Bæjarins besta - 23.07.2003, Blaðsíða 4
4 MIÐVIKUDAGUR 23. JÚLÍ 2003 Lestu nýjustu fréttir daglega á www.bb.is
Færri flugfarþegar en
síðasta sumar
Á þriggja vikna ferðalagi
um Tæland og Kambódíu
Ungum mönnum er það
hollt að ferðast um heiminn,
skoða framandi lönd og kynn-
ast öðrum siðum. Þetta gerðu
þeir Trausti Már Grétarsson
og Stefán Þór Ólafsson fyrir
skemmstu þegar þeir fóru í
ferðalag til Tælands og Kam-
bódíu. Þeir félagar hafa síð-
asta hálfa árið eða svo dvalist
í Danmörku og numið við lýð-
háskóla þar í landi. Vaninn er
að hópur nemenda við skól-
ann fari saman í ferðalag að
loknu námi og stóð alltaf til
að farið yrði til Kína.
Vegna lungnabólgufarald-
ursins þar í landi þurfti að
stefna annað. Nemendurnir
borguðu ferðina sjálfir en
skólinn sá um að skipuleggja
hana og fá hagstæð tilboð.
Nemendurnir ákváðu sjálfir
hvert skyldi halda. Besti kost-
urinn þótti Tæland og Kam-
bódía og segja þeir Trausti og
Stefán að enginn sjái eftir því
að hafa farið á þær slóðir.
Báðir eru þeir félagar rétt
rúmlega tvítugir. „Mamma var
farin að tuða í mér að fara að
gera eitthvað“, segir Trausti.
„Ég talaði við strák sem hafði
Trausti Már Grétarsson og Stefán Þór Ólafsson.
verið í svona lýðháskóla og
hann sagði að það væri mjög
gaman. Við fórum því að vinna
í því að finna hentugan skóla
og sóttum um.“
Í lýðháskólanum fengu
nemendurnir að setja saman
sínar eigin stundaskrár. „Þetta
eru kölluð A-, B-, C- og D-
fög, þar sem lögð er mest áher-
sla á A-fagið en minnst á D“,
segir Stefán. „Við völdum
myndbandagerð sem aðalfag
en aðrir völdu keramik, fata-
hönnun, teikningu og annað í
þeim dúr. Sviðið er mjög breitt
og það er hægt að velja á milli
alls konar áhugaverðra nám-
skeiða.
Það voru um 90 nemendur í
skólanum af ýmsum þjóðern-
um. Flestir voru danskir en
þarna voru líka fjórtán Íslend-
ingar, Bandaríkjamaður, tveir
Norðmenn og ein brasilísk
stelpa, en allir bjuggu saman
á heimavist í skólanum.“
Á miðju skólaárinu var farið
með nemendur til Prag í Tékk-
landi. „Allur skólinn fór í
vikuferð til Prag“, segir
Trausti. „Við þurftum að keyra
í rútu í fjórtán klukkutíma.
Sem betur fer voru rúm í rút-
unni. Í Prag gátum við valið á
milli skoðunarferða. Arkitekt-
úrinn í borginni kom okkur á
óvart, þarna er rosalega mikið
af fallegum húsum. Svo maður
tali nú ekki um allar kirkjurn-
ar.“
Tæland og Kambódía
20 nemendur við skólann
fóru í lokaferðalag og stóð til
eins og áður sagði að fara til
Kína í vor. „Það var búið að
skipuleggja átján daga ferð til
Kína en það var hætt við hana
út af bráðalungnabólgunni“,
segir Stefán. „Þá stóð valið á
milli Tælands og Kambódíu,
Argentínu eða Mexíkó. Við
fengum besta tilboðið í Tæ-
landsferðina og ákváðum því
að fara þangað. Þannig gátum
við haft ferðina lengri.“
Flugið frá Kaupmannahöfn
til Bangkok í Tælandi tók ell-
Flugfarþegar milli Ísafjarðar og Reykjavíkur eru 3-4%
færri það sem af er sumri en á sama tíma í fyrra. Arnór
Jónatansson, umdæmisstjóri Flugfélagsins á Ísafirði,
segir að erlendir farþegar séu nokkru færri en í fyrra-
sumar. „Það er helst það sem er áberandi“, segir Arnór.
Tekin hefur verið ákvörðun um að bæta við vélum vegna
unglingalandsmóts UMFÍ. „Það er búið að setja þrjár
vélar frá fimmtudegi til sunnudag. Hingað til hefur ekki
mikið verið um bókanir, en líklega verður bætt við enn
fleiri vélum ef þess þarf“, segir Arnór. – halfdan@bb.is
Meira en 4ra hektara
bráðabirgðatjaldstæði
Um þessar mundir er verið að undirbúa bráðabirgða-
tjaldstæði í Tungu í Skutulsfirði sem hýsa á landsmóts-
gesti um komandi verslunarmannahelgi. Verið er að slá
tún, laga vegi og undirbúa bílastæði. Gömul brú sem
liggur frá Tungu að Seljalandsbænum (kúabúi) verður
löguð og komið á hringakstri um svæðið, en búist er við
töluverðri umferð gesta. Tjaldað verður á öllu knatt-
spyrnuæfingasvæðinu sem og æfingagolfvelli, auk þess
sem túnblettur austan Tungu hefur verið sleginn. Tjald-
svæðið verður á fimmta hektara. – halfdan@bb.is
Vinningshafinn á leið
til Brattahlíðar
Dregnir hafa verið út 30 vinningar í happdrætti Kalak,
grænlensk-íslenska félagsins, í tilefni Grænlenskra nátta
sem haldnar voru á Flateyri um síðustu helgi. Guðbjörg
Haraldsdóttir á Flateyri hlaut fyrsta vinning sem er æv-
intýraferð fyrir tvo til Brattahlíðar á Suður-Grænlandi
með bátsferð og gistingu í 7 nætur. Guðbjörg hyggst nýta
vinninginn strax í þessark viku. Alls voru seldir 296
miðar. Veglegir vinningar voru í boði m.a. málverk eftir
Reyni Torfason og vikudvöl í mannlífs- og menningasetri
Önfirðingafélagsins að Sólbakka. – kristinn@bb.is
29.PM5 18.4.2017, 11:274