Bæjarins besta - 30.07.2015, Blaðsíða 2

2 FIMMTUDAGUR 30. JÚLÍ 2015
Norðursigling hefur siglingar í Jökulfirði
Norðursigling á Húsavík ætlar
að hefja skíðaferðir í Jökulfirði
næsta vor. Ferðirnar verða í sam-
starfi við Auroru Arktika á Ísa-
firði. Fyrirtækin ætla að vinna
saman að markaðssetningu og
framkvæmd ferðanna. Í fréttatil-
kynningu segir Heimir Harðar-
son, skipstjóri og einn af eigend-
um Norðursiglingar, að samstarf-
ið komi báðum fyrirtækjum til
góða. Norðursigling muni nýta
seglskipið Donnu Wood í þessar
ferðir næsta vor en hún er liðlega
31 metra langt tvímastra eikar-
skip sem var smíðað 1918 en
breytt í farþegaskip 1990. Skipið
sem bættist í flota Norðursigl-
ingar fyrr á þessu ári er með 7
fullbúnar káetur fyrir farþega og
stóran matsal. „Allur aðbúnur um
borð í Donnu Wood er með besta
móti og tilkoma skipsins gerir
fyrirtækjunum kleift að auka
gæði og bjóða betri aðbúnað í
slíkum ferðum en hingað til hefur
verið hægt,“ segir Heimir Harð-
arson.
Sigurður Jónsson, eigandi Aur-
ora Arktika, segir að skíðaferðir
Auroru hafi gengið ákaflega vel
en að ákveðin eftirspurn hafi
alltaf verið eftir meira plássi og
auknum þægindum sem hægt
verði að bjóða upp á með stærra
skipi. „Aurora er 60 feta segl-
skúta sem upphaflega var notuð í
kappsiglingum í kringum hnött-
inn. Hún er orðin heimsþekkt sem
„færanlegur fjallakofi“ og mið-
stöð fyrir frábæra náttúruupplifun
víða um norður Atlantshaf. Við
munum að sjálfsögðu halda
áfram að bjóða upp á skíðaferðir
með henni,“ segir Sigurður.
Hafnarstjórn Ísafjarðar-
bæjar ætlar ekki að taka til-
boði í stál vegna fyrirhug-
aðrar þybbu á Mávagarði.
Ástæðan er óljós aðkoma
ríkisvaldsins að verkinu.
Þrjú tilboð bárust en einugis
eitt stóðst kröfur sem eru
gerðar til gæða og styrkleika
stálsins. Tilboðið var frá G.
Arasyni og hljóðaði upp á
tæpar 14 milljónir króna. Í
bókun hafnarstjórnar segir
að samgönguyfirvöld geti
ekki fríað sig frá því að klára
mannvirkið með viðundandi
hætti þannig að hægt verði
að taka olíuskip upp að hafn-
arkantinum með öruggum
hætti gagnvart skipi og um-
hverfi og eins og staðan er í
dag vantar mikið upp á það.
Mávagarðurinn eins og hann
er í dag er mannvirki sem
stenst ekki þær kröfur sem
gera verði til hans. Hafnar-
stjórn beinir þeirri áskorun
til samgönguyfirvalda að
taka þetta mál sérstaklega
til skoðunar við afgreiðslu
fyrirliggjandi tillögu sam-
gönguáætlunar 2015-2018
sem liggur óafgreitt í Al-
þingi.
Þybba er stuðkantur sem
heldur við skut stórra skipa
sem leggjast upp að Máva-
garði. Í stífum sunnan- og
vestanáttum má lítið út af
bregða svo stóru olíuskipin
missi ekki skutinn upp í
grjótið við Mávagarð.
– smari@bb.is
Tilboði hafnað
vegna skorts
á fjármagni
Á þessari mynd sést vanda-
málið sem við er að etja.
Í lok annars ársfjórðung þessa
árs bjuggu 330.610 manns hér á
landi, 166.170 karlar og 164.440
konur. Landsmönnum fjölgaði
um 870 frá áramótum. Erlendir
ríkisborgarar voru 25.090 og á
höfuðborgarsvæðinu bjuggu
212.120 manns. Íbúar á Vest-
fjörðum eru 6.930 í lok ársfjórð-
ungsins og breytist fjöldi þeirra
ekkert milli fjórðunga. Einu mann-
fjöldabreytingar hjá sveitarfélög-
unum á Vestfjörðum eru fækkun
íbúa í Bolungarvík um 10 og
sama fækkun í Reykhólahreppi
en íbúum Vesturbyggð fjölgaði
um 10 og sama fjölgun var í Ár-
neshreppi.
