Víðförli - 01.06.2004, Blaðsíða 9
JÚNf 2004
VÍÐFÖRLI
9
Útgáfufréttir frá Skálholtsútgáfunni
Kominn er út geisladiskurinn Sálmar í sorg og von sem
inniheldur 26 sálma úr sálmabókinni sem allir eiga það
sameiginlegt að bera andblæ vonar í gleði og sorg.
Hér eru um að ræða ferskar útsetningar á mörgum
þekktustu sálmum sálmabókarinnar. Margir sálmanna eru
mikið notaðir við ýmiskonar helgihald en hér birtast þeir í
nýjum búningi og gera mismunandi útsetningar geisla-
diskinn afar fjölbreyttan. Má nefna að í átta sálmum flytja
þeir félagar Gunnar Gunnarsson og Sigurður Flosason
spuna. Hér er um að ræða fallegan hljómdisk sem á erindi
til allra. Flytjendur eru Kammerkór Langholtskirkju ásamt
Daða Kolbeinssyni á óbó, Guðmundi Sigurðssyni á orgel,
Gunnari Gunnarssyni á orgel, Hallfríði Ólafsdóttur á flautu
og Sigurði Flosasyni á saxófón. Stjórnandi er Jón Stefáns-
son. Útsetningarnar eru eftir Gunnar Gunnarsson jasspí-
anista og organista og tónskáldin Hildigunni Rúnarsdóttur
og Þorkel Sigurbjörnsson.
Áður er kominn út geisladiskurinn Sálmar í gleði með
kammerkórnum Scola Cantorum undir stjórn Harðar Ás-
kelssonar, en þar eru fluttir 27 sálmar úr sálmabókinni.
Geisladiskarnir fást í Kirkjuhúsinu, Laugavegi 31 og í
hljómplötuverslunum.
Endurskoðun
sálmabókarinnar
Biskup hefur falið helgisiðanefnd að gera tillögu að
vinnulagi við endurskoðun sálmabókarinnar. Gert er
ráð fyrir að verkið taki nokkur ár. Dr. Einar Sigur-
björnsson, prófessor, mun leiða endurskoðunina.
Þau sem eiga sálma eða sálmalög í fórum sínum
eru hvött til að senda þau á Biskupsstofu, Laugavegi
31, merkt Sálmabókarnefnd, eða á netfangið
salmabok@biskup.is.
Kristján Valur Ingólfsson
Örkin hans Nóa
Biblíusaga með gluggum til að opna! - er ný bók handa
litlum börnum og öllum sem vilja varðveita barnið í sjálfum
sér! Fjörlegar myndir hennar heilla börn á öllum aldri og
kenna þeim margt við þeirra hæfi er þau kynnast Nóa og
dýrunum hans. Börnin fylgjast með því hvernig Nói og dýr-
in björguðust úr flóðinu mikla þegar þau hlusta á söguna
og opna hvern gluggann á fætur öðrum. Um leið læra þau
að telja og þekkja litina, herma eftir hljóðum ýmissa dýra
og kynnast ólíkum formum. Lifandi bók og litrík!
Skálholtsútgáfan er kirkjuleg stofnun í eigu þjóðkirkj-
unnar sem vinnur að fjölbreyttri útgáfu á kristnum grunni,
útgáfu bóka, fræðsluefnis og tónlistarefnis fyrir börn og
fullorðna á almennum markaði og fyrir innra starf kirkjunn-
ar.
Eitt af aðalmarkmiðum Skálholtsútgáfunnar er að auka
útgáfu inn á það svið þar sem eru snertifletir kristinnar trú-
ar og almennings. Bækur sem hjálpa, fræða, styðja,
glöggva og veita von í amstri dagsins. Margar slíkar bæk-
ur hafa litið dagsins Ijós undanfarin ár. Ein þeirra Orð í gleði
eftir Karl Sigurbjörnsson var söluhæsta bók í bókaverslun-
um á íslandi í febrúarmánuði. Skálholtsútgáfan er að taka
saman nútímalega bók fyrir almenning á fslandi sem mun
geyma 365 íhuganir og uppbyggjandi orð fyrir hvern dag
ársins. íhuganirnar eiga að vera auðskiljanlegar og upp-
byggilegar, jafnvel með sterka siðferðislega tilvísun og veki
til umhugsunar um það sem skiptir máli í lífinu, nærandi og
hressandi og kannski dálítið húmorískar í hversdeginum!
Um 160 manns hafa skilað efni í bókina. Ef þú lesandi góð-
ur hefur áhuga á að vita meira og jafnvel taka þátt í verk-
efninu - hafðu þá samband við Eddu Möller í síma 552
1090. Mörg verkefni hafa komið út á árinu og margt er á
döfinni fyrir haustið og bíða frekari útgáfufréttir næsta Víð-
förla.
Edda Möller