Bæjarins besta - 23.04.2003, Side 4

4 MIÐVIKUDAGUR 23. APRÍL 2003 Lestu nýjustu fréttir daglega á www.bb.is
bb.is
Styrktar- og menningarsjóður Sparisjóðs Bolungarvíkur
Veitir á þriðju milljón króna
í styrki til þrettán aðila
Fyrsta úthlutun úr Styrktar-
og menningarsjóði Sparisjóðs
Bolungarvíkur, sem stofnaður
var árið 2001, fór fram í ráð-
hússalnum í Bolungarvík á
95 ára afmæli sjóðsins fyrir
skömmu. Þrettán aðilar hlutu
styrki í þessari fyrstu úthlutun,
sem á að verða árlegur við-
burður, og nema þeir samtals
á þriðju milljón króna.
Styrkina að þessu sinni
hlutu ýmis menningar- og
íþróttafélög og samtök, flest
þeirra í Bolungarvík og á Suð-
ureyri en sjóðurinn er einnig
með afgreiðslu. Þeir aðilar
sem styrkina hlutu eru taldir
hér á eftir ásamt greinargerð
sjóðsins með úthlutuninni til
hvers og eins.
Ungmennafélag Bolung-
arvíkur
UMFB gegnir veigamiklu
hlutverki í íþrótta- og æsku-
lýðsstarfsemi í Bolungarvík.
Meginþungi félagsins er
barna- og unglingastarf og eru
foreldrar burðarásar þess
starfs. Fjölmennustu greinar-
nar innan UMFB eru knatt-
spyrna og sund. Félagið hefur
nýverið keypt hús að Kirkju-
vegi 1, sem miklar vonir eru
bundnar við í félagsstarfinu.
Styrkurinn er veittur UMFB
til að deila niður á starfsemina
eftir því sem félagið telur best.
Golfklúbbur Bolungar-
víkur
Golfklúbburinn hefur á
undanförnum árum lagt áher-
slu á barna- og unglingastarf.
Í því sambandi hefur kennsla
fyrir börn og unglinga verið
án endurgjalds og ennfremur
flatargjöld, árgjöld og kostn-
aður vegna móta fyrir sama
aldurshóp. Einnig hefur mikið
starf verið unnið við að rækta
upp golfvöll í Syðridal. Nú
hyggst klúbburinn taka til við
að rækta svæðið umhverfis
völlinn. Er styrkurinn veittur
til þess og til að efla ungl-
ingastarf klúbbsins.
Hestamannafélagið Gnýr
Hestamannafélagið Gnýr
verður 30 ára í maí nk. Félagið
hefur fengið mikla hvatningu
frá foreldrum barna hér í bæ
um að reiðnámskeiðum, sem
Rögnvaldur Ingólfsson hefur
haldið mörg undanfarin ár,
verði haldið áfram. Námskeið
Rögnvaldar hafa tekist ein-
staklega vel og nemendum
fjölgað ár frá ári. Félagið fær
styrk til kaupa á öryggishjálm-
um og fræðsluefni fyrir nám-
skeiðin.
Kvennakór Bolungarvík-
ur
Kvennakór Bolungarvíkur
fær styrk til greiðslu söng-
kennara til raddþjálfunar og
til tónleikahalds utan heima-
byggðar og hyggst með því
auka hróður bolvískrar söng-
menningar.
Í einni sæng ehf.
Hið vestfirska kvikmynda-
félag Í einni sæng ehf., sem
gerði myndina Í faðmi hafsins
árið 2001, hyggst nú leggja í
nýtt verkefni. Um er að ræða
nýja kvikmynd, sem ber heitið
Á efsta degi. Fyrirhugað er að
taka myndina upp á norðan-
verðum Vestfjörðum og nota
innanhéraðsfólk eins og hægt
er. Er styrkurinn veittur til
þessarar kvikmyndar.
