Bæjarins besta - 03.11.2004, Síða 6

MIÐVIKUDAGUR 3. NÓVEMBER 20046
ritstjórnargrein
Í byrjun vetrar
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
○
orðrétt af netinu
Vefþjóðviljinn – andriki.is
Menntamálaráðherra
missir vitið
Útgefandi: H-prent ehf., kt. 600690-1169, Sólgötu 9,
400 Ísafjörður, sími 456 4560, fax 456 4564 ·
Ritstjóri: Sigurjón J. Sigurðsson, sími 892 5362, bb@bb.is ·
Blaðamenn: Hálfdán Bjarki Hálfdánsson, sími 863 7655,
halfdan@bb.is – Halldór Jónsson, sími 892 2132 hj@bb.is –
Thelma Hjaltadóttir, sími 849 8699, thelma@bb.is ·
Ritstjóri netútgáfu: Sigurjón J. Sigurðsson · Ljósmyndari:
Halldór Sveinbjörnsson, sími 894 6125, halldor@bb.is
· Ábyrgðarmenn: Sigurjón J. Sigurðsson og Halldór Svein-
björnsson · Lausasöluverð er kr. 250 eintakið með vsk.
Áskriftarverð er kr. 215 eintakið. Veittur er afsláttur til elli- og
örorkulífeyrisþega. Einnig sé greitt með greiðslukorti.
ISSN 1670 - 021X
Þá er veturinn genginn í garð eftir einmuna gott sumar.
Búið að vígja varnargarðinn við Seljaland. Nýtur mannvirkið
nokkuð jafns fylgis og andstöðu meðal bæjarbúa. Kristinn
H. Gunnarsson, þingmaður, nýtur hins vegar almenns fylgis
flokksbræðra sinna í héraði. Reiði þingmanna í Framsóknar-
flokknum í garð Kristins og útskúfun úr öllum þingnefndum,
fyrir óþekkt, breytir þar engu um.
Fram til þessa hafa Íslendingar oftast sungið um blómið
eina, sem upp óx af sléttri grund. Nú höfum við eignast þjóð-
arblóm, holtasóley sem þrátt fyrir norskan uppruna, að talið
er, er ætlað að auka þjóðarstoltið; vera sameiningartákn og
til landkynningar erlendis. Má því búast við að skipaður
verði umboðsmaður holtasóleyjarinnar (eins og hestsins!) til
að tryggja útbreiðslu hennar erlendis og í sveitum landsins!
Húsakynnin á Bessastöðum virðast stöðugt vera að lækka.
Ef til vill er þarna um sjónvillu að ræða í samanburði við
rekstur embættisins, sem alltaf er að hækka. Helsta ástæðan
er sögð umfang veislufanga, sem erfitt er að henda reiður á,
einkum þegar kóngafólk lætur svo lítið að stíga niður fæti á
gamla Fróni. Þingmenn tala ekki mikið um slíka smámuni á
hinu háa Alþingi þótt utandagskrárumræðu hafi þurft til að
kreista út fáeinar milljónir til lögbundinnar þjónustu við
heyrnarskerta.
Þrátt fyrir viðamiklar endurbætur á Alþingishúsinu, sem
fóru himin hátt fram úr öllum kostnaðaráætlunum, eins og
reyndar öll þau verk sem unnin hafa verið í tengslum við Al-
þingi, tókst ekki að setja undir lekann á stefnuræðu forsætis-
ráðherra til fjölmiðla, annað árið í röð. Bersýnilegt er að
trúnaðarstimpill á skjölum til þingmanna er haldlítill. Vart
getur það talist til fyrirmyndar né traustvekjandi.
