Morgunblaðið - 09.01.2021, Blaðsíða 4

ÁHRIF KÓRÓNUVEIRUNNAR Á ÍSLANDI4
MORGUNBLAÐIÐ LAUGARDAGUR 9. JANÚAR 2021
Ármúli 7, 2 hæð | Sími 546 1100 | investis@investis.is | www.investis.is
Sérfræðingar
í sölu fyrirtækja
• Myndarlegt matvinnslufyrirtæki á Vesturlandi, fyrirtækið er með sterka
stöðu á Vesturlandi.Meðal viðskiptavina eru veitingahús, stofnanir og
sveitafélög. Velta er rúmar 100 milljónir.
• Áhugaverð sérverslun á Laugaveginum með mikla sérstöðu og mikil
tækifæri þegar ferðamenn birtast á ný.
• Öflugt fyrirtæki í barnavörum, velta tæpar 200 milljónir, góður hagnaður.
• Lítil heildverslun með sælgæti. Velta um 60 milljónir.
• Við vinnum að sölu á herrafataverslun, verslunin er með góð
viðskiptasambönd. Góður hagnaður hefur verið af starfseminni um árabil.
• Við höfum til sölu kvenfataverslun í Kringlunni, velta um 100 milljónir.
• Sérhæft matvælafyrirtæki sem veltir um 130 milljónum, mikill vöxtur.
• Bílasprautun með samning við öll tryggingarfélögin. Næg verkefni.
Við vinnum að nokkrum söluverkefnum sem
snúast um sterk merki í veitingarekstri
sem velta frá 200 til 400 milljónum.
Töluverð eftirspurn er eftir fyrirtækjum á verðbilinu 50 til 200
milljónir. Mest er spurt eftir fyrirtækjum í heildsölu, innflutningi,
veitingahúsum, ferðaþjónustufyrirtækjum og verktakafyrirtækjum
auk þess er eftirspurn eftir fyrirtækjum í sjávarútvegi.
Hafðu samband ef þú hefur áhuga á að skoða sölu á þínu fyrirtæki.
Lilja Hrund Ava Lúðvíksdóttir
Oddur Þórðarson
Slakað verður á samkomutakmörk-
unum hér á landi miðvikudaginn 13.
janúar og eiga nýjar reglur að gilda
til og með 17. febrúar næstkomandi,
þó með þeim fyrirvara að faraldur
kórónuveirunnar fari ekki á flug hér
á landi. Þegar nýjar reglur taka gildi
munu 20 mega koma saman í stað 10
eins og nú er. Íþróttaiðkun er leyfi-
leg, bæði meðal barna og fullorðinna
og með eða án snertingar og þá
mega 50 vera viðstaddir keppnir og
æfingar. Í líkams- og heilsuræktar-
stöðvum má aðeins sækja hópatíma
en ekki tækjasali, búningsklefar
mega ekki vera opnir og gestir
stöðvanna mega ekki deila neinum
búnaði með sér.
Sviðslistir heimilar
Fyrirkomulag takmarkana mun
breytast á veitingastöðum þar sem
20 mega koma saman í stað 15 og þá
er skemmtistöðum enn gert að hafa
lokað. Sviðslistir eru heimilar en þó
ekki með fleiri en 50 manns á sviði og
100 sýningargestum í merktum sæt-
um, þá verða fullorðnir að bera and-
litsgrímu við þau tilefni. Þá er jafn-
framt sérstaklega tekið fram að
skíðasvæði megi vera opin og um
þau segir að samkvæmt 4. reglu í út-
gefnum reglum skíðasvæðanna í
landinu skuli í skíðalyftum tryggt að
þeir sem eru einir á ferð þurfi ekki að
deila lyftustól með öðrum og að
halda skuli tveggja metra nálægðar-
mörk og sömu reglur gilda um grím-
unotkun og annars staðar.
