Fréttablaðið - 13.04.2021, Blaðsíða 8

Kraftur, traust
og árangur Hafliði Halldórsson
Sími: 846 4960
Hringdu
núna
520 9595
Það er alveg klár-
lega hægt að finna
að Lundúnabúar eru spennt-
ir fyrir opnun-
unum.
Bryndís Silja
Pálmadóttir
BRETLAND „Ég fann alveg öðruvísi
andrúmsloft. Ég skutlaði dóttur
minni í leikskólann og það var létt-
ara yfir öllum,“ segir Hólmfríður
Björnsdóttir lögfræðingur sem
búsett er í Manchester. Bretar tóku
fyrsta skrefið í að aflétta ströngum
sóttvarnareglum í gær við mikinn
fögnuð landsmanna enda höfðu
þær varað í rúma þrjá mánuði. Allt
annað en fyrirtæki sem seldu nauð-
synjavörur hefur verið lokað þar til
í gær.
Bryndís Silja Pálmadóttir, sem er
búsett í London, hefur sömu sögu
að segja. „Það voru auðvitað allir
spenntir fyrir því að pöbbar og
veitingastaðir yrðu opnaðir aftur.
Allt er að verða eðlilegra hérna með
hverjum deginum. Ég er ekki búin
að fara niður í bæ en hef séð myndir
af löngum röðum á Oxfordstræti og
þessum stóru götum þar sem fólk er
að bíða eftir að komast í búðirnar,
sem eru búnar að vera lokaðar síðan
rétt fyrir jól. Svo eru held ég margir
glaðir að komast í klippingu og
ræktina,“ segir hún.
Fréttamiðlar ytra sögðu frá þess-
um röðum í verslanir og að sumir
hefðu jafnvel mætt á barinn þegar
hann var opnaður eina mínútu yfir
miðnætti enda Guinness af dælu
töluvert betri en úr dósinni. Boris
Johnson forsætisráðherra bað fólk
að haga sér skynsamlega.
„Það er alveg klárlega hægt að
finna að Lundúnabúar eru spenntir
fyrir opnununum og þessum breyt-
ingum. Það sést bara á því að það
er nánast ómögulegt að fá borð á
pöbbum og veitingastöðum næstu
vikurnar. Tveir af uppáhalds stöð-
unum okkar í London eru uppbók-
aðir á kvöldin margar vikur fram í
tímann, en ætli við reynum ekki að
mæta og vona það besta bara,“ segir
Bryndís.
Þegar hún gekk í skólann í gær-
morgun virtist allt frekar venjulegt,
nema auðvitað að búðir voru nú
opnar og virtist nóg að gera á þeim
pöbbum sem hún gekk fram hjá.
„Reglurnar fram í maí eru þannig
að veitingastaðir og barir geta bara
boðið fólki upp á mat úti, þannig
að það er auðvitað bitist mest um
staði sem eru með góð útisvæði.
Mér skilst líka að borgin sé að gera
meira í því að aðstoða veitinga-
staði og bari við að koma upp úti-
svæðum. Á meðan veðrið er gott er
þetta alls ekki vitlaus hugmynd og
margir staðir eru komnir með hit-
ara og yfirbyggð svæði ef það skyldi
rigna,“ segir Bryndís.
Hólmfríður og unnusti hennar,
knattspyrnukappinn Jóhann Berg
Guðmundsson, eignuðust barn í lok
janúar svo hún var meira og minna
inni hvort sem er. Ástandið hefur
því ekki leikið hana mjög grátt.
„Auðvitað var svolítið leiðinlegt
að geta ekki farið aðeins út en að
öðru leyti var þetta allt í lagi. Það
verður alveg gaman að geta hreyft
sig aðeins meir.“
Hún segir að breytingin sem hún
hafi fundið hafi verið sú að það var
meiri umferð og raðir fyrir framan
allar búðir. „Ég er ekki frá því að það
sé mikill léttir í lofti og fólk almennt
glatt og ánægt með að það sé búið að
opna.“ benediktboas@frettabladid.is
Léttara andrúmsloft þegar
Bretar opnuðu dyrnar á ný
Bretar opnuðu verslanir, hárgreiðslustofur, líkamsræktarstöðvar og krár í gær eftir rúmlega þriggja
mánaða útgöngubann. Góður andi sveif yfir Bretlandseyjar og segja tvær íslenskar konur, önnur í Man­
ch ester og hin í London, að það hafi verið merkjanlegur munur. Það var gleði í loftinu um allt England.