Utandagskrárumræður fyrstu vikur Alþingis gefa fyrirheit
um líflegt þing þegar líða tekur á veturinn; þegar stóru málin
koma til kastanna. Engan veginn er útséð með hver verður
niðurstaða fyrirhugaðra skattalækkanna. Framsókn er vænd
um að vera á móti lækkun virðisauka á matvæli. Prósentu-
lækkunin gagnast best þeim tekjuhæstu. Þurfa öryrkjar að
fara í mál eina ferðina ennþá? Einhvern tíma hefði nægt að
Morgunblaðið segði að ,,ríkisstjórnin (gæti) ekki verið þekkt
fyrir að efna ekki að fullu loforð sín við þennan hóp, sem
stendur einna höllustum fæti í þjóðfélaginu.“
Hver veit hvað veturinn ber með sér? Ef til vill er pólitíkin
eins og veðrið. Auðveldast að spá í hana eftirá. s.h.
Kennarar hafa nú verið í verkfalli í þúsund vikur eða svo, og alltaf
verður umræðan um það undarlegri. Rétt eins og hegðun svokallaðrar
samninganefndar sveitarfélaga sem hefur gengið allt of langt til
móts við kröfur Eiríks Jónssonar. Í raun og veru er að það aðeins
fyrir blessunarlega þvermóðsku þessa Eiríks eða manna í kringum
hann, sem ekki var skrifað undir gríðarlegan útgjaldasamning í vik-
unni. En kennarar höfnuðu honum svo sveitarfélögin fá tækifæri til
að ná áttum.
Óvæntasta yfirlýsing vikunnar kom þó frá Þorgerði Gunnarsdóttur
menntamálaráðherra sem taldi nú ástæðu til að velta fyrir sér hvort
ekki ætti að færa grunnskólann frá sveitarfélögunum til ríkisins.
Sveitarstjórnarmenn urðu auðvitað hinir verstu og Vilhjálmur Þ.
Vilhjálmsson sem - eins og eðlilegt er og allir hljóta að sjá þó Vef-
þjóðviljinn geri það að vísu ekki - er í senn oddviti minnihlutans í
borgarstjórn Reykjavíkur og formaður Sambands íslenskra sveit-
arfélaga, virtist í raun telja að Þorgerður hefði misst vitið.
Ánægjuleg afmælishátíð hjá Tónlistarskóla Bolungarvíkur
Margt góðra gesta
á hátíðinni
„Afmælishátíðin var mjög
ánægjuleg“, segir Kristinn
Jóhann Níelsson, skólastjóri
Tónlistarskóla Bolungarvíkur
en 40 ára afmæli skólans var
fagnað um helgina. Hátíðin
hófst á föstudagskvöld á djass-
veislu kynslóðanna í Hömrum,
sal Tónlistarskólans á Ísafirði,
þar sem góðkunnir og hæfi-
leikaríkir tónlistarmenn fram-
kölluðu ljúfa tóna.
„Tónleikarnir voru vel sótt-
ir, mjög skemmtilegir og fjör-
ugir enda færir tónlistarmenn
á ferð“, segir Kristinn. Má þar
nefna Djassband Villa Valla,
Jón Pál Bjarnason gítarleikara,
Tómas R. Einarsson bassaleik-
ara og fleiri.
Þá voru ýmsir viðburðir í
boði til að minnast fjörutíu ára
starfs skólans. Á laugardag var
haldin tónvísindastefna í Tón-
listarskóla Bolungarvíkur þar
sem fyrstu skrefin í stofnun
Tónvísindafélags Vestfjarða
voru stigin. Þar var einnig
fyrirlestur Unu Margrétar
Jónsdóttur um leikjasöngva
með sérstakri áherslu á Vest-
firði. Í kjölfarið urðu skemmti-
legar umræður á meðal gesta.
Í gær var opnuð sögusýning
og afmælisveisla með ýmsum
uppákomum. Dagskránni lauk
svo með söngtónleikum þar
sem meðal annars komu fram
Karlakórinn Ernir, nemendur
og kennarar skólans.
