 1994-95, en þáfóru
leikar 43-20 fyrir liði Aftureld-
ingu, en leikið var á Isafirði.
ísaQörður
Augnlæknir
með móttöku
Augnlæknir verður með
móttöku á Heilsugæslustöð-
inni á Isafirði dagana 22.-26.
nóvember nk.
Hægt er að panta tíma hjá
augnlækningum í síma stöðv-
arinnar, 450 4500, alla virka
daga frá kl. 8-16.
Á öðrum tímum eru ekki
gefnar upplýsingar um þjón-
ustu augnlæknisins.
MIÐVIKUDAGUR 10. NÓVEMBER 1999 5