Félagstíðindi Starfsmannafélags ríkisstofnana - 25.01.1989, Qupperneq 1

STARFSMANNAFÉLAG RÍKISSTOFNANA
AF
EFNI
BLAÐSINS
Launamála-
ráð SFR
- sjá bls. 2
Þróun kaup-
máttar SFR
frá 1987
- sjá bls. 3
Jákvætt og
skemmtilegt
kvennaþing
- sjá bls. 4
Námskeið
fyrir
trúnaðarmenn
- sjá bls. 5
Málaferli
gegn stéttar-
félögum
- sjá bls. 6
Málshöfðun
Flugleiða
fordæmd
- sjá bls. 7
Fjársvelti
Landhelgis-
gæslunnar
- sjá bls. 8
Ljósmyndir í
Félagstíðindum:
Pétur Óskarsson
Samstaða um
kjarabætur?
Viðræður um nýja kjarasamninga standa nú fyrir dyrum. í
verkalýðshreyfingunni eru málin rædd og metin þessar vikur.
Hvernig ber að standa að samningaviðræðum? Hvaða kröfur á
að leggja megináherslu á? Hvers mega einstök félög sín í
þeim samningaviðræðum sem bráðlega verður gengið til?
Allir munu sammala um að aðstæður eru nú mjög erfiía-r
fyrir einstök stéttarfélög til að ná umtalsverðum kjara-
bótum. En á sama tíma rýrnar kaupmátturinn meira og meira
með hverjum mánuðinum sem líður.
Það virðist blasa við sem meginverkefni verkalýðshreyf-
ingarinnar á þessu nýja ári að knýja fram hækkun á lægstu
launum og að vinna upp kjaraskerðingu liðinna mánuða. Sú
skerðing er mikil, eins og nánar er rakið á öðrum stað í
þessu tölublaði Félagstíðinda.
En eins og reynslan sýnir glögglega er ekki nóg að ná
fram kjarabótum. Jafn mikilvægt er að tryggja þær kjarabætur
með einhverjum hætti. Og það verkefni, að ná fram tryggingu
væntanlegra kauphækkana, er tvímælalaust ofvaxið einstökum
stéttarfélögum.
Flest virðist því benda til þess að mikilvægara sé nú en
nokkru sinni fyrr að ná sem víðtækasti samstöðu samtaka
launafólks í komandi samningaviðræðum við rxkisstjórn og
atvinnurekendur. Með víðtækri samstöðu á bak við megin-
kröfur um hækkun lægstu launa, bætur fyrir kjaraskerðingu
liðinna missera og tryggingu umsaminna kjarabóta í ólgusjó
verðbólgunnar mætti ná umtalsverðum árangri.
Saga verkalýðshreyfingarinnar hefur upp á síðkastið
einkennst af aukinni sérhyggju og sundrungu. Vonandi bera
forystumenn hreyfingarinnar gæfu til þess að átta sig á því
að án samstöðu í komandi átökum er lítil von um bætt kjör.
Ábyrgðarmaður: Umsjónarmaður: Afgreiðsla:
Einar Ólafsson Elías Snæland Jónsson Grettisgata 89