Rauði borðinn : fréttabréf alnæmissamtakanna á Íslandi - 01.12.1996, Blaðsíða 6

Fréttabréf Alnæmissamtakanna á Islandi
SKÝRSLA STJÓRNAR
Starfsárið febrúar 1995 til febrúar
1996 var annasamt bjá nýkjörinni
stjórn. Stjórnarfundir voru 28 á árinu,
auk margra annarra funda er tengdust
sérstökum verkefnum. Allt of langt mál
væri að segja frá öllu, en það helsta sem
gerðist á árinu er eftirfarandi:
Starfsmannahald
Breyting varð á starfsmannahaldi á
árinu. Nýr starfsmaður var ráðinn til
okkar fyrir tilstuðlan ITR og atvinnu-
átaks þeirra í Hinu húsinu fyrir ungt
atvinnulaust fólk. Unga fólkið byrjaði á
því að fara á námskeið hjá Hinu húsinu
og var síðan útveguð vinna á launum
hjá Reykjavíkurborg í fimm mánuði hjá
félagasamtökum.
Við hjá Alnæmissamtökunum feng-
um ungan mann í vinnu í mai ‘95 og var
góð reynsla af því. Á eftir honum í
nóvember ‘95 kom ung stúlka í vinnu á
sömu kjörum og sóttum við um að fá að
hafa hana lengur á grundvelli sérstöðu
okkar. Fyrir velvilja borgaryfirvalda var
umsókn okkar samþykkt og verður hún
starfandi hjá okkur a.m.k. til áramóta
‘96-’97. Búið er að sækja um fram-
lengingu á ráðningu hennar, en þegar
þetta er ritað hefur svar ekki borist frá
Reykjavíkurborg.
Starfsmaður
Ráðningarsamningi fastráðins starfs-
manns Alnæmissamtakanna var breytt
og er hún nú framkvæmdastjóri félags-
ins. Keypt var ný tölva á árinu og var
það löngu orðið tímabært. Hefur hún
auðveldað mjög allt starf á skrifstofu
félagsins. Ákveðið var að tengjast
Internetinu og setja upp heimasíðu
Alnæmissamtakanna þar, sem lið í
fræðslu og forvarnarstarfi. Var sótt um
styrk til Landlæknisembættisins til að
standa straum af þeim kostnaði.
Landlæknisembættið samþykkti að
greiða kostnaðinn í eitt ár og litið var á
þetta framtak sem tilraun til að ná til
almennings. Heimasíðan verður áfram
og einnig eru samtökin með pósthólf á
netinu. Eitthvað hefur borist af pósti
utan úr heimi og einnig geta og hafa
félagsmenn haft samband á þennan hátt.
Nefndir og stofnanir
Ekki gerðist margt á opinberum
grundvelli, en fulltrúar Alnæmissam-
takanna voru boðaðir á fund nefndar
sem ætlað er að fjalla um réttindamál
sjúklinga. Sendir voru tveir fulltrúar,
einn úr röðum aðstandenda og einn hiv-
jákvæður og ræddu þeir við nefndar-
menn um ýmislegt sem betur má fara
varðandi okkar sjúklinga og komu máli
sínu vel til skila. Einnig fóru fulltrúar
stjórnarinnar á fund forstjóra Trygg-
ingarstofnunar ríkissins í þeim tilgangi
að athuga með réttindi hiv-jákvæðra
innan tryggingakerfisins.
Húsnæði og viðhald
Af húsnæðismálum okkar er það að
frétta að allir eru hæstánægðir með
stórum bætta aðstöðu eftir flutninginn
að Hverfisgötu 69. Opið er alla virka
daga frá kl. 12 til 17 og ágætis aðstaða
er til fundahalda og annarra samveru-
stunda. Nýting á húsinu er góð og er
alltaf að aukast. Því var ákveðið var að
ráðast í framkvæmdir í kjallara hússins
og þar er fyrirhugað að koma upp tóm-
stundaaðstöðu fyrir félagsmenn og að
útbúa einnig litla íbúð sem hiv-jákvæðir
og aðstandendur þeirra gætu fengið til
afnota í skamman tíma í senn. Verkinu
hefur miðað ntjög hægt, þar sem í Ijós
kom að endurnýja þurfti allar skolp-
lagnir, allar pípulagnir og allar raflagnir
í kjallaranum. Reykjavíkurborg mun
fjármagna það sem telst eðlilegt viðhald
en auk þess færði Rauði kross íslands
Alnæmissamtökunum eina milljón
króna sem nota skal til endurbótanna.
Þegar byrjað var að vinna í kjallaranum
barst Alnæmissamtökunum liðsauki frá
Fangelsismálastofnun og urðum við
með þeim fyrstu til að njóta góðs af
nýjum reglum um afplánun refsinga í
formi samfélagsþjónustu. Á árinu unnu
tveir menn á þeirra vegum við stand-
setningu kjallarans og voru þeir báðir
indælis menn.
Ibúð til afnota
Rauði kross Islands aflhenti Alnæmis-
samtökunum íbúð hér í borg til afnota
fyrir hiv-jákvæða félagsmenn. Skipuð
var þriggja manna nefnd er samdi reglur
um notkun hennar og annast útleigu
hennar, en RKI á og sér um íbúðina að
öðru leyti. Hiv-jákvæðir félagsmenn
geta sótt um leigu á íbúðinni til allt að
eins árs t.d. vegna búferla flutninga.
Ibúðin er útbúin til skammtímaleigu og
sá Rauði krossinn um það af sinni al-
kunnu reisn og þegar þetta er skrifað er
hún í útleigu.
Ráðstefnur
Þrjár ráðstefnur voru haldnar á árinu
‘94 til ‘95 þar sem okkar fólk kom við
sögu. Ráðstefna fyrir hiv-jákvæðar
konur var haldin í Oslo og fóru tvær
stúlkur þangað. Ferðin var árangursrík
fyrir þær og hafa þær miðlað reynslu
sinni þaðan til annarra félagsmanna.
Líklegt er að framhald verði á samstarfi
við frændur vora um þessi mál. Átta
fulltrúar Jákvæða-hópsins fengu styrk
til að sækja Nord-all ‘95 sem haldin var
í Noregi. Hluti af þessum átta voru
síðan í framkvæmdanefnd fyrir Nord-all
‘96 sem haldin var á Islandi í september
sl. og var vel heppnuð.
Rauði kross íslands og Alnæmis-
samtökin gengust í samvinnu við þjóð-
kirkjuna fyrir námstefnu sem bar
yfirskriftina „Alnæmi og andlegur stuðn-
ingur, hvert á að leita?“ Námstefnan var
haldin 17. nóvember 1995 og var hún vel
sótt og gagnleg.
Gestir
Margir góðir gestir komu til okkar á
árinu en við viljum minnast sérstaklega á
ánægjulega heimsókn framkvæmda-
stjórnar Öryrkjabandalags Islands sem
kom til okkar, átti góða stund með stjóm-
inni og starfsmönnum og þáði kaffi-
veitingar.
Fréttabréf Alnæmissamtakanna kom á
árinu í fyrsta sinn út í nýjum búningi,
stærra broti og stærra upplagi. Útgáfan
heppnaðist vel þótt ekki tækist að hafa
af henni tekjur í þetta sinn. Blaðinu var
vel tekið og mikil ánægja ríkir með
nýbreytnina.
framh. á næstu síðu