Víðförli - 01.03.2004, Blaðsíða 11

MARS 2004
VÍÐFÖRLI
11
Kirkjuskóli í Mælifellsprestakalli
Stoltir nemendur með viðurkenningarskjöl ásamt sóknarpresti.
Nítjánada starfsári kirkjuskól-
ans í Mælifellsprestakalli í
Skagafirði lauk vorið 2003. Sam-
verur hafa verið tvær í mánuði
og sú venja hefur skapast, að
skólinn hefjist fyrsta vetrardag
og Ijúki á sumardaginn fyrsta en
þá er kirkjuskólanum slitið form-
lega í fjölskyldumessu í Reykja-
kirkju.
Fyrst í stað var kirkjuskólinn á
víxl í tveimur kirkjum prestakalls-
ins, Reykjakirkju og Goðadala-
kirkju, en frá árinu 1996 hefur
hann verið alfarið í heimakirkj-
unni á Mælifelli, og sækja hann
börn úr öllum þremur sóknum
prestakallsins.
Börnin hafa verið nokkuð
dugleg að mæta.
í prestakallinu, sem telur um
250 manns, eru rúmlega 20 börn
á sunnudagaskólaaldri, og hafa að jafnaði 3/4 þeirra mætt
í kirkjuskólann, að vísu misjafnlega oft, allt frá einu sinni og
upp í tólf skipti.
Notað hefur verið námsefni barnastarfs kirkjunnar,
kirkjubók og annað efni, en í hverri samveru ýmislegt ann-
að til skemmtunar og fróðleiks, leikir, spurningakeppnir og
ýmsar þrautir sem er mjög vinsælt hjá krökkunum. Söngur
er miðlægur í hverri stund og reynt að láta börnin læra ein-
hverja nýja söngva á hverjum vetri. Það tel ég mikilvægt.
Við erum svo heppin að hafa góðan undirleikara.
Kristján Stefánsson, tónlistarmaður frá Gilhaga, spilar
undir á harmonikku við sönginn, þegar hann getur því við
komið, og er hans þáttur í kirkjuskólastarfinu ómetanlegur.
Kirkjuskólabörnin hafa sungið við messur tvisvar á vetri,
í fjölskyldumessu 1. sd. í aðventu og á æskulýðsdaginn, 1
sd. í mars.
Tónlistarkennari í Steinsstaðaskóla hefur aðstoðað við
að æfa söngvana fyrir messurnar. Nú hefur skólanum á
Steinsstöðum verið lokað og börnin sækja skóla í Varma-
hlíð, svo óvíst er, hvert framhald verður þar á.
Á liðnum vetri var efni kirkjuskólans unnið í samvinnu við
Hjálparstarf kirkjunnar, sem kunnugt er. Fengum við stóran
söfnunarbauk frá Hjálparstarfinu í upphafi vetrar og ákveð-
ið var strax í byrjun að fylla hann. Sóknarprestur og börn
hjálpuðust að við það verkefni.
Það var talsvert stoltur hópur barna sem lagði síðustu
krónurnar í troðfullan baukinn í síðustu samverustund vetr-
arins. Og upp úr honum komu 12.500 krónur, þegar talið
var, sem lagt var inn á reikning Hjálparstarfsins.
Mér fannst börnin sýna þessu verkefni áhuga og von-
andi fá þau betri skilning á því að úti um allan heim og
einnig hér í okkar landi eru börn, sem búa við bág kjör, og
að við erum öll aflögufær að hjálpa þeim, sem líða skort.
Það virðist mér aðalatriðið við söfnun sem þessa, og að því
leyti hefur hún mikið gildi, burtséð frá því hversu mikið
safnast. Vonandi hefur þessi söfnun borið árangur um land
allt, sé reyndar að mælst er til, að hún haldi áfram á kom-
andi vetri í einhverju formi. Það er vel.
Á liðnum vetri fórum við í heimsókn í kirkjuskóla Mikla-
bæjarprestakalls og áttum þar góða stund. Allaf er hægt
að læra af því að heimsækja aðra.
Við slit kirkjuskólans á sumardaginn fyrsta fengu öll
börnin þátttökublað fyrir veturinn og þau, sem besta höfðu
mætingu, aukaviðurkenningu. Eitt barn, Berglind Guð-
mundsdóttir, mætti í allar tólf samverur vetrarins, sem er
algert met. Að lokum sungu þau sunnudagaskólasönginn
en texta og lag samdi Kristján Sefánsson, og er þessi
söngur í miklu uppáhaldi hjá okkur. Læt ég texta hans
fylgja hér með að lokum:
Það er líf og fjör á æskudögum okkar,
enda er margt sem hugann flesta daga lokkar.
Alltaf gagn og gaman fund,
sem að gleður okkar lund
eigum við, þó veginn sífellt svelli,
í sunnudagaskóla á Mælifelli.
Þó að frost og snjór á ferðum okkar sjáist,
þá er fullvíst að á leiðarenda náist.
Þó að ferð sé fjötrum háð,
finnst mér takmarkinu náð,
því á kertinu að kveikja saman,
í kirkjunni á Mælifelli er gaman.
Ólafur Þ. Hallgrímsson.