Bæjarins besta - 23.07.2003, Blaðsíða 8

8 MIÐVIKUDAGUR 23. JÚLÍ 2003 Lestu nýjustu fréttir daglega á www.bb.is
„Hættur að svekkja
mig á gangi mála“
– segir „stýrimaðurinn í Dubai“, Flosi Arnórsson frá Ísafirði
Flosi Arnórsson stýrimaður frá Ísafirði
komst í hann krappan í apríl í vor þegar
hann var handtekinn á flugvellinum í Dubai í
Sameinuðu arabísku furstadæmunum við
Persaflóa. Flosi var að koma frá því að ferja
fiskiskipið Svan RE til Dubai en skipið hafði
verið selt þangað frá Íslandi. Á hluta leiðar-
innar má eiga von á sjóræningjum og því var
hann með riffil meðferðis. Þegar halda átti
heim hugðist hann taka byssuna með en var
handtekinn í tollskoðun á flugvellinum. Síðan
hafa mál hans verið til meðferðar í dóms-
kerfinu ytra og hefur Flosi ekki mátt yfirgefa
landið. Alls sat hann í fangelsi í Dubai í 40
daga. Íslenskt stjórnvöld hafa beitt sér í
málinu og telur Flosi að það hafi orðið til þess
að honum var sleppt úr haldi.
Nýverið úrskurðuðu yfir-
völd í Abu Dhabi í Sameinuðu
arabísku furstadæmunum að
alríkisdómstóll myndi ekki
rétta yfir Flosa þar sem hann
teldist ekki ógna þjóðaröryggi.
Mál hans skal hins vegar tekið
fyrir af almennum dómstóli.
Að þjóðlegum sið þykir við
hæfi að spyrja um veðrið við
Persaflóann áður en farið er
að ræða alvarlegri málefni.
„Ætli það sé ekki 45 stiga
hiti hérna núna.“
– Er þá eitthvað hægt að
vera úti við?
„Nei, varla, það er hægt að
liggja úti í sólinni á morgnana
en yfir heitasta tímann er mað-
ur bara innan dyra.“
– Hvernig er staðan í þínu
máli?
„Núna eftir að þeir komust
að því að ég ógna ekki þjóðar-
öryggi hefur málið kannski
ekki breyst svo mikið. Þetta er
áframhaldandi bið.“
– Ertu þá alltaf að bíða eftir
að málið verði tekið fyrir?
„Já, það er beðið eftir því.
Þetta hefur enga stórbreytingu
í för með sér en það er ekki
litið á þetta eins alvarlegum
augum lengur.“
– Veistu þá eitthvað hvað
málið á eftir að taka langan
tíma til viðbótar?
„Ég var hjá lögfræðingnum
núna í vikunni og hann var að
leggja þetta niður fyrir mér.
Hann telur jafnvel að þetta
verði búið í lok ágúst. Þannig
er þetta enginn tími sem er
eftir.“
– Er þá farið að sjá fyrir
endann á þessu máli?
„Já, kannski, en það fer
náttúrlega eftir því hver niður-
staðan verður úr dómnum.“
– Máttu eiga von á hörðum
viðurlögum?
„Ég veit ekki hvað skal
segja. Þeir dæma mig kannski
í tveggja mánaða fangelsi. Ég
er þegar búinn að sitja inni í
rúma 40 daga en fangelsis-
mánuðurinn hérna er 22 dagar.
Þeir stinga mér í versta falli
inn í nokkra daga til viðbótar.“
Fékk leiðbeiningar um
að gefa byssuna upp
– Hvernig var aðdragandinn
að þessu máli?
„Við vorum að flytja hingað
niður eftir gamlan loðnubát,
Svan RE, og afhentum hann
nýjum eigendum.“
– Þurftuð þið þá að sigla
yfir hafsvæði þar sem má eiga
von á sjóræningjum?
„Það er talað um að sú hætta
sé fyrir hendi á hafsvæðinu
milli Jemen og Sómalíu, þar
sem maður kemur út úr Rauða-
hafinu.“
– Þess vegna hafið þið verið
vopnaðir?
„Já.“
– En það hefur ekkert slíkt
komið upp í ferðinni?
„Nei, það er talað um það
sérstaklega fyrir utan strönd
29.PM5 18.4.2017, 11:278