Bæjarins besta - 16.09.1998, Blaðsíða 7

MIÐVIKUDAGUR 16. SEPTEMBER 1998 7
Áskrift að BB
- marg borgar sig
Ísafjarðar-
prestakall
Barnaguðsþjónustur hefjast í Ísafjarðar-
kirkju laugardaginn 19. september. Samver-
urnar eru frá kl. 11-12. Foreldrar eru hvattir
til að koma með yngstu börnunum. Kirkju-
strætó leggur af stað úr Holtahverfi kl.
10:45.
Væntanleg fermingarbörn í Ísafjarðarsókn
eru boðin ásamt foreldrum sínum til guðs-
þjónustu í Ísafjarðarkirkju sunnudaginn 20.
september kl. 11:00. Þar fer fram skráning,
kynnt verða fermingarstörf vetrarins, svo og
væntanlegir fermingardagar.
Fyrsti biblíulestur vetrarins verður mánu-
dagskvöldið 21. september kl. 20:30. Lesin
verður Opinberunarbók Jóhannesar. Stuðst
verður við skýringarrit Sigurbjörns biskups
Einarssonar og Elisabeth Schussler Fior-
enza.
Allir eru hjartanlega velkomnir.
Ísafjarðarprestakall.
Lögreglan
á Ísafirði
Skotvopnanámskeið
Námskeiði í meðferð skotvopna sem hefjast
átti 17. september, hefur verið frestað. Nám-
skeiðið hefst föstudaginn 25. september og
lýkur með prófi sunnudaginn 27. september.
Námskeiðagjald er kr. 8.000 og greiðist
við upphaf námskeiðs.
Skráningarfrestur rennur út miðvikudaginn
23. september.
Nánari upplýsingar og skráning er á lög-
reglustöðinni á Ísafirði í síma 456 4222.
Lögreglan á Ísafirði.
Tónlistarskóli Ísafjarðar
Austurvegi 11 • 400 Ísafjörður • Sími 456 3926
Ókeypis
tónlistarnám!
Skólann vantar nemendur á málmblásturs-
hljóðfæri (trompet, kornett, horn, básúnu
og túbu).
Til að efla áhuga á þessum hljóðfærum
hefur verið ákveðið að bjóða nokkrum byrj-
endum ókeypis nám til áramóta.
Lánum hljóðfæri!
Nánari upplýsingar á skrifstofu skólans,
sími 456 3926.
Gjöf Ísfirðinga til íbúa Hróarskeldu var þessi steinn sem
unninn var af Jóni Sigurpálssyni myndlistarmanni á Ísafirði.
Fulltrúar Ísafjarðarbæjar í afmælinu við gjöfina. F.v.
Hallgrímur Kjartansson, Birna Lárusdóttir, Guðfinna
Hreiðarsdóttir og Halldór Halldórsson.
til batnaðar í meðförum Þóris
Sveinssonar fjármálastjóra
sem gerði einnig dönsku
þýðinguna enda fær dönsku-
maður. Textinn hljóðar svona
á dönsku:
Fra islandske venner.
Venskabet er kostbart, det skal
dyrkes, så det gror og varer
længe.
Stenen er en gave fra Isa-
fjordskommune i anledning af
Roskildes 1000 års jubilæum.
September 1998.
Steinninn er til mikillar
prýði í þessum garði og er
öllum þeim sem komu að
tilurð hans og gerð til mikils
sóma.
Síðasta daginn 6. september
fórum við svo í skoðunarferð
um víkingaskipasafn þeirra í
Hróarskeldu sem er mjög
merkilegt en þar eru yfir 1000
ára gömul skip sem fundist
hafa í pörtum úti í firðinum.
Þar er einnig unnið að skipa-
smíðum upp á gamla móðinn
og má fylgjast með því á stað-
num.
Það voru þreyttir en ánægð-
ir fulltrúar Ísafjarðarbæjar
sem náðu heim til Íslands eftir
viðburðarríka þriggja daga
ferð til Hróarskeldu. Sann-
færðir um að svona vinabæjar-
samskipti eru erfið en skipta
máli sérstaklega upp á tengsl
okkar við frændur og frænkur
á öðrum Norðurlöndum.
Í tilefni 1000 ára afmælis Hróarskeldu var bakað 1000
metra langt vínarbrauð sem teygði sig í gegnum miðbæinn.
Margrét Danadrottning ásamt bæjarstjóranum í Hróars-
keldu í veislu sem haldin var í tilefni afmælisins.
Rafeindafyrirtækið Póls á Ísafirði
Heldur upp á 20 ára afmælið
Rafeindafyrirtækið Póls á
Ísafirði varð 20 ára í sumar
og núna á föstudaginn milli
kl. 5 og 7 verður haldið upp
á afmælið með teiti og
sýningu í húsnæði fyrirtæk-
isins á Ísafirði. Póls er fyrsta
fyrirtækið í sínum geira á
Íslandi og hefur verið braut-
ryðjandi í hönnun og smíði
skipavoga og skyldra tækja í
heiminum.
Í afmælisveislunni verður
fyrsta vogin til sýnis, svo og
nýjungar sem fyrirtækið er að
koma með um þessar mundir,
svo sem nýja skömmtunarvél
sem er einstök í sinni röð hvað
varðar tækni og nákvæmni.
„Skipavogin sem fyrirtækið
setti fyrst á markað hefur
valdið straumhvörfum í
vinnslu um borð í fiskiskip-
um í heiminum. Það eru
furðu fáir sem átta sig á því“,
sagði Ellert B. Guðjónsson
markaðsstjóri Póls í samtali
við blaðið.