Á landinu voru brottfluttir ein-
staklingar með íslenskt ríkisfang
120 umfram aðflutta, en aðfluttir
erlendir ríkisborgarar voru 470
fleiri en þeir sem fluttust frá land-
inu. Fleiri karlar en konur fluttust
frá landinu. Noregur var helsti
áfangastaður brottfluttra íslensk-
ra ríkisborgara en þangað fluttust
170 manns á 2. ársfjórðungi. Til
Danmerkur, Noregs og Svíþjóðar
fluttust 480 íslenskir ríkisborg-
arar af 680 alls. Af þeim 570
erlendu ríkisborgurum sem flutt-
ust frá landinu fóru flestir til
Póllands, 140 manns.
Flestir aðfluttir íslenskir ríkis-
borgarar komu frá Danmörku
(140), Noregi (120) og Svíþjóð
(100), samtals 360 manns af 550.
Pólland var upprunaland flestra
erlendra ríkisborgara en þaðan
fluttust 340 til landsins af alls
1.050 erlendum innflytjendum.
Litháen kom næst, en þaðan
fluttust 60 erlendir ríkisborgarar.
Íbúum fjölgar í Vesturbyggð
Héraðsdómur Vestfjarða hefur
á síðustu átta mánuðum mildað
refsingar í þremur alvarlegum
málum vegna seinagangs við
rannsókn lögreglunnar á Vest-
fjörðum og langrar málsmeðferð-
ar ákæruvaldsins. Í nóvember á
síðasta ári var kveðinn upp í Hér-
aðsdómi Vestfjarða dómur í
nauðgunarmáli. Nauðgunin var
kærð til lögreglu í maí 2012 og
ákæra var gefin út í mars 2014,
tæpum tveimur árum síðar. Í
dómi Héraðsdóms segir: „Vegna
alvarleika málsins getur dómur-
inn ekki metið fullnægjandi þá
skýringu lögreglu að drátt á með-
ferð málsins megi rekja til mikils
álags. Vegna þess dráttar sem
orðið hefur á meðferð málsins,
og ákærða verður ekki um kennt,
þykir rétt að fresta fullnustu 21
mánaðar af refsingunni og skal
hún falla niður að liðnum.“ Mað-
urinn var dæmdur í 24 mánaða
fangelsisrefsingu.
Í maí var kveðinn upp dómur
vegna vörslu á barnaklámi. Brot-
ið telst stórfellt og var maðurinn
dæmdur í 15 mánaða fangelsi,
þar af voru 12 mánuðir skilorðs-
bundnir. Við ákvörðun refsingar
var tekið tillit til þess að rannsókn
málsins tók um tvö ár, hófst í
febrúar 2013 og ákæra var gefin
út í janúar 2015. Í dómi segir að
gera verði þá kröfu að meðferð
mála sem þessara hjá lögreglu
og ákæruvaldi verði lokið á mun
skemmri og að ákærða verði á
engan hátt kennt um hversu lang-
an tíma málsmeðferðin tók.
Í síðustu viku var maður
dæmdur í Héraðsdómi Vestfjarða
fyrir tilraun til fjársvika með því
að kveikja í húsi á Patreksfirði í
því skyni að svíkja út trygging-
arbætur. Maðurinn var dæmdur í
12 mánaða skilorðsbundið fang-
elsi og þótti rétt að skilorðsbinda
alla refsinguna sökum þess að
málsmeðferð tók tæp fjögur ár.
Íkveikjan var í júlí 2015 og gögn
málsins bera með sér að rannsókn
málsins hafi að mestu lokið á
árinu 2011. Ákæra var gefin út í
apríl á þessu ári. „Ekki hafa kom-
ið fram fullnægjandi skýringar á
því hvers vegna meðferð málsins
hjá lögreglu og ákæruvaldi dróst
eins og raunin varð. Ákærða
verður ekki kennt um þennan
drátt og verður því fullnustu refs-
ingarinnar frestað og fellur hún
niður að tveimur árum liðnum
haldi,“ segir í dómi Héraðsdóms
Vestfjarða.
– smari@bb.is
Dómar ítrekað mildaðir
vegna seinagangs lögreglu