Bæjarins besta - 24.01.2001, Side 2

2 MIÐVIKUDAGUR 31. JANÚAR 2001
LEIÐARI
Bitbein
Umboðs-
aðilar BB
Eftirtaldir einstaklingar sjá um
sölu og dreifingu á BB á þétt-
býlisstöðum utan Ísafjarðar:
Bolungarvík: Nikólína Þor-
valdsdóttir, Hjallastræti 38,
sími 456 7441. Súðavík: Sindri
V. Gunnarsson, Holtagötu 11,
sími 456 4982. Suðureyri:
Deborah Anne Ólafsson, Aðal-
götu 20, sími 891 7738. Flat-
eyri: Gunnhildur Brynjólfsdótt-
ir, Brimnesvegi 12a, sími 456
7752. Þingeyri: Valdís Bára
Kristjánsdóttir, Hlíðargötu 43,
sími 456 8263.
Frá útgefendum:
Útgefandi: H-prent ehf. Sólgötu 9, 400 Ísafjörður, sími 456 4560, fax 456 4564 • Netfang prentsmiðju: hprent@bb.is • Ritstjóri: Sigurjón J. Sigurðsson, sími 892 5362, netfang: bb@bb.is
• Ritstjóri netútgáfu: Hlynur Þór Magnússon, símar 456 7322 og 862 1874, netfang: blm@bb.is • Blaðamaður: Hálfdán Bjarki Hálfdánsson, sími 863 7655, netfang: halfdan@bb.is
• Ljósmyndari: Halldór Sveinbjörnsson, sími 894 6125, netfang: halldor@bb.is • Stafræn útgáfa: www.bb.is • Lausasöluverð er kr. 200 eintakið m. vsk. • Áskriftarverð er kr. 170 eintakið
m. vsk. • Veittur er afsláttur til elli- og örorkulífeyrisþega. Einnig sé greitt með greiðslukorti • Eftirprentun, hljóðritun, notkun ljósmynda og annars efnis er óheimil nema heimildar sé getið.
Eina ferðina enn hafa andstæðingar flugvallarins í Vatnsmýrinni, í höfuðborg
allra Íslendinga, vonandi, krækt höndum saman til að hrinda í framkvæmd
þeim ásetningi að hola innanlandsfluginu niður á Keflavíkurflugvelli.
Að því leyti er umræðan nú frábrugðin fyrri atlögum, að loks sér
fyrir endann á þeirri fyrirætlan borgaryfirvalda að velta kvölinni yfir
á borgarbúa í atkvæðagreiðslu. Rétt er að hafa í huga orð borgarstjóra
um að höfuðborgin hafi ákveðnum skyldum að gegna í þjónustu við
landsbyggðina. Í því samhengi hljóta greiðar samgöngur að gegna lykilhlut-
verki, þar sem þangað er svo margvíslega þjónustu að sækja, sem ekki er til
staðar á landsbyggðinni. Hætt er þó við að yfirlýsing borgarstjóra sé haldlítil
ef afgerandi meirihluti Reykvíkinga vill flugvöllinn burt. Þá bjóðast nú fleiri
valkostir. Ævintýraleg uppfylling í Skerjafirði eða flugvöllur í hrauninu sunn-
an Hafnarfjarðar. Reyndar hafa bæjarstjórar Kópavogs og Hafnarfjarðar lagst
gegn báðum þessum hugmyndum með hagsmuni bæjarfélaganna eða hluta
íbúanna að leiðarljósi.
Umræðan í flugvallarmálinu sýnir að lengi lifir í gömlum glæðum. Enn bera
menn á borð þau rök með flutningi innanlandsflugs til Keflavíkur, að ekki
skipti máli hvort um hálftíma akstur frá höfuðborginni út á flugvöll sé að ræða
eða ekki. Það þyki engum tiltökumál erlendis. Sumir telja meira að segja að
landsbyggðafólk sé miklu betur sett með að fljúga beint til Keflavíkur, því þá
geti það farið beint í aðra vél – til útlanda! Rök af því tagi, að hálftíma
akstur til og frá flugvelli skipti ekki máli, benda til að viðkomandi
viti ekki um hvað málið snýst. Hafi ekki minnstu hugmynd um
hvernig flugsamgöngur að vetrarlagi milli Reykjavíkur og staða úti á
landi ganga iðulega fyrir sig, stundum svo dögum skiptir. Og þarf stundum
ekki vetur til. Þetta vita þeir hins vegar sem á samgöngunum þurfa að halda
vegna erinda til höfuðborgarinnar af ýmsum toga.
