Börn og menning - 01.09.2009, Side 9

Mér finnst ...
9
jaxlinn og reyna að búa til áhugaverða sögu í
kringum myndirnar. Það má líka reyna að fela
óhroðann og vona að hann gleymist en það
gengur ekki alltaf upp. Það er stórundarlegt
hvernig leiðinlegir prentgripir lauma sér inn
á heimilið og særa fegurðarskyn foreldranna
sem sitja eftir í endurtekningarsúpunni. Ný
útgáfa af Dodda í Leikfangalandi er þar
á meðal, ekki þannig að sögurnar séu
eitthvað verri en hvað annað en myndirnar
eru fengnar úr fremur lélegri tölvuteiknaðri
sjónvarpsseríu sem er svo áferðaljót og
leiðinleg að mig langar ekki að fræðast
um hina sótthreinsuðu og nýju útgáfu af
Leikfangalandi.
Enn sem komið er hefur sonurinn ekki
ánetjast afurðum Magnúsar Scheving úr
Latabæ en ég ber létt snobbaðan kvíðboga
fyrir þeim degi er hann fer fram á að ganga
um eins og brimbrettagaur frá Kaliforníu
með efnisstroffu sem kölluð er buff á höfðinu
og meðtaka hinn flatneskjulega leikfimi- og
hollustufasisma Sollu stirðu og félaga. f þeim
ævintýraheimi eru það einungis íþróttir og
hollt mataræði sem er af hinu góða. Má ég
þá frekar biðja um Línu Langsokk sem setur
egg í hárið og lyftir hestinum sínum til að
liðka sig.
Þreyttir foreldrar og syfjuð börn
Mér finnst það reyndar hrein snilld að
barnabækur skuli oftar en ekki enda á því
að aðalhetjurnar leggjast sælar og glaðar
til svefns og tunglið og stjörnurnar gægjast
fram. Þannig snúast höfundarnir á sveif með
þreyttum foreldrum sem nota bókmenntirnar
til að bæla ungviðið að loknum vinnudegi.
Eftir lestur nokkurra góðra bóka er þannig
búið að læða þeirri hugmynd að syni mínum
að það séu allir í heiminum að fara að lúlla
og því sé það í besta lagi fyrir hann að gera
slíkt hið sama.
Höfundur er Ijósmyndarí og blaðamaður
Gríptu bók!
•Manga
•Myndasögur
•Tölvuleikir
•Tímarit
•DVD myndir
•Tónlist o.fl.
Opiö alla
daga
Hamraborg 6a
S: 570-0450
Núpalind 7
S:564-0621
Bókasafn