Rit Mógilsár - 2015, Qupperneq 6

6 Rit Mógilsár 33/2015
Lýsing á skráðum upplýsingum
Markmiðið er að safna upplýsingum, sem varpað
geta sem bestu ljósi á, í hvaða framkvæmdir
skuli ráðist í hverjum reit. Það ætti að vera
öllum augljóst, að það er hægara sagt en gert
að ákveða hvaða upplýsingar fullnægja settu
markmiði til hlítar. Það er ekki ætlunin að reyna
að svara þessari spurningu hér enda er um að
ræða margslungið samspil ýmissa þátta.
Gagnasöfnunarvinnunni er þannig háttað að
gengið er með loftmynd (1:5.000 er hentugur
viðmiðunarmælikvarði fyrir skógræktarsvæði)
eða vettvangstölvu með loftmynd í LUK um
svæði það sem á að kortleggja. Á loftmyndina
eru afmarkaðir reitir, sem hverjum er gefið
númer. Ef unnið er á vettvangstölvu beint í LUK
opnast skráningartafla þegar búið er að teikna og
mynda reit.
Hér verða þær breytur sem mikilvægastar
eru og gildi þeirra sem oftast eru notuð við
kortlagningu á skóglausu landi feitletruð.
Aðrar breytur sem hafa minna vægi og gildi sem
eru lítið notuð eru skáletruð. Með hefðbundnu
letri eru þær breytur sem hafa minnst vægi og
gildi sem eru notuð mjög sjaldan eða koma
einungis fyrir þegar lýsa á skógrækt sem þegar
er fyrir hendi eða náttúrulegum birkiskógi.
Breytulistanum er skipt niður í tvo flokka eftir því
á hvaða landi þeim er safnað.