Bæjarins besta - 10.07.2002, Síða 8

8 MIÐVIKUDAGUR 10. JÚLÍ 2002
Stakkur skrifar
Banaslys í umferðinni 2001 Netspurningin
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum hafa oft verið umdeildar og vakið umræður. Þær þurfa alls
ekki að fara saman við skoðanir útgefenda blaðsins. Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Netspurningin er birt viku-
lega á bb.is og þar geta
lesendur látið skoðun sína
í ljós. Aðeins er tekið við
einu svari frá hverri tölvu.
Niðurstöðurnar eru síðan
birtar hér.
Spurt var:
Er Brasilía verð-
ugir heimsmeist-
arar í knatt-
spyrnu?
Alls svöruðu 363.
Já sögðu 314 eða 86,50%
Nei sögðu 49 eða 13,50%
Út er komin skýrsla rannsóknarnefndar umferðarslysa er ber heitið ,,Banaslys
í umferðinni 2001”. Niðurstaða hennar sem hæst ber er auðvitað sú að á fyrra ári
létu 24 lífið í umferðinni í 19 umferðarslysum. Einn þeirra var ungur Súðvíkingur,
sem lét lífið í útafkeyrslu og bílveltu á þjóðveginum í Súðavík. Útafakstur mun
reyndar vera algengasta orsök banaslysa í umferðinni hérlendis. Þar á eftir koma
framanákeyrslur og hliðarárekstrar.
Ölvun við akstur kom þrisvar við sögu á síðasta ári, en alls 16 sinnum á árunum
1998 til 2001. Bílbeltanotkun kom nokkuð við sögu. Á síðasta
ári tengdist hún banaslysum með eftirfarandi hætti: Tvisvar
notaði farþegi ekki bílbelti. Einu sinni átti það við um ökumann,
einu sinni notaði farþegi það ranglega og einu sinni tók farþegi
það af sér til þess að sofa. Eftirtektarvert er að í 13 tilvikum banaslysa árin 1998
- 2001 notaði ökumaður ekki bílbelti. Lestur skýrslunnar vekur upp nokkrar
spurningar og ein þeirra tengist óneitanlega bílbeltanotkun eða öllu heldur því að
fólk noti þau ekki. Í ábendingum nefndarinnar með skýrslunni kemur fram að á
árunum 1998 til 2001 benda verulegar líkur til þess að 23 af látnum, nærri fjórð-
ungur, hefðu lifað að því gefnu að þeir hefðu notað bílbelti. Hér er komin sönnun
þess að beltin bjarga. Því miður er það svo að fólk er alltof kærulaust varðandi
notkun þessara öryggistækja og bera sumir því við að beltin séu óþægileg eða
þeir séu bara að skreppa innanbæjar. Báðar afsakanirnar eru út í hött. Tæplega
helmingur þeirra er létust í bílslysum 2001 notaði ekki bílbelti. Og sagan sýnir
að óráðlegt sé að taka beltin af sér eftir að ferð er hafin. Rétt notkun bílbelta ætti
því að vera sjálfsagður þáttur í þeirri athöfn að setjast upp í bíl.
Hið athyglisverða við ályktanir sem dregnar eru af skýrslunni er hve mikinn
þátt ölvun og svefn, það er að ökumaður sofni við akstur, eiga að máli þegar bana-
slys og orsakir þeirra eru skoðaðar. Einkum vekur það athygli lesanda að einung-
is tvö atriði megi rekja til annarra þátta en mannlegrar breytni ökumanna og far-
þega. Þau eru aðskotahlutur á vegi og ófullnægjandi viðbrögð eða hjálp annarra.
Enn eru tvö atriði sem fram koma í skýrslunni gerð að
umræðuefni hér. Ökumenn virðast ótrúlega kærulausir varðandi
það að aka undir áhrifum áfengis og hitt að 56% slysanna verða
á laugardögum og sunnudögum væntanlega í tengslum við
helgarskemmtanir svo sem virðist raunin af samkomu ungmennanna fyrir sunnan,
í Þjórsárdal, en þar voru víst teknir tveir tugir grunaðir um ölvun við akstur. Aftur
að skýrslunni sem sýnir að 38% látinna í fyrra voru á aldrinum 15-24 ára. Á það
er minnt að hluti ökumanna er ósjálfráða og því í raun á ábyrgð foreldra sinna í
umferðinni. Menn verða fyrst sjálfráða 18 ára gamlir. Enn upp úr stendur al-
mennt virðingarleysi fyrir sjálfum sér og samferðamönnum í umferðinni, þótt
meirihlutinn sé til friðs. Of mikið er í húfi til að líða þessa villimennsku á þjóð-
vegunum. Notið bílbelti, akið ódrukkin er boðskapurinn. Vestfirðingar! Virðum
umferðarlög og verum fyrirmynd.
Atvinnuþróunarfélag Vestfjarða hf.
