Vinnan - 01.11.1998, Blaðsíða 6
Svipmyndir frá 23. þingi Alþýöusambands Austurlands, sem haldið var að Iðavöllum
Kjaramál
Við gerð síðustu kjarasamninga
var sett það markmið að kaup-
máttur ykist marktækt meira
hér á landi en í helstu við-
skiptalöndum okkar. Þetta
markmið hefur náðst en þrátt
fyrir það telur 23. þing Alþýðu-
sambands Austurlands að enn
skorti á að ásættanlegur hluti
af margumræddu góðæri hafi
skilað sér til allra félagsmanna
þess.
Þannig hefst ályktun þingsins um
kjara- og atvinnumál. Síðan segir
orðrétt:
„Allur þorri launafólks á almenn-
um vinnumarkaði samdi á grundvelli
launastefnu sem miðaði að áfram-
haldandi stöðugleika og vaxandi
kaupmætti. Með baráttu sinni náði al-
mennt launafólk í gegn verulegum
breytingum á skattkerfinu til hags-
bóta fyrir alla landsmenn og lagði
grunn að áframhaldandi uppbygg-
ingu stöðugleika og kaupmáttar.
Það er launafólki mikið umhugs-
unarefni að í kjölfar slíkra samninga,
sem byggja á yfirlýstri stefnu ríkis-
stjómarinnar um launajöfnun, að op-
inberir aðilar, ríkisvald og sveitarfé-
lög ganga á undan með því að auka
launamuninn með viðbótar launa-
hækkunum til hærra launaðra hópa í
samfélaginu. Það er krafa að stjóm-
völd fylgi þeirri launastefnu sem aðil-
ar vinnumarkaðarins og ríkisstjórn
móta. Það er með öllu ólíðandi að op-
inberir aðilar geri samninga sem þeir
ekki geta staðið við nema með aukn-
um álögum á almenning.
Við gerð næstu samninga skal
haldið áfram á þeirri braut sem mót-
uð var í síðustu samningum, að semja
um aukinn kaupmátt og stöðugleika.“
Kvótaþing
Þá lýsti þingið yfir stuðningi við
kvótaþing og verðlagsstofu skipta-
verðs og bindur vonir við að þessi til-
raun stjómvalda nái fram að ganga til
að koma megi í veg fyrir kvótabrask
útvegsmanna.
Lýst eftir byggðastefnu
I samþykktinni kemur fram að íbúum
á svæðinu fari fækkandi og því lýsir
þingið eftir byggðastefnu stjómvalda.
Þess er krafist að hluti af því svig-
rúmi sem góðærið í efnhagslífinu
hefur skapað verði nýttur til að jafna
aðstöðumuninn milli íbúa landsins.
Sérstaklega er bent á jöfnun orku-
kostnaðar og greiðslu ferðakostnaðar
sjúklinga sem fá ekki þjónustu heima
fyrir. Þá er þess krafist að samgöngur
á svæðinu verði bættar með jarð-
gangnagerð.
Vakin er athygli á því að auka
verði fjölbreytni í atvinnulífinu, t.d.
með stofnun lítilla fyrirtækja.
Rís stoniðja?
Um stóriðjumál segir í ályktuninni: „-
Svara þarf sem fyrst þeirri spumingu
hvort stóriðja muni rísa á Reyðar-
firði, svo og virkjanir henni tengdar.
Fyrirhugaðar virkjanir þurfa að vera í
sátt við land og lýð. Þess er krafist að
sú orka sem fæst í fjórðungnum verði
notuð til atvinnuuppbyggingar á
Austurlandi en ekki flutt í burtu.
Samhliða slíkri uppbyggingu þarf á-
fram að byggja upp fjölbreytt at-
vinnulíf.“
I lok ályktunarinnar um kjara- og
atvinnumál krefst þingið þess að Al-
þingi samþykki að hefja hvalveiðar
strax á næsta ári og vísar m.a. til yfir-
gnæfandi stuðnings þjóðarinnar við
hvalveiðar skv. skoðanakönnunum.
Menntun er lykill að lífskjörom
Menntun er gjaman talin vera lykill-
inn að lífskjörum fólks og þjóða. Það
er almennt viðurkennt viðhorf að
menntun er fjárfesting sem skilar
þeim þjóðum og fyrirtækjum sem
sinna henni vel aukinni hagsæld,
bættri samkeppnisstöðu og vaxandi
skilvirkni í atvinnulífinu. A tímum
örra breytinga er nauðsynlegt að
leggja áherslu á að menntun er ekki
stundarfyrirbæri - hún verður að vera
viðvarandi alla starfsævina.