Samgönguráðherra skilur þýðingu Reykjavíkurflugvallar fyrir íbúa lands-
byggðarinnar. Afstaða hans ber vott um skilning hans á nauðsyn þeirra á
greiðum og góðum aðgangi að höfuðborginni.
Leiði atkvæðagreiðslan í Reykjavík til þess að innanlandsflugi verði beint
til Keflavíkurflugvallar, getum við pakkað saman í eitt skipti fyrir öll. Ef það
verður þá ekki búið að því áður með stöðugt þrengri kostum, fákeppni og
hærri fargjöldum. s.h.
Ísafjörður
Námskeið
fyrir mat-
vælafyrirtæki
Rannsóknarþjónustan Sýni
ehf. hefur ákveðið að efna til
námskeiðahalds á Ísafirði
dagana 2. og 3. febrúar nk.
sem ætlað er starfsmönnum
matvælafyrirtækja.
Fyrri daginn, kl. 12:30 til
16:30 verður námskeið um ör-
yggi matvæla, hreinlæti og
þrif og síðari daginn frá kl.
08:30 til 15:30 verður fjallað
um uppsetningu HACCP/
GÁMES kerfisins.
Rannsóknarþjónustan Sýni
ehf. er fyrirtæki sem býður
ýmsa þjónustu við matvæla-
og fóðuriðna og rekur m.a.
prófunarstofu fyrir örveru- og
efnagreiningar. Fyrirtækið
hefur á undanförnum árum
staðið fyrir fræðslu fyrir mat-
vælafyrirtæki um uppsetningu
HACCP/GÁMES kerfis, ann-
ars vegar um öryggi matvæla
og hreinlæti og þrif hins vegar.
Ýmist hafa námskeiðin verið
sérsniðin fyrir hvert fyrirtæki
eða haldin námskeið fyrir
blandaða hópa úr ýmsum
greinum matvælaiðnaðar.
Nánari upplýsingar um
námskeiðin eru veittar í síma
fyrirtækisins 567 3040.
Ísafjörður
Tvímenningur
í badminton
Tennis- og badmintonfélag
Ísafjarðar heldur um helgina
mót í tvímenningi í badmint-
on. Keppt verður í tveimur
styrkleikaflokkum og ráða
keppendur sjálfir í hvorum
flokknum þeir keppa. Ekki
verður litið til aldurs eða kyns
keppenda við skráningu.
Mótsskattur er 1.000 krónur
en gjald verður fellt niður fyrir
nemendur í grunnskóla og
framhaldsskóla. Mótið hefst
kl.12 á laugardag. Keppendur
verða að hafa skráð sig í
íþróttahúsinu á Torfnesi fyrir
klukkan 20 á föstudag.
Tónlistarfélag Ísafjarðar
Píanótónleikar í Hömrum
Helga Bryndís Magnús-
dóttir píanóleikari flytur
verk eftir Haydn, Brahms,
Liszt og Ravel í Hömrum á
Ísafirði á fimmtudagskvöld,
en á morgun er sólardagur
Ísfirðinga. Helga Bryndís er
Vestfirðingur að uppruna,
systurdóttir Hermanns á
Pósthúsinu á Ísafirði og dótt-
urdóttir Ingveldar Her-
mannsdóttur og Björns
Björnssonar frá Sæbóli í
Aðalvík.
Á sínum tíma stundaði
Helga Bryndís nám hjá Jónasi
Ingimundarsyni og síðan í
Vínarborg og Helsinki. Hún
hefur látið æ meira að sér
kveða á síðustu árum og er
komin í hóp þekktustu píanó-
leikara landsins. Einkum
hefur hún leikið kammertón-
list, með söngvurum og í Cap-
ut-hópnum. Í fyrra lék hún
einleik með Sinfóníuhljóm-
sveit Íslands og Sinfóníu-
hljómsveit Norðurlands við
frábærar undirtektir.
Tónleikarnir annað kvöld
eru þriðju áskriftartónleikar
Tónlistarfélags Ísafjarðar á
þessu starfsári. Helga B. Magnúsdóttir.
„Viðskiptin fara alfarið
fram á Netinu og í gegnum
síma svo það háir okkur ekkert
að vera hér á Ísafirði“, segir
Fylkir Ágústsson, eigandi
ferðaskrifstofunnar Fylkis og
ræðismaður Dana á Ísafirði.
