Dagfari - Oct 2016, Page 8

8
Telur stjórnmálahreyfingin að þátttaka Íslands í
stríðum á liðnum árum (Kosovo, Afganistan, Írak
og Líbýa) hafi bætt stöðu heimsmála eða gert hana
verri?
Alþýðufylkingin
Þessi stríð hafa tvímælalaust gert stöðu mála verri (spyrjið bara þá sem
hafa misst ættingja, útlimi eða heimili) og þátttaka Íslands í þeim er
smánarblettur.
Björt framtíð
Þátttaka Íslands í árásinni á Írak hefur ekki bætt stöðu heimsmála.
Svo má færa rök með og á móti um það hvort hin afskiptin hafi bætt
stöðu heimsmála en ákvarðanirnar voru teknar í samstarfi þjóða og voru
viðbrögð við alvarlegum krísum sem nauðsynlegt var að bregðast við.
Engin viðbrögð hefðu verið verri en eins og alltaf í stríðsrekstri er erfitt
að sjá fyrir afleiðingarnar í samhengi heimsmála. Því styðjum við í Bf ekki
notkun hervalds nema allar díplómatískar leiðir hafi verið fullreyndar og
ljóst að mikil ógn steðji að óbreyttum borgurum verði ekkert aðhafst.
Dögun
Dögun hefur ekki fjallað um þessa spurning sérstaklega en í stefnu okkar
kemur fram andstaða við að leysa ágreining með hervaldi þannig að
samkvæmt því verður svarið að það hafi ekki bætt stöðu heimsmála.
Flokkur fólksins
Sjá svar í fyrsta lið. Þessi afskipti hafa ekki bætt stöðu heimsmála, svo
mikið er víst. Frekar má tala um langa röð skelfilegra mistaka.
Framsóknarflokkurinn
Framsóknarflokkurinn leggur áherslu á að aðkoma Íslands að málum í
framangreindum ríkjum var með mjög ólíkum hætti og því ólíku saman að
jafna. En ætla má að ómögulegt sé að svara spurningunni eins og hún er
fram borin, því að ómögulegt er að segja hvernig mál hefðu þróast ef ekki
hefði verið gripið til þeirra aðgerða sem gripið var til í hverju tilfelli fyrir sig.
Húmanistaflokkurinn
Þátttaka Íslands í stríðum á liðnum árum hefur ekki bætt stöðu heimsmála