Bæjarins besta - 23.07.2003, Blaðsíða 11

MIÐVIKUDAGUR 23. JÚLÍ 2003 11Lestu nýjustu fréttir daglega á www.bb.is
Bjarni varði titilinn
sem klúbbmeistari GBO
Bjarni Pétursson varði titill sinn sem klúbbmeistari
Golfklúbbs Bolungarvíkur í A-flokki á meistaramóti
GBO á Syðridalsvelli á laugardag. Bjarni lék 54 holur-
nar á 241 höggi. Fast á hæla hans kom Birgir Olgeirsson
á 244 höggum og Weera Khiansanthia varð þriðji á 253
höggum. Skilyrði til golfiðkunnar voru mjög góð alla
mótsdagana en leikið var í sól og blíðu þrjá daga af fjór-
um. Mótið var óvenju fjölmennt en alls tóku um 25
manns þátt. Keppt var í kvennaflokki og tveimur flokk-
um karla, annars vegar A-flokki þar sem kylfingar með
undir 18 í forgjöf léku og hins vegar í B-flokki þar sem
léku kylfingar með 18 eða meira í forgjöf. Í B-flokki
kylfinga stóð Tómas Rúnar Sölvason uppi sem sigurveg-
ari en hann lék 54 holur á 266 höggum. Tinna Björk Sig-
mundsdóttir sigraði í kvennaflokki en hún lék 18 holur á
112 höggum. – kristinn@bb.is
Sigurvegararnir: Bjarni, Tinna og Tómas. Mynd: B.S.E.
Flugfélagið býður sér-
stök tilboðsfargjöld
Flugfélag Íslands hefur hafið sölu á netinu á sérstökum
flugfargjöldum milli Ísafjarðar og Reykjavíkur í tilefni
Unglingalandsmóts UMFÍ sem haldið verður um verslun-
armannahelgina. Tilboðið gildir dagana 30. júlí til 5. ágúst
og er ferð aðra leiðina boðin á kr. 5.900. Gert er ráð fyrir
miklum fjölda þátttakenda á mótið en skráningarfrestur
rennur út 25. júlí. Að auki er von á töluverðum fjölda
ferðafólks sem hyggst koma til Ísafjarðar af þessu tilefni.
Jón Pétur Róbertsson framkæmdastjóri ULM 2003 segist
mjög ánægður með viðbrögð Flugfélagsins. –kristinn@bb.is
Fögnuðu 60 ára
fermingarafmæli
Fermingabörn sem gengu
til altaris í fyrsta skipti þann
13. júní árið 1943 í Staðar-
kirkju í Grunnavík hittust á
Ísafirði um helgina og rifjuðu
upp liðna tíma. „Á laugardag
fórum við á söfnin í Tjöru-
húsinu, Edinborgarhúsinu og
í Faktorshúsinu í Hæsta-
kaupstað. Við enduðum svo
með kvöldmat á hótelinu og
fórum svo á Sjallann“, segir
Páll Jóhannesson frá Bæjum.
„Á sunnudag fórum við síðan
upp á Bolafjall og út í Skála-
vík.“
„Við enduðum þetta með
kaffiboði heima hjá mér í
Stórholtinu. Tveir okkar búa
á Ísafirði og í Hnífsdal, en tvö
búa í Reykjavík. Þessir endur-
fundir heppnuðust mjög vel
og við vorum mjög ánægð“,
segir Páll. – halfdan@bb.is
Fermingabörnin fjögur í Neðstakaupstað á Ísafirði. Mynd:
Þorsteinn J. Tómasson.
Tónlistarmaðurinn Örn Elí-
as Guðmundsson, betur þekkt-
ur sem Mugison, gefur út plötu
sína Lonely Mountain á
heimsvísu í haust. Upplag
hennar er 10.000 eintök og
hefur Örn virkjað alla nánustu
vini og vandamenn í sauma-
skap, en umslag plötunnar er
bróderað að framan. Umslagið
er prentað í H-Prent á Ísafirði,
en ekki er algent að prentverk
sé flutt frá Vestfjörðum úr
landi.
„Útgefandinn, Magic and
Accident, lét einhvern ægilega
fínan hönnuð gera eitthvað
sem mér leist ekkert á. Þeir
báðu mig um að hugsa málið,
en síðan tók mamma upp á
því að bródera nokkrar plötur,
þannig að hún á eiginlega
hugmyndina að þessu. Útgef-
andanum leist síðan mjög vel
á þetta“, segir Örn Elías.
Plata Arnar kemur út í Japan
í byrjun september, en í Bret-
landi og á meginlandi Evrópu
8. október. Örn fylgir plötunni
eftir með tónleikahaldi ytra,
meðal annars í hinu virta ICA
listagallerýi í Lundúnum.
halfdan@bb.is
Mugison gefur plötuna Lonely Mountain á heimsvísu í haust
Virkjar nánustu vandamenn í
bróderingu á plötuumslaginu
Örn Elías Guðmundsson.
Halldór Halldórsson, bæjar-
stjóri Ísafjarðarbæjar, Ögur-
nesingur og einn skipuleggj-
enda hins árlega bátaballs í
samkomuhúsinu í Ögri í Ísa-
fjarðardjúpi, segir skemmt-
anahaldið hafa lukkast vel í
blíðskaparveðri á aðfararnótt
sunnudags. Dúettinn Þórunn
og Halli lék fyrir dansi.
„Fólk fylgdist með sólar-
upprásinni því hér var gleð-
skapur fram eftir morgni eftir
að balli lauk. Þetta fór allt
fram á besta veg og allir
skemmtu sér og sínum“, segir
Halldór. Venju samkvæmt var
gestum boðið upp á rjúkandi
rabarbaragraut með rjóma og
ætlar Halldór að 50 lítrum af
graut hafi verið gerð skil.
Gestir mættu til leiks á sjö
mótorbátum og jafn mörgum
kajökum. Halldór telur að
gestir hafi verið um 240 en
aldrei hafi jafn margir mætt
með tjald með sér. „Hérna
voru yfir 40 tjöld og fellihýsi.
Sumir voru jafnvel mættir deg-
inum áður“, sagði Halldór.
Fleiri myndir munu birtast á
svipmyndum á bb.is í vikunni.
kristinn@bb.is
Gleðskapur fram eftir nóttu í
rjómablíðu á bátaballi í Ögri
Það var líf og fjör fyrir framan samkomuhúsið í Ögri er líða tók á nóttina. Ljósmyndir:
Þorsteinn J. Tómasson.
Lögreglan var að sjálfsögðu á staðnum til
að gæta þess að allt færi vel fram.
Stemmningin var ekki síðri innan dyra enda
mikið fjör og rétt hitastig á mannskapnum.
Vertarnir Guðfinna Hreiðarsdóttir og María
Guðröðardóttir afgreiddu grautinn.
Þorsteinn Sigfússon á Hólmavík og Guð-
mundur Kristjánsson voru á meðal gesta.
Dúettinn Þórunn og Halli léku fyrir dansi.
29.PM5 18.4.2017, 11:2711