„Það var margt góðra gesta
og vil ég þakka öllum sem
sóttu viðburðina og var sér-
staklega ánægjulegt að Ólafur
Kristjánsson fyrrum skóla-
stjóri skólans var viðstaddur á
þeim flestum. Einnig vil ég
þakka þeim sem auk skólans
sameinuðu krafta sína til að
gera hátíðina sem besta og má
þar nefna sem dæmi mennta-
málaráð Bolungarvíkur og
Soffíu Vagnsdóttur sem að
auki gaf stúdíótíma fyrir
væntanlega hljómplötu kenn-
ara og nemenda. Bæjaryfir-
völdum sem gáfu Tónlistar-
skólanum vandað rafmagns-
píanó færi ég einnig þakkir.
Hátíðin þjappaði fólki saman
líkt og tónlistin sem færir fólk
nær hvert öðru. Margar hug-
myndir komu fram og meðvit-
und um mikilvægi skólans var
aukin“, segir Kristinn.
Í tilefni af þessum merku
tímamótum var gefinn út rit-
lingur með afmælisefnisskrá
og ágripi af sögu skólans og er
unnt að nálgast hann hjá Tón-
listarskólanum.
thelma@bb.isMyndirnar tók Þorsteinn J. Tómasson.
Stofnun Tónvísindafélags Vestfjarða í undirbúningi
Hugmyndin viðruð á 40 ára
afmæli Tónlistarskólans
Í ritlingi sem gefinn hefur
verið út í tilefni af 40 ára af-
mæli Tónlistarskóla Bolungar-
víkur viðrar Kristinn J. Níels-
son skólastjóri þá hugmynd
að stofnað verði Tónvísinda-
félag Vestfjarða. Í grein sem
Kristinn skrifar í fyrrnefndan
ritling segir hann frá sögusýn-
ingu sem haldin verður í tilefni
afmælisins og segir m.a.:
„Mig langar að vekja athygli
á sögusýningunni, en þar er
margt forvitnilegra hluta úr
starfi skólans sem alla jafna
eru ekki aðgengilegir. Þá vil
ég líka nefna erindi Unu
Margrétar Jónsdóttur, sem
fjallar um rannsókn á leikja-
söngvum með áherslu á Vest-
firði. Tónlistarrannsóknir hafa
lítið verið stundaðar hér um
slóðir og engin stofnun eða
félagsskapur sem heldur utan
um slíka starfsemi. Í tengslum
við erindi Unu Margrétar og
40 ára afmæli Tónlistarskóla
Bolungarvíkur langar mig að
nota tækifærið og stofna
Tónvísindafélag Vestfjarða,
félagsskap, sem myndaði
umgjörð um tónlistarrann-
sóknir og tónlistarfræði í fjórð-
ungnum.“
Kristinn segist hafa um
nokkurt skeið talið þörf á
stofnun tónvísindafélags.
„Hugmynd mín er sú að með
stofnun slíks félags skapist
umgjörð um allt það mikla
starf sem unnið er og hefur
verið unnið hér um slóðir í
tónlist. Þannig verði hægt að
ýta undir rannsóknir á tónlist
og einnig að skrá þá miklu
sögu tónlistar sem hér er til
staðar. Það vantar líka að draga
saman og hafa yfirsýn yfir allt
sem tengist tónlist í fjórðungn-
um. Það myndi auðvelda þeim
sem starfa við listina störf sín.
Slíkt gæti orðið vísir að
tónminjasafni sem mér finnst
tímabært að sé hér til staðar.
Ég hef rætt þessa hugmynd
við nokkra og fengið góðar
undirtektir. Ég ákvað því að
nota þessi tímamót í sögu
Tónlistarskóla Bolungarvíkur
til þess að koma henni á
framfæri og síðan verður
tíminn að leiða í ljós hvort
hún verður að raunveruleika“
segir Kristinn. – hj@bb.is
44.PM5 12.4.2017, 10:466