Þannig hljóðar inngangur að sam-
þykkt 23. þings Alþýðusambands
Austurlands um fræðslumál. Þingið
fagnar hugmyndum um fræðslumið-
stöð launafólks utan löggiltra iðn-
greina í anda þeirra fræðslumið-
stöðva sem þekktar em hjá iðnaðar-
mönnum. Svo segir: „I næstu kjara-
samningum er mikilvægt að ná sam-
komulagi við atvinnurekendur um
greiðslu endurmenntunargjalds fyrir
þá hópa launafólks sem ekki hafa slík
ákvæði í sínum samningum." Þingið
leggur mikla áherslu á að aðilar
vinnumarkaðarins vinni að því, ásamt
menntakerfinu, að þróa nýjar náms-
leiðir fyrir starfsfólk í atvinnulífinu
með það að markmiði að gera starfs-
fólk hæfara til að takast á við þær öm
breytingar sem framundan eru í at-
vinnulífinu. Bent er á mikilvægi
Fræðslunets Austurlands í mati á þörf
atvinnulífsins fyrir menntun. Þá fagn-
ar þingið þeim menntunarmöguleik-
um sem fjamám opnar.
flukin fpæðsla fpúnaðapmanna
I ályktuninni um fræðslumál segir
ennfremur: „Alþýðusamband Austur-
lands hvetur aðildarfélög sín til að
leggja aukna áherslu á fræðslu félags-
manna sinna. Bætt fræðsla trúnaðar-
manna og annara félagsmanna um
málefni vinnumarkaðarins gerir
verkalýðsheyfinguna betur í stakk
búna að sinna kjarabaráttunni hvort
heldur er á sviði heildarsamtaka
launafólks og/eða á hverjum vinnu-
stað.“
Gjá að opnast í samfálaginu?
Niðurlag ályktunarinnar hljóðar svo:
„Alþýðusamband Austurlands fagnar
frumkvæði launafólks utan löggiltra
iðngreina sem og auknum skilningi á
mikilvægi menntunar. Þrátt fyrir gott
starf á síðustu árum er rnikil vinna
enn fyrir höndum við að meta þarfir
launafólks og bæta aðgengi þeirra að
símenntun, sem og auka framboð
starfsmenntunar fyrir okkar fólk.
Þetta er eitt stærsta verkefní verka-
lýðsfélaga í kjaramálum launafólks í
framtíðinni. Ef þessu verður ekki
sinnt nægjanlega vel mun myndast
hyldýpi í okkar samfélagi á milli
þeirra sem valda tækninni og hinna
sem ekki fá tækifæri til að mennta
sig.“
Skipulagsmál
„23. þing ASA haldið á Iðavöllum
15. til 16. okóber 1998 telur tíma-
bært að skoða alvarlega skipulag
ASA og félaga innan þess. Þingið
felur stjóm ASA að láta fara fram at-
hugun á því hvemig framtíðarskipu-
lagi stéttarfélaga á Austurlandi verði
best fyrir komið. Einnig felur þingið
stjórn ASA að leita samstarfs við
önnur stéttarfélög á Austurlandi. 23.
þing ASA leggur til við félögin innan
ASA að komið verði á samnýtingu
orlofshúsa og íbúða félaga innan
ASA þannig að nýting þeirra verði
sem best og einstakir félagar fái betri
þjónustu. Þingið óskar eftir aðstoð
lögfræðings og/eða skrifstofustjóra
ASI við að framkvæma þá vinnu sem
fylgir. Niðurstaða úr þessum athug-
unum verði lögð fyrir formannafund
ASA ekki síðar en í septemberlok
1999.“
Stjóm Alþýðusambands Austur-
lands
Forseti: Sigurður Ingvarsson,
Eskifirði.
Varaforseti: Hjördís Þóra
Sigurþórsdóttir, Homafirði.
Ritari: Hrafnkell A. Jónsson,
Fellabæ.
Gjaldkeri: Skúli Hannesson,
Breiðdalsvík.
Meðstjórnendur: Jón Ingi
Kristjánsson, Neskaupstað; Sigur-
bjöm Bjömsson, Vopnafirði;
Hulda Sveinsdóttir, Seyðisfirði.
Varamenn: Ivar Björgvinsson,
Djúpavogi; Eyþór Guðmundsson,
Egilsstöðum; Stella Steinþórsdótt-
ir, Neskaupstað; Þorkell Kolbeins,
Homafirði; Helga Pálsdóttir,
Stöðvarfirði; Lars Olsen, Reyðar-
firði; Sigurður Freysson, Eskifirði.
Karl Hjelmfrá Neskaupsstað, Sigurður Ingvarsson,forseti Alþýðusambands Austurlands og formaður
Arvakurs á Eskifirði, Björn Grétar Sveinsson,formaður Verkamannsambands íslands, og Lars Olsen,
formaður Verkalýðsféiags Reyðarfjarðar, bera saman bœkur sínar.
Menntanefndþingsins að stöifum.
6
Vinnan