Víðförli - 01.06.2004, Blaðsíða 7
JÚNÍ 2004
VtÐFÖRLI
7
í sumar - Kirkjan í sumar - Kirkjan í sumar - Kirkjan í sumar -
18. júní til 26. júlí. Flokkarnir eru aldursskiptir fyrir börn á
aldrinum 7-13 ára. Sumarbúðirnar eru í fallegu umhverfi
við Eiðavatn um 18 km frá Egilsstöðum en þar hafa verið
reknar sumarbúðir í 35 ár. Innritun í sumarbúðirnar fer fram
hjá Þórunni Jóhannsdóttur í síma 476 1633 kl. 17-19 virka
daga. Netfang: kma1@simnet.is
Á Vestmannsvatni verða í sumar starfræktar sumarbúð-
ir í 40. sinn. Fimm vikuflokkar verða fyrir börn og unglinga
á aldrinum 7-16 ára. Þar heyrir til nýjunga að boðið er upp
á unglingahóp í kringum verslunarmannahelgina. Þá er þar
einnig boðið upp á sumardvöl í viku fyrir eldri borgara bæði
í júlí og ágúst ef þátttaka verður nóg. Slóð sumarbúðanna
við Vestmannsvatn er: http://www.skarpur.is/vestmanns-
vatn/default.asp
Sumardagar Kjalarnessprófastsdæmis
Kjalarnessprófastsdæmi stendur fyrir, eins og undan-
farin ár, leikjanámskeiðinu ,,Sumardögum“. Þema ,,Sum-
ardaga“ í ár er kærleikurinn. Plantað verður kærleiksgarði
til að minna á kærleika Guðs. Lokadagur ,,Sumardaga“ er
helgaður uppskeruhátíð með foreldrum. Sumardagarnir
verða í Brautarholtssókn á Kjalarnesi og í Bessastaðasókn
7.-12. júní og í Grindavíkursókn 1.-4. júní. Þeir eru fyrir
6-12 ára börn. Nánari upplýsingar á vef Kjalarnespró-
fastsdæmis: www.kjalarpr.is
Neskirkja: Leikjanámskeið
Eins og mörg undanfarin sumur verður Neskirkja með
leikjanámskeið, annars vegar fyrir 6-10 ára börn, hins veg-
ar fyrir 10-12 ára börn. Námskeiðin fyrir yngri börnin verða
frá 14.-25. júní og 3.-13. ágúst eftir hádegi en fyrir þau eldri
21 .-25. júní og 9.-13. ágúst einnig eftir hádegi. Sjá nánar á
www.neskirkja.is
Árbæjarkirkja: Guðsþjónustur með „grilli“
Annan sunnudag hvers mánaðar kl. 11 er fjöl-
skylduguðsþjónusta í Árbæjarkirkju með tilheyrandi grilli í
sumarblíðunni! Þessar messur verða 13. júní, 11. júlí og 8.
ágúst. Þá er sunnudagaskólastemning í kirkjunni og
pylsupartý í stað kirkjukaffis á eftir.
Holt í Önundarfirði
Á friðarsetrinu í Holti, Önundarfirði, verður boðið upp á
margvíslega dagskrá í sumar eins og hér segir:
Barnanámskeið fyrir 7-13 ára:
1) 7.-11. júní „Lífið og náttúran" (smíði, skógrækt o.fl.)
2) 13.-16. júní „Vináttan og náttúran"
3) 16.-18. ágúst „Lífið og hafið". (sigling)
Samvera fyrir eldri borgara verður 12.-15. júlí. Gisting og
fullt fæði. Dvalardagar fyrir presta, guðfræðinga, djákna og
fjölskyldur þeirra verða 18.-23. júlí með gistingartilboði og
12.-15. ágúst verða hvíldardagar fyrir alla sem vilja njóta
náttúru og samfélags. Gisting og fullt fæði. Boðið upp á
slökun.
Húnaþing: Útimessa í Borgarvirki
Sunnudaginn 25. júlí verður útimessa í Borgarvirki, sem
er einstæð náttúruperla og sögustaður í Vesturhópi. Um
verslunarmannahelgina, laugardaginn 31. júlí verður svo
árleg messa á Efra-Núpi í Miðfirði með brottfluttum sveit-
ungum, ferðamönnum og öðrum sem áhuga hafa.
Sumarmót ÆSKR að Reykjum í Hrútafirði
Sumarmót Æskulýðssambands kirkjunnar í Reykjavíkur-
prófastsdæmum 2004 verður dagana 25.-27. júní að
Reykjum í Hrútafirði en þar er frábær aðstaða fyrir móts-
hald í hefðbundu íslensku sveitaumhverfi.
Löngumýrarmót
Helgina 16.-18. júlí verður haldið kristniboðs- og fjöl-
skyldumót í Löngumýrarskóla í Skagafirði. Kristniboðs-
sambandið stendur fyrir mótinu sem er öllum opið. Dag-
skráin verður fjölbreytt að vanda og er fyrir alla, börn jafnt
sem fullorðna. Biblíufræðsla og fréttir af starfinu í umsjá
séra Helga Hróbjartssonar kristniboða mun m.a. setja svip
sinn á dagskrána.
Á Löngumýri er hægt að panta gistingu í skála en einnig
er þar gott og skjólgott tjaldstæði sem hentar bæði fjöl-
skyldum og unglingum. Vinsæl heit busllaug er í garðinum
og stutt til margra skemmtilegra staða ef fólk vill njóta
norðlenskrar náttúru. Öll þjónusta er á næsta leiti. Skrán-
ing fer fram hjá staðarhaldara í síma 453 8116, fax 453
8808.
Sumarkvöld við
orgelið
í Hallgrímskirkju
Tónlistarlíf verður í blóma í Hallgrímskirkju í sumar
undir yfirskriftinni „Sumarkvöld við orgelið, Hallgríms-
kirkju". Boðið verður upp á tónleika að jafnaði þrisvar í
viku, kl. 12 í hádeginu á fimmtudögum og laugardög-
um og kl. 20 á sunnudagskvöldum. Leikið verður á org-
ei kirkjunnar en einnig stundum á önnur hljóðfæri eða
boðið upp á söng. Fyrstu tónleikarnir verða reyndar
föstudagskvöldið 18. júní en þá verður í heimsókn
Chalmers sangkör frá Gautaborg. Síðustu tónleikarnir
verða svo 15. ágúst. Aðgangseyrir er 1000 til 1500
krónur. Sjá vefslóð: www.hallgrimskirkja.is/Listir/sum-
arkvold04/sumarkvold04.html