„Fólk fer inn á heimasíðuna
okkar, velur sér hús eða bíl
við hæfi, pantar síðan strax
eða hefur samband við okkur
og við sjáum um að panta.
Við sendum líka verðlista og
myndalista um allt land ef
þess er óskað.“ Fylkir hefur
útvegað Íslendingum bíla-
leigubíla í Danmörku í sex ár
en í fyrra fékk hann ferðaskrif-
stofuleyfi og hefur nú umboð
fyrir sumarhús og íbúðir víðs
vegar um Danmörku.
„Sumarhúsin hafa verið
hvað vinsælust af barnafólki
enda ákjósanlegur kostur fyrir
þann hóp.“ Sumarhúsafyrir-
tækið sem Fylkir hefur umboð
fyrir heitir DanCenter og er
eitt hið stærsta sinnar tegundar
í Danmörku með yfir 7.000
hús. Fylkir segir viðskiptin
hafa margfaldast á síðasta ári
og þakkar hann það fyrst og
fremst stórfelldri lækkun á
verði flugfargjalda til Dan-
merkur.
Viðskiptin hafa
margfaldast
Ferðaskrifstofan Fylkir á Ísafirði
Ölgerðin – bílstjóri
Ölgerðin Egill Skallagrímsson ehf. óskar
eftir að ráða metnaðarfullan, hugmynda-
ríkan starfsmann til starfa í útibú Ölgerðar-
innar á Ísafirði. Viðkomandi þarf að hafa
frumkvæði og geta unnið sjálfstætt.
Áhugasamir sendi greinargóðar upplýsing-
ar um menntun, reynslu og fyrri störf til af-
greiðslu Ölgerðarinnar á Ísafirði, merktar
,,Ölgerðin – bílstjóri“ fyrir 5. febrúar nk.
Nánari upplýsingar gefur Daníel í síma
869 0082 og farið verður með allar umsókn-
ir sem trúnaðarmál.
Þjófnaður á tölvu og verkfærum
Dæmdur í skilorðsbundið fangelsi
Liðlega tvítugur maður í
Bolungarvík var í gær sak-
felldur fyrir þjófnaði í Hér-
aðsdómi Vestfjarða og
dæmdur í tveggja mánaða
fangelsi, skilorðsbundið í
tvö ár. Á laugardagsmorgni
í september 1999 fór hann um
borð í bát í höfninni í Bolung-
arvíkurhöfn og stal úr honum
fartölvu ásamt tilheyrandi.
Í febrúar á síðasta ári fór
hann um borð í annan bát þar
í höfninni og stal úr honum
straumbreyti. Sama dag fór
hann í heimildarleysi inn í
íbúð í fjölbýlishúsi í Bol-
ungarvík og stal þar verk-
færatöskum. Sakborningur-
inn gekkst við verkum sín-
um.
Innlausnaríbúðir hjá Ísafjarðarbæ
Lán úr Íbúðalánasjóði
Stjórn Íbúðalánasjóðs hefur
samþykkt að veita Ísafjarðar-
bæ fimm milljón króna lán
vegna innlausnaríbúða sem
breyta skal í leiguíbúðir. Lánið
er veitt á grundvelli bráða-
birgðaákvæðis í lögum frá
1998, þar sem sveitarfélögum
er heimilað að leigja út íbúðir
sem þau hafa leyst til sín
samkvæmt ákvæðum eldri
laga.
Áður skal sveitarstjórn
greiða upp áhvílandi lán sem
veitt hafa verið af Byggingar-
sjóði verkamanna. Við þær að-
stæður á sveitarfélagið rétt á
nýju láni úr Íbúðalánasjóði.
Hafrannsóknaskipið Árni Friðriksson til sýnis á Ísafirði
Á leið til loðnuleitar
Árni Friðriksson, rannsókn-
arskip Hafrannsóknarstofnun-
ar, kom til Ísafjarðar á mánu-
dag. Skipið var að ljúka veiða-
færarannsóknum og kom til
Ísafjarðar til áhafnaskipta.
Síðan átti að halda til loðnu-
leitar.
Að sögn Hjalta Karlssonar
hjá Hafrannsóknastofnun á
Ísafirði verður byrjað að leita
út af Vestfjörðum en síðan
verður sennilega farið austur
á bóginn.
Almenningi var boðið að
skoða skipið síðdegis í gær.
04.PM5 19.4.2017, 09:092