Danshópurinn
Danshópur barna hefur
starfað í Bolungarvík síðan
haustið 2000. Hópurinn hefur
farið á Íslandsmeistaramót,
sem er haldið í maí á hverju
ári, og staðið sig mjög vel.
Mjög ánægjulegt er, að ungt
fólk hér eigi þess nú kost að
stunda þessa íþrótt og er styrk-
urinn veittur til farar á Íslands-
meistaramót í dansi árið 2003.
Ysja ehf.
Fyrirtækið Ysja ehf. hyggst
standa að menningardögum í
Bolungarvík, sem hlotið hafa
nafnið Hásetahátíð og áætlað
er að halda dagana 8.-11. maí
2003. Á árum áður var 11.
maí, lokadagurinn svonefndi,
ætíð haldinn hátíðlegur í Bol-
ungarvík, þegar vetrarvertíð
sjómanna lauk og sumarvertíð
hófst, en Bolungarvík er elsta
verstöð landsins. Styrkurinn
er veittur til Hásetahátíðar.
Heilsubærinn Bolungar-
vík á nýrri öld
Heilsueflingar- og þróunar-
verkefnið „Heilsubærinn Bol-
ungarvík á nýrri öld“ hefur
verið starfandi í Bolungarvík
í þrjú ár. Eitt af meginmark-
miðum þess er fræðsla. Nú
hefur verið hafið samstarf við
Fræðslumiðstöð Vestfjarða
um námskeiðshald og fyrir-
lestra undir yfirskriftinni
„Heilsuefling-Forvarnir“.
Styrkurinn er veittur til þessa
fræðsluátaks.
Leikfélagið Hallvarður
súgandi
Leikfélagið Hallvarður súg-
andi hefur undanfarin ár sett
upp leikrit og frumsýnt á
„Sæluhelgi Súgfirðinga“. Fé-
lagið hefur lagt metnað sinn í
að setja upp góðar og skem-
mtilegar sýningar og ætlar sér
að halda því starfi áfram.
Styrkurinn er veittur til fjár-
mögnunar á sýningu þessa árs
og til reksturs félagsins.
Kvenfélagið Ársól
Kvenfélagið Ársól á Suður-
eyri hefur unnið að uppbygg-
ingu á leikvelli við hlið Spari-
sjóðs Bolungarvíkur á Suður-
eyri, sem gengur í daglegu
tali undir nafninu Sumarróló.
Verið er að búa völlinn leik-
tækjum og er styrkurinn veitt-
ur til þess halda því starfi
áfram.
Handverkshópurinn Á
milli fjalla
Handverkshópurinn Á milli
fjalla er félagsskapur fólks á
Suðureyri, sem áhuga hefur á
því að kynna og selja hand-
verksmuni Súgfirðinga. Hóp-
urinn fær styrk til húsaleigu
og posavélar.
Björgunarsveitin Björg
Björgunarsveitin Björg á
Suðureyri hefur staðið í mik-
illi uppbyggingu með kaupum
á húsnæði og bifreið og fyrir
liggur endurnýjun á öðrum
tækjabúnaði sveitarinar. Næst
á dagskrá er endurnýjun á
gúmmíbjörgunarbát og er
styrkurinn veittur til þeirra
kaupa.
Mannsavinir á Suðureyri
Mannsahátíðin, sem haldin
er á hverju sumri á Suðureyri,
er 15 ára á þessu ári. Þessi
hátíð hefur stöðugt aukist að
umfangi og er nú orðin ein af
stærri menningarhátíðum
sumarsins á Vestfjörðum.
Styrkurinn er veittur til þessar-
ar 15 ára afmælishátíðar.
Fulltrúar þeirra félaga og samtaka sem styrki hlutu ásamt Benedikt Bjarnasyni, fráfarandi stjórnarformanni Sparisjóðs
Bolungarvíkur, Ásgeiri Sólbergssyni sparisjóðsstjóra og Gesti Kristinssyni, nýkjörnum stjórnarformanni sjóðsins.
16.PM5 18.4.2017, 10:574