Börn og menning - 01.09.2013, Blaðsíða 5

Frá ritstjóra
5
1 þessu hefti tímaritsins Börn og menning
er nokkuð ítarlega fjallað um eitt
vinsælasta bókmenntaform síðustu ára,
teiknimyndasöguna. Teiknimyndasögur hafa
notið mikilla vinsælda hér á landi en fáir
íslenskir listamenn hafa lagt stund á þetta
bókmenntaform. Þetta kemur ekki á óvart
Þer sem mikil vinna liggur að baki hverri
sögu og markaðurinn á íslandi hefur reynst
°f lítill til að standa undir slíkri útgáfu. Þó
bafa komið út nokkrar íslenskar myndasögur
síðustu þrjátíu árin eftir listamenn á borð við
Bjarna Hinriksson, Kjartan Arnórsson (Kjarnó)
°9 Hugleik Dagsson.
Nokkur teiknimyndablöð hafa verið gefin
uf síðustu áratugina hér á landi. Gisp! hefur
komið út óreglulega allt frá árinu 1990
°9 kom 11. tölublaðið nú í ár. Uppistaðan
1 blaðinu eru íslenskar teiknimyndasögur.
Teiknimyndablaðið NeoBlek hóf göngu
sína 1996 og hefur komið út óslitið síðan
en efni þess er oftar en ekki þýðingar
á frönskum myndasögum fremur en
frumsamdar íslenskar myndasögur. ÓkeiPiss!
er teiknimyndablað sem kom út í fyrsta skipti
2011 og kemur nú út árlega. Uppistaðan í
því eru íslenskar teiknimyndasögur.
í þessu tölublaði Barna og menningar er
að finna grein eftir Þórhall Björgvinsson,
deildarstjóra teiknimyndasögudeildar
verslunarinnar Nexus, þar sem hann fer
yfir helstu tegundir teiknimyndasagna sem
lesnar eru á íslandi í dag. Úlfhildur Dagsdóttir
fjallar um fordóma gegn teiknimyndasögum
og ritskoðun á þeim i gegnum tíðina.
Þórey Mjallhvít H. Ómarsdóttir veltir fyrir
sér kynjaímyndum í teiknimyndasögum og
Stefán Pálsson er höfundur greinar um
belgísku teiknimyndasögurnar um Sval og
Val sem flestir ættu að þekkja. Embla Ýr
Bárudóttir og Ingólfur Örn Björgvinsson
skrifa svo pistil um hvernig þau unnu
teiknimyndasöguna Blóðregn, fyrstu bókina
f flokki sem byggist á Brennu-Njálssögu.
Helga Ferdinandsdóttir lét á þessu ári
af störfum sem ritstjóri tímaritsins Börn
og menning og þökkum við henni vel
unnin störf fyrir IBBY á Islandi. Nýr ritstjóri
tímaritsins hefur enn ekki verið fundinn, en i
millitíðinni hef ég notið þess heiðurs að hafa
umsjón með þessu nýjasta tölublaði Barna
og menningar. Ég óska lesendum alls hins
besta á komandi vetri.
Brynhildur Heiðar- og Ómarsdóttir