Rit Mógilsár - 2015, Side 14

14 Rit Mógilsár 33/2015
8. Grýtni (eða: Grjót á yfirborði)
(heiti í fitjuskrá NÍ: grjotYfirbord)
Skráð í 3 flokka með eftirfarandi skilgreiningu:
N. (1) Grýtni engin:
Ekkert grjót eða klappir á yfirborði.
(þekja 0%).
L. (2) Lítið grýtt:
Lítið af grjóti og klöppum á yfirborði.
(þekja 1­33%).
M. (3) Mikið grýtt:
Mikið af grjóti og klöppum á yfirborði.
(þekja yfir 33%).
Skilgreining á grjóti er að það skal vera með
þvermál meira en 6,4 sm (Landmælingar Íslands
og Náttúrufræðistofnun Íslands 2013). Þekja
grjóts á yfirborði er eins og gróðurþekja einnig
skráð í gróðurkortagerð og er til þar sem sérstök
fitjueigind. Fyrir utan að vera mjög lýsandi fyrir
yfirborð lands var hugmyndin með þessari
skráningu að meta hvort land væri ræktanlegt eða
ekki. Á sama hátt nýtist þessi breyta í skógrækt
og gefur til kynna hvort og hvaða jarðvinnslu er
hægt að beita á landinu. Getur einnig nýst við
skipulagningu vegakerfis. NÍ hefur í sínum lykli
tvo undirflokka fyrir lítið grýtt og þrjá fyrir mikið
grýtt. Kóðar í fitjuskrá NÍ eru settir í sviga, þ.e. 1
til 3.
9. Undirlag (eða: Undirlag jarðvegs)
Hér er reynt að geta sér til um undirlag
jarðvegs og eru eftirtaldir flokkar notaðir:
S. Skriða
K. Klappir
G. Grjót eða jökulruðningur
Mö. Möl
Sa. Sandur
H. Hraun
Undirlagið segir töluvert til um hvort landið
heldur vel á jarðraka eða regnvatn hripar fljótt í
gegnum jarðveginn.
10. Athugasemdir
(heiti í fitjuskrá 510 Skógrækt: ath)
Hér eru skráðar ýmsar upplýsingar sem ekki koma
fram annars staðar, t.d. hugsanleg jarðvinnsla,
hvort þörf er á grisjun eða áburðargjöf, núverandi
notkun lands o.s.frv.
Athugasemdadálkurinn er einnig notaður til að
gera grein fyrir aðgerðavali þess sem kortleggur,
sem vegur þungt við gerð ræktunaráætlunar.