Fólk á The Peterboat-pöbbinum naut þess að geta loksins farið út að borða hádegisverð. FRÉTTABLAÐIÐ/GETTY
Rafmyntanámur falla ekki í kramið í
Innri-Mongólíu. FRÉTTABLAÐIÐ/GETTY
KÍNA Samkvæmt nýrri rannsókn,
birtri í tímaritinu Nature, ógnar
gröftur rafmynta í Kína þeim lofts-
lagsmarkmiðum landsins að ná
hámarks kolefnisútblæstri fyrir
2030 og verða að fullu kolefnisjafn-
að árið 2060. Áttatíu prósent af raf-
mynt eru grafin upp í kínverskum
námum sem eru að 40 prósentum
knúin áfram með brennslu kola.
Í rannsókninni kemur fram að
ef núverandi þróun heldur áfram
muni kínverskar rafmyntanámur
kosta loftslagið rúmlega 130 millj-
ónir tonna af kolefnislosun árið
2024. Er það sambærilegt við heild-
arlosun Sádi-Arabíu eða Ítalíu.
Verð Bitcoin hefur fimmfaldast
á árinu sem hefur leitt til meiri
eftirspurnar og meiri námavinnslu.
Héraðsstjórnir í héruðum sem hafa
mikla kolabrennslu, eins og Innri-
Mongólía, eru nú að reyna að koma
rafmyntanámunum burt til þess að
ná settum útblástursmarkmiðum.
En þó að viðskipti með rafmyntir
hafi verið gerð ólögleg í landinu til
að stemma stigu við peningaþvætti
er námagröfturinn enn þá leyfður.
– khg
Rafmyntir ógna
markmiði um
kolefnisjöfnuð
Árið 2024 gætu kín-
verskar rafmyntanámur
valdið jafn miklum út-
blæstri og Sádi-Arabía.
SAMFÉLAG Happdrætti Háskóla
Íslands segir ástæðu þess að félagið
hafi neitað að af henda Samtökum
áhugafólks um spilafíkn (SÁS) afrit
af gögnum sem borist hafa dóms-
málaráðuneytinu á tíu ára tímabili
þá að gögnin innihaldi upplýsingar
um mikilvæga fjárhags- og við-
skiptahagsmuni.
Líkt og Fréttablaðið greindi frá
hyggst SÁS kæra ákvörðun dóms-
málaráðuneytisins um að af henda
ekki gögn um úrbætur og spilakort
sem samtökin óskuðu eftir í erindi
til ráðuneytisins þann 18. febrúar
síðastliðinn.
Samtök áhugafólks um spilafíkn
hafa kallað eftir því að spilakössum
á Íslandi verði lokað og hefur fjöldi
fólks deilt sögum sínum um spila-
fíkn og þá neyð sem hún skapar
undanfarnar vikur á heimasíðu
samtakanna.
Ísla nd sspil og Happd r æt t i
Háskóla Íslands (HHÍ) sem fara
með rekstur spilakassa hér á landi
hafa svarað því kalli með umræðu
um spilakort sem virka þannig að
spilarar spili með fyrirfram greidd-
um spilakortum. Þannig megi
stjórna betur þeim fjárhæðum sem
spilað er fyrir.
Í svari dómsmálaráðuneytis-
ins við beiðni SÁS segir að sam-
kvæmt upplýsingalögum skuli
veita almenningi aðgang að fyrir-
liggjandi gögnum en óheimilt sé að
veita aðgang að gögnum um einka-
eða fjárhagsmálefni einstaklinga
„sem sanngjarnt er og eðlilegt að
leynt fari, nema sá samþykki sem
eigi í hlut“. Sömu takmarkanir gildi
um aðgang að gögnum er varða
mikilvæga fjárhags- og viðskipta-
hagsmuni fyrirtækja.
„Þetta er ástæða þess að HHÍ
hefur lagst gegn því að ráðuneytið
afhendi umrædd gögn,“ segir Bryn-
dís Hrafnkelsdóttir, forstjóri Happ-
drættis Háskólans, aðspurð um
ástæðu þess að neitað hafi verið að
af henda gögnin. – bdj
Segja upplýsingarnar varða fjárhags- og viðskiptahagsmuni
SÁS hyggst kæra ákvörð-
un dómsmálaráðuneytisins
um að afhenda ekki gögn
um úrbætur og spilakort.
1 3 . A P R Í L 2 0 2 1 Þ R I Ð J U D A G U R6 F R É T T I R ∙ F R É T T A B L A Ð I Ð