Börn og menning - 2016, Blaðsíða 21

Hrollsbækurnar (e. Goosebumps) eftir R. L. Stine eru
afþreyingarbókmenntir fyrir börn og unglinga sem
nýta sér menningararf hrollvekjufrásagnarinnar ásamt
öðrum frásagnarminnum. Bækurnar endurvinna ýmis
kunnugleg þemu og efni fyrir unga lesendur og setja á
svið nýjar útgáfur af þekktum frásögnum, skrímslum og
óvættum. R. L. Stine er gífurlega afkastamikill höfund-
ur og einsog kemur fram í inngangi nýlegrar bókar í
flokknum, Kvikmyndarinnar (2015), hefur hann skrifað
meira en hundrað tuttugu og fimm bækur undir merkj-
um Goosebumps. Nýlega tók Bókabeitan til við að gefa
út valdar bækur úr flokknum undir heitinu Hrollur.
Þrjár eru nú þegar komnar út og eru þær umfjöllun-
arefni þessarar greinar. Kvik-
myndin er fyrsta bókin í Hrolls-
seríunni en það er Birgitta Elín
Hassel sem þýðir hana. Önnur í
röðinni er Hefnd garðdverganna
(2015) í þýðingu Mörtu Hlínar
Magnadóttur og sú þriðja er Sá
hlær best - sem síðast hlær (2015)
sem Ingibjörg Valsdóttir þýðir.
Hver bók í bókaflokknum er sjálfstæð og er ný aðal-
persóna kynnt til sögu í hverri bók. Þær eru jafnan börn
eða unglingar sem lenda í ævintýralegum atburðum og
þurfa að kljást við alls konar hryllileg skrímsli sem valda
usla og setja hversdagslega tilveru þeirra úr skorðum.
Þrátt fyrir hryllinginn er einnig slegið á létta strengi í
bókunum og húmor notaður til að létta spennuþrung-
ið andrúmsloftið. Hryllingurinn er fantasíukenndur á
köflum og tengist jafnvel töfrum eða hinu óútskýran-
lega.
Kvikmyndin hefur ákveðna sérstöðu því Stine er
ekki höfundur hennar heldur var gerð kvikmynd
upp úr heimi Hrollsbókanna og í framhaldinu var
svo gefin út bók sem byggði á
kvikmyndinni. Sögupersónur
hennar hafa sjálfar lesið Hrolls-
bækurnar og þar að auki er
höfundur bókaflokksins, R. L.
Stine aukapersóna í bókinni. Í
Kvikmyndinni sleppa óteljandi
óvættir og ófreskjur af blaðsíð-
um handrita Hrollsbókanna og
Hryllingur og húmor
Hrollsbækur R. L. Stine og endurvinnsla á
kunnuglegum þemum fyrir unga lesendur
Elín Björk Jóhannsdóttir
Þrátt fyrir hryllinginn
er einnig slegið á létta
strengi í bókunum og
húmor notaður til að
létta spennuþrungið
andrúmsloftið.