4,6 milljóna króna hagn-
aður á síðasta starfsári
Í ársskýrslu Atvinnuþróun-
arfélags Vestfjarða fyrir árið
2001, sem lögð var fram á
aðalfundi félagsins fyrir
stuttu, kemur fram að heildar-
tekjur félagsins á síðasta
rekstrarári þess voru 42,4
milljónir króna. Rekstrargjöld
námu 37,6 milljónum króna
og því er árið gert upp með
um 4,6 milljóna króna hagn-
aði eftir skatta. Hagnaður af
rekstri félagsins skýrist að öllu
leyti af umsýslu félagsins með
kalkþörungaverkefninu svo-
kallaða, en það er tilrauna-
verkefni á vegum félagsins
sem ætlað er að rannsaka
möguleika á vinnslu kalkþör-
unga í Húnaflóa og Arnarfirði.
Á sama hátt hefur kalkþör-
ungaverkefnið haft áhrif á
efnahag félagsins, en eignir
þess hafa hækkað um níu
milljónir króna frá fyrra ári
og nema nú um 20 milljónum
króna. Skuldir félagsins hafa
einnig aukist um 4,3 milljónir
króna og nema 9,7 milljónum
í dag, en stærsti hluti þeirra,
alls þrjár milljónir, er vegna
fjárfestinga í Íslenska Kalk-
þörungafélaginu ehf..
Atvinnuþróunarfélagið
stofnaði Íslenska Kalkþör-
ungafélagið ehf um mitt síð-
asta ár. Félagið er að öllu leyti
í eigu Atvinnuþróunarfélags-
ins, en hlutafé nemur 6,1 millj-
ón kr. Með stofnun félagsins
er þróunarkostnaður vegna
kalkþörungaverkefnisins að
hluta eignfærður hjá Atvinn-
þróunarfélaginu. Íslenska
kalkþörungafélagið ehf. tók
einnig við umsjón kalkþör-
ungaverkefnisins fyrir hönd
Atvinnurþróunarfélagsins.
Talsvert tap er af rekstri þess
og jafnar það út hagnað í árs-
reikningi. Þar sem enn er veru-
leg óvissa um framgang kalk-
þörungaverkefnisins, er því
jafnt hagnaður ársins 2001,
sem og eignarhlutur Atvinnu-
þróunarfélagsins kalkþör-
ungafélaginu, í raun reiknis-
legar stærðir sem ekki er enn
ljóst hvers virði eru.
Almennur rekstur Atvinnu-
þróunarfélags Vestfjarða
byggir að meginhluta á fram-
lögum frá Fjórðungssambandi
Vestfjarða og Byggðastofnun
samkvæmt samkomulagi þar
að lútandi. Af 21,1 milljón
króna sem stofnanirnar tvær
greiða samtals til Atvinnuþró-
unarfélags Vestfjarða er hlutur
Byggðastofnunar 16,1 milljón
króna á ári og Fjórðungssam-
bands Vestfirðinga fimm
milljónir. Þessi framlög hafa
verið óbreytt frá árinu 1998. Í
ársskýrslunni segir að miðað
við almennar verðlagshækk-
anir ættu framlög þessa árs að
nema um 25,7 milljónum
króna og að þess sé vænst að
í nýjum samningum verði
framlög hækkuð auk þess sem
aukið tillit verði tekið til stöðu
atvinnulífs og fólksfækkunar
á Vestfjörðum.
Byggðastofnun sagði upp
samningum sínum við At-
vinnuþróunarfélagið í lok árs
2000, en hefur þó greitt sam-
kvæmt samkomulaginu til
þessa dags. Í skýrslunni kem-
ur fram að frá þeim tíma hafa
viðræður átt sér stað milli fé-
lagsins og Byggðastofnunar,
en engin niðurstaða hafi feng-
ist. Þetta veldur nokkurri
óvissu um framlög til félags-
ins og gerir skipulagningu á
starfsemi þess erfitt fyrir að
því er segir ársskýrslunni.
Þess ber að geta að á stjórnar-
fundi Byggðastofnunar í Bol-
ungarvík þann 20. júní sl., að
aðalfundi Atvinnuþróunarfé-
lagsins loknum, var ákveðið
að gera átak í málefnum at-
vinnuþróunarfélaga á landinu.
Þá var m.a. samþykkt að fram-
lengja ótímabundið sam-
starfssamning við vestfirsk
sveitarfélög um rekstur At-
vinnuþróunarfélags Vest-
fjarða og hækka jafnframt
framlög til þess um 2 milljónir
króna árlega.
Sól og fegurð á Ísafirði verður lokuð frá
og með 12. júlí til 12. ágúst vegna sumar-
leyfa. Hittumst hress og kát.
Lokað vegna sumarleyfa
Upledger höfuð-
beina- og spjald-
hryggjar meðferð
„Introduction to CranioSacral Therapy“
námskeið verður haldið 10. og 11. ágúst
á Ísafirði.
Námskeiðið er ætlað almenningi sem
vill fræðast um meðferðina og læra grunn-
handtök til að nota á sína nánustu.
Kennarar eru Erla Ólafsdóttir, sjúkraþjálf-
ari og Birgir Hilmarsson, nuddfræðingur.
Þau hafa réttindi frá Upledger Institute.
Verð fyrir námskeiðið er kr. 15.000.- og
er kennslubók innifalin.
Upplýsingar gefa Erla í síma 566 7803
og Birgir í síma 864 1694.