Fréttablaðið - 13.04.2021, Page 6

ÍSBAND ÞJÓNUSTUVERKSTÆÐI OG SMURÞJÓNUSTA
ÍSLENSK-BANDARÍSKA EHF • VERKSTÆÐI OG VARAHLUTAVERSLUN • SMIÐSHÖFÐA 5 • 110 REYKJAVÍK
SÍMI 590 2323 • THJONUSTA@ISBAND.IS • WWW.ISBAND.IS • OPIÐ VIRKA DAGA 07:45 - 17:00
VIÐURKENNT ÞJÓNUSTUVERKSTÆÐI
SMURÞJÓNUSTA FYRIR ALLA BÍLA
FIAT HÚSBÍLAR - ÞJÓNUSTUVERKSTÆÐI
ALLIR VINNA - ENDURGREIÐSLA VSK.
STUTTUR BIÐTÍMI SÍMI 590 2323
UMBOÐSAÐILI
SMURÞJÓNUSTA
STJÓRNMÁL Þingmenn stjórnar-
andstöðunnar voru harðorðir
á Alþingi í gær vegna f jögurra
stjórnarmála sem eru sambærileg
eldri þingmannafrumvörpum.
Er þar meðal annars um að ræða
frumvarp Svandísar Svavarsdóttur
heilbrigðisráðherra um afglæpa-
væðingu neysluskammta. Halldóra
Mogensen, þingmaður Pírata, lagði
fram sambærilegt frumvarp í fyrra
sem fellt var.
Annað er frumvarp Áslaugar
Örnu Sigurbjörnsdóttur um barna-
níðsefni og hatursorðræðu sem
Þorbjörg Gunnarsdóttir, þing-
maður Viðreisnar, hafði lagt fram.
Hver þingmaðurinn á fætur
öðrum fordæmdi vinnubrögðin.
Þau væru vanvirða við störf alþing-
ismanna og hefðu valdið töfum á
fullbúnum réttarbótum um allt að
einu ári.
„Það sem ríkisstjórnin býður
okkur nú upp á er endurflutningur.
Vegna þess að fólk er svo of boðs-
lega fast í þeim förum að ekki megi
samþykkja tillögur ef þær koma
úr vitlausri átt,“ sagði Andrés Ingi
Jónsson, þingmaður Pírata.
Jón Steindór Valdimarsson, þing-
maður Viðreisnar, sagði stjórnar-
frumvörpin efnislega að minnsta
kosti 95 prósent eins og eldri frum-
vörp. Eitt þeirra væri í nefnd.
„Okkur þingmönnum er uppá-
lagt að leggja ekki fram frumvörp
ef sams konar frumvarp er þegar til
meðferðar hjá þinginu. Gilda ekki
sömu reglur um ráðherra?“ spurði
Jón.
Við framsögu á frumvarpi um
neysluskammta sagði Svandís að
frumkvæði Pírata í því máli yrði
haldið til haga. „Þetta frumvarp
byggir að hluta til á þeirri vinnu og
þeim umsögnum sem bárust við
frumvarpinu,“ sagði ráðherra. – khg
Sökuðu ráðherrana um að tefja mál og endurflytja í eigin nafni
Gilda ekki sömu
reglur um ráðherra?
Jón Steindór
Valdimarsson,
þingmaður
Viðreisnar
VÐSKIPTI Flugfélgið Play hefur
tryggt sér nýtt hlutafé frá breiðum
hópi innlendra fjárfesta, meðal
annars lífeyrissjóða, að fjárhæð
meira en fimm milljarðar króna.
Í hópi þeirra f jár festa sem
munu leggja hinu verðandi f lug-
félagi til nýtt fjármagn eru Stoðir,
eitt umsvifamesta fjárfestinga-
félag landsins, eigendur eignar-
haldsfélagsins Langasjós, sem á
heildverslunina Mata og fjárfest-
ingafélagið Brimgarða, félagið
Fiskisund, sem Einar Örn Ólafsson,
fjárfestir og fyrrverandi forstjóri
Skeljungs, fer fyrir, lífeyrissjóðirnir
Birta og Lífsverk ásamt verðbréfa-
sjóðum í stýringu Akta.
Á undanförnum vikum hefur
staðið yfir lokað hlutafjárútboð,
sem Arctica Finance hafði umsjón
með, en því lauk síðastliðinn föstu-
dag þar sem fjárfestar skráðu sig
fyrir samanlagt meira en 40 millj-
ónum Bandaríkjadala, eins og
greint var frá á vef Fréttablaðsins í
gær.
Hinir nýju fjárfestar að Play
munu eignast mikinn meirihluta í
félaginu.
Þá er stefnt að skráningu félags-
ins á First North-markaðinn í Kaup-
höllinni, sem er áformað að verði í
júní, en samhliða því hyggst Play
sækja sér um 20 milljónir dala í
aukið fjármagn til viðbótar.
Birgir Jónsson, sem var síðast
forstjóri Íslandspósts en hefur
einnig starfað sem forstjóri Iceland
Express og aðstoðarforstjóri WOW
air, hefur tekið við sem forstjóri
f lugfélagsins.
Play er með vilyrði um þrjár Air-
bus A321 leiguflugvélar til þess að
hefja áætlunarflug til og frá Íslandi.
