Vinnan - 01.11.1998, Blaðsíða 10

í alvöru talað#
Brynhildur Þórarinsdóttir skrifar
Herinn bnrt en her-
mannssjnina á þing
Haustið fyrir kosningar til Al-
þingis er alltaf sérstaklega
skemmtilegt fyrir áhugafólk um
pólitík. Þá skjótast nefnilega út úr
skúmaskotum félagasamtaka og í-
þróttaklúbba, sveitastjórna, kvenfé-
laga, skákklúbba, rótarý, kíwanis,
læjons og AA hinar ótrúlegustu fé-
lagsmálaspírur og lýsa yfir áhuga
(eigin eða annarra) á að setjast á
þing.
„Jú vissulega hefur verið skorað
á mig“ verður algengasta setningin í
heitu pottunum enda er enginn mað-
ur með mönnum nema nafn hans
hafi einhvern tímann komið upp í
tengslum við prófkjör.
Þetta haust er engin undan-
tekning. Þetta haust býður
hins vegar upp á auka-bón-
us, óvæntan glaðning fyrir
áhugafólk um pólitískuna.
Bónusinn er endalausir
græðlingar á greinum hins ís-
lenska stjórnmálatrés. Nýir flokkar
og flokksbrot og ferskir flokksmenn
og endurunnir mynda nýjar greinar
meðan gamlir flokkar kvíslast í
fleiri greinar eða vaxa óvænt saman.
Það sem einu sinni aðskildi
flokka er nú orðið að sameiningar-
tákni. Herinn sem enginn man leng-
ur eftir að er héma hefur allt í einu
náð að sameina jafnaðarmenn en á
fyrir bragðið að taka saman föggur
sínar og fara burt. Hermennirnir
eiga að fara heim en eftir verða fá-
einir hermannssynir.
Sá elsti þeirra ætlar á þing - aftur
og nýbúinn. Hann er orðinn liðsfor-
ingi í zetuliðinu og ætlar því stóra
hluti. „Þorskurinn skoraði á mig“,
segir foringinn og ætlar að frelsa
þennan konung krónupeningsins úr
klóm sægreifa og frjáls-
hyggjuskæruliða. Það er ljóst að
þeir sem hafa passað þorskinn á
krónupeningum þjóðarinnar í hvelf-
ingum þjóðarbankans eru best til
þess fallnir að koma honum í réttar
hendur. Miklu betur til þess fallnir
en vinstri mennirnir sem þekkja
ekki muninn á hægri og vinstri,
hvað þá ýsu og þorski, og ná ekki
saman um neitt nema það að vera ó-
sammála um suma hluti og ræða
aðra síðar. Hvað vita menn líka um
útgerð sem eru stöðugt á útferð?
Sameinaðir ströndum vér, sundraðir
tollum vér, er mottóið. Fólksfjöld-
inn í flokkunum fylgir veðurspánni.
Mínus þrjú einn daginn, mínus fjór-
ir þann næsta. Svo hellidemba.
Vinstra megin við vinstri eru svo
vinstri mennimir sem keyptu einka-
réttinn á nafninu. - Þeir em reyndar
á móti einkabissness í sjálfu sér en
engin regla er án undantekninga.
Vinstri mennirnir kallast hins vegar
ekki vinstri menn nema í hálfum
hljóðum. Opinberlega eru þeir ó-
háðir. Þurfa greinilega enga styrki,
engan stuðning og enga kjósendur,
þeir em engum háðir, eiga sig sjálf-
ir.
Aðeins norðan við miðju em svo
flokksmenn bændaflokksins. Þetta
er ekki spurning um vinstri eða
hægri í þeirra augum heldur norður
og suður, íslenskan merg eða möl-
ina. Meðan aðrir flokkar biðja um
umboð kjósenda fara þeir fram á
amboð, í það minnsta hjálp við
sláttinn. Bændaflokkurinn er í
slæmri klípu eftir sambúðina með
risanum og þarf að hressa upp á í-
myndina fyrir vorið. Flokkurinn
hefur meira að segja boðað til próf-
kjörs víða um sveitir (milli tilhleyp-
inga og sauðburðar). Og foringinn,
sá eini sanni, hinn hermannssonur-
inn, ætlar að leggja spilin á borðið
og opinbera einkalíf sitt í jólabóka-
flóðinu til að krydda ímynd flokks-
ins.
Þeir sem eru hinum megin við
vinstri, sameinað vinstri, sameinað
vinstri, óháð vinstri, and-frjáls-
hyggju, þorskvini og hermannssyni
standa hins vegar rólegir hjá. Það er
einfaldlega engin þörf á að gera
neitt þegar andstæðingar sjá sjálfir
um að kála sér. Þá er hægt að stinga
fótunum í flíkaskóna, leggjast upp í
sófa og draga nokkrar ýsur (utan
kvóta). Þetta er gósentíð fyrir risann
sem dormað getur óhyggjulaus á
sófanum. Það þarf ekkert minna en
jarðskjálfta til að vekja risana í æv-
intýrunum, þær hræringar sem nú
eru í gangi gera lítið meira en að
kitla hann í gegnum svefninn.
AUKIN ÖKURETTINDI
• leigubifreið • vörubifreið • hópbifreið • eftirvagn
ASÍ félagar athugið!
AUKIN RÉTTINDI = AUKNIR ATVINNUMÖGULEIKAR
ÖKUSKÓLI S.G. heldur námskeið til aukinna ökuréttinda allan ársins
hring. Námskeið hefjast á fjögra vikna fresti.
Ökuskóli S.G.
hefur útskrifað um 900 nemendur eða um 40% þeirra
sem sótt hafa nám til aukinna ökuréttinda frá þvi
námið fluttist frá hinu opinbera til einkarekinna
ökuskóla.
Hagstætt verð og góðir greiðsluskilmálar
Visa og Euro raðgreiðslur til allt að 36 mánaða
Skuldabréf til allt að 24 mánaða
Ath! mörg stéttarfélög taka að hluta
þátt í kostnaði fyrir sína félaga.
ÖKUSKÓLI
SfMI 5811919
LEIGUBIFREID VÖHUBIFREID • HÓPBIFREID
10
Vinnan