Bæjarins besta - 15.01.2015, Blaðsíða 15
FIMMTUDAGUR 15. JANÚAR 2015 15
Lausn á síðustu krossgátu
Sudoku þrautir
Þjónustuauglýsingar
smáar
Til leigu er 4ra herb. íbúð á jarð-
hæð að Urðarvegi 45, sem fyrst.
Aðeins reyklaust fólk kemur til
greina. Uppl. í síma 845 0031.
Sigurgeir sem-
ur við BÍ/Bol
Sigurgeir Sveinn Gíslason leik-
maður BÍ/Bolungarvíkur hefur
endurnýjað samning sinn við
félagið og spilar því með liðinu á
næsta tímabili.
Sigurgeir hefur spilað með BÍ/
Bolungarvík allan sinn meistara-
flokksferil og á að baki 208
deildar- og bikarleiki fyrir félag-
ið. Það er mikil gleðitíðindi fyrir
alla stuðningsmenn BÍ/Bol að
þessi reynslumikli varnarmaður
haldi áfram með félaginu.
Söngurinn mun
óma í Súðavík
Starfsfólk og nemendur Súða-
víkurskóla mæta til nýrrar annar
með bjartsýni og gleði að vopni
að því er segir á vefsíðu skólans.
„Nú þegar hjól skólavinnulífsins
eru farin að snúast á nýju ári
lítum við björtum augum fram á
veginn. Starfsfólk skólans hefur
einsett sér að þétta raðirnar og
vinna sameiginlega að lausnum
þeirra mála sem upp koma, aldrei
sem fyrr.“
Þá var ákveðið að stofna til
samsöngs allra deilda, nemenda
og fullorðinna á föstudögum. Æf-
ingar fara fram í hverri deild þann
daginn og á leikskóladeildinni
hina daga vikunnar. Þrír kennarar
sjá um að stýra verkefninu sem
verður án efa til þess að efla
samkennd og vellíðan bæði kenn-
ara og nemenda í Súðavíkurskóla.
Fækkar um 10
í Ísafjarðarbæ
Íbúum Ísafjarðarbæjar fækkaði
um tíu á síðasta ári. Fyrsta dag
síðasta árs voru 3.639 íbúar í
sveitarfélaginu en 1. janúar síð-
astliðinn voru þeir 3.629. Hægir
þar umtalsvert á íbúafækkun frá
fyrra ári, en árið 2013 fækkaði
íbúum um 109.
Á sunnanverðum Vestfjörðum
hefur orðið viðsnúningur á nei-
kvæðri byggðaþróun og má þar
nefna að stuttu fyrir jól var því
fagnað í Vesturbyggð að íbúar
sveitarfélagsins eru komnir yfir
þúsund íbúa múrinn og eru 1.003.
Íbúafjöldinn í Vesturbyggð fór
niður fyrir 1.000 árið 2006 og
hélst undir eitt þúsund allt þar til
í fyrra.