– hae
Play sækir yfir
fimm milljarða
Birgir
Jónsson, nýr
forstjóri Play.
LÍFRÍKI Sérfræðingar hafa áhyggjur
af miklum fjölda spendýra og sjó-
fugla sem drukkna árlega í veiðar-
færum við strendur Íslands. Teg-
undir á válista stjórnvalda finnast
iðulega í netunum og eru grásleppu-
veiðar í einhverjum tilvikum helsta
dánarorsök dýra í útrýmingarhættu.
„Við höfum áhyggjur af meðafla
í grásleppuveiðum, sérstaklega
á selum, þar sem stofnarnir eru
litlir hjá okkur vegna ofveiði á árum
áður,“ segir Guðjón Már Sigurðsson,
sjávarlíffræðingur hjá Hafrann-
sóknastofnun.
Guðjón bendir á að á árunum 2014
til 2018 hafi uppreiknaður fjöldi sela
sem veiddust í grásleppunet verið
2.695 dýr. Þar af voru 1.389 landselir
sem taldir eru í bráðri útrýmingar-
hættu
Landselastofninn er metinn vera
um 9.400 dýr. Helsta dánar orsök
landsela er drukknun í veiðarfærum.
„Lítið sem ekkert er hægt að gera
til að koma í veg fyrir að selirnir fest-
ist í netunum,“ segir Guðjón.
Ýmislegt hefur verið prófað. Hljóð-
merki, sem virka til að mynda vel til
að fæla smáhvali, höfrunga og hnísur
frá netunum, hafa takmörkuð áhrif á
selina „Selirnir fara bara frá í nokkra
daga áður en þeir koma aftur að
rannsaka málið. Þeir eru svo klárir,“
útskýrir Guðjón.
Frá árinu 2019 hefur bein veiði á
selum verið bönnuð nema sótt sé um
undanþágu fyrir nytjaveiðar.
„Selirnir sem veiðast sem með-
afli í netin eru almennt ekki nýttir
og detta yfirleitt úr netunum áður
en þeir eru dregnir um borð,“ segir
Sandra M. Granquist, deildarstjóri
líffræðirannsóknarsviðs hjá Sela-
setrinu.
Hafrannsóknastofnun heldur
utan um tölulegar upplýsingar um
spendýr og sjófugla sem veiðast í
grásleppunet. Tölurnar byggja á
skrásetningu eftirlitsmanna Fiski-
stofu sem fara með um borð í um
það bil tvö prósent túra á veiðitíma-
bilinu.
Tölurnar eru því ekki mjög
nákvæmar og þarf að uppreikna
fjölda spendýra út frá þeim meðafla
sem veiðist þegar eftirlitsmenn eru
um borð.
Þrátt fyrir að skráningarskylda
sé þegar selir veiðast bendir Guð-
jón á að skipstjórar skrái ekki alltaf
meðaflann hjá sér og þess vegna sé
heildarfjöldinn einungis reiknaður
út frá tölum Fiskistofu
„Skipstjórar hafa ýmsar ástæður
til að skrá þetta ekki hjá sér og þess
vegna geta tölurnar breyst töluvert
milli ára,“ segir Guðjón.
Tiltölulega nýbyrjað er að fylgjast
með meðafla á kerfisbundinn hátt
og erfitt að meta hvort aflinn sé að
aukast eða minnka milli ára.
Fjöldi spendýra sem meðafli við
Íslandsstrendur vekur ekki einung-
is áhyggjur sérfræðinga hér á landi.
Til stóð að loka á útf lutning
íslenskra fiskafurða til Bandaríkj-
anna þann 1. janúar 2022 þar sem
Íslendingum tókst ekki að stand-
ast nýjar kröfur Bandaríkjanna í
þessum efnum.
Nýlega fékk Ísland ársfrest vegna
heimsfaraldursins. Gafst þá auk-
inn tími til að sýna að hægt væri
að minnka fjöldann. Náist ekki að
draga úr drápinu verður endur-
skoðun á útf lutningsbanni ekki
möguleg fyrr en fjórum árum eftir
að bann tekur gildi í byrjun árs 2023
kristlin@frettabladid.is
Selir drukkna í stórum stíl í
netum grásleppuveiðimanna
Íslendingar fengu frest vegna kórónaveirufaraldursins til að koma í veg fyrir dráp á selum sem meðafla
fiskveiðimanna. Loka átti á innflutning fiskafurða til Bandaríkjanna um næstu áramót þar sem Íslandi
hefur ekki tekist að koma til móts við kröfur í þessum efnum. Illa gengur að fæla selina frá veiðarfærum.
Mikill fjöldi sela er sagður villast í net veiðimanna hér við land á hverju ári og drukkna þar. FRÉTTABLAÐIÐ/VILHELM
Lítið sem ekkert er
hægt að gera til að
koma í veg fyrir að selirnir
festist í netunum.
Guðjón Már
Sigurðsson,
sjávarlíffræðing-
ur hjá Hafrann-
sóknastofnun
1 3 . A P R Í L 2 0 2 1 Þ R I Ð J U D A G U R4 F R É T T I R ∙ F R É T T A B L A Ð I Ð