Segir góða stöðu innanlands
Svandís Svavarsdóttir heilbrigðis-
ráðherra segir að þótt hægt sé að
ráðast í tilslakanir á samkomutak-
mörkunum nú sé enn mikið tilefni til
þess að hafa varann á. Tvö kórónu-
veirusmit greindust í gær og níu á
landamærum, báðir sem greindust
innanlands voru í sóttkví við grein-
ingu.
„Staðan er sú að þó að við séum
með góða stöðu innanlands er farald-
urinn á bullandi siglingu í löndunum
í kringum okkur. Ef við förum í þess-
ar afléttingar gerum við það að því
gefnu að við höldum faraldrinum
áfram í skorðum og við verðum bara
að fara mjög varlega. Við teljum
ástæðu til þess að vanda okkur alveg
sérstaklega þegar við erum að fara í
afléttingar á þessum tímapunkti,“
sagði Svandís við mbl.is í gær.
„Við leggjum upp með það núna til
að tryggja eins mikinn fyrirsjáan-
leika og hægt er. Við þurfum öll að
vera tilbúin fyrir þann ófyrirsjáan-
leika sem veiran færir okkur, en
þetta er svona miðað við það að við
höldum sjó,“ bætir hún við.
Þórólfur Guðnason sóttvarna-
læknir hefur lagt til að allir þeir sem
koma til landsins verði skikkaðir í
sýnatöku ellegar verði þeir sendir í
14 daga sóttkví í farsóttarhús. „Þetta
snýst um að treysta kerfið enn betur
þannig að það sleppi ekki veira inn
um landamærin. Við sjáum aukinn
þrýsting þar í samræmi við aukn-
ingu í nánast öllum löndum í kring-
um okkur,“ segir Svandís.
Illskiljanleg reglugerð
Deildar meiningar eru um tilmæli
sóttvarnayfirvalda að þessu sinni
þegar kemur að heilsu- og líkams-
ræktarstöðvum. Þröstur Jón Sig-
urðsson, eigandi Sporthússins, sagði
við mbl.is í gær að hann skildi illa
hvað raunverulega væri heimilað
samkvæmt nýrri reglugerð.
„Maður verður eiginlega að bíða
eftir því að sjá hvað Þórólfur setur
fram um leiðbeiningar um sóttvarn-
irnar. Þetta er náttúrulega rosalega
flókið í starfsemi eins og okkar þar
sem við erum með ótal mismunandi
námskeið og hópa, CrossFit, Boot
Camp, allt mögulegt, fótboltasali og
fleira. Hvað má, hvað má ekki? Ég
veit það ekki enn þá,“ sagði Þröstur.
Stjórnvöld létta á takmörkunum
 Samkomutakmarkanir úr 10 í 20 manns  Líkamsræktarstöðvar mega aðeins bjóða upp á tíma fyrir
hópa fólks  Tækjasalir fyrir einstaklinga enn lokaðir  Erfitt að skilja, segir eigandi Sporthússins
Tilslakanir á tak mörk un um vegna kóróna veiru
Líkamsræktarsalir opnaðir á ný
með takmörkunum.
Hámark 20 í
hóptíma og allir
séu fyrirfram-
skráðir í tíma.
Al menn ar fjölda tak-
mark an ir verða
20 man ns í stað 10 áður.
Skíðasvæðum
verður heim ilt að hafa opið með
tak mörk un um.
Sund- og baðstaðir
megi áfram hafa opið
fyrir 50% af leyfi leg-
um hámarksfjölda gesta.
Verslanir
Einn viðskipta vinur á
hverja 4m² að hámarki.
Hámark 100
viðskipta vinir
í rými.
Íþróttaæfi ng ar barna og
full orðinna verða heim il ar
með og án snert ing ar inn an- og
ut an dyra. Ekki mega vera fl eiri
en 50 manns í rými.
Íþrótta keppn ir barna og
full orðinna verða heim il ar
en án áhorf enda.
Sviðslist ir,
bíó sýn ing ar
og aðrir menn-
ing ar viðburðir
Á sviði mega vera
allt að 50 manns. Gest ir í sal
mega vera allt að 100 full-
orðnir og 100 börn.
Skemmtistaðir, krár,
spilasalir og spilakassar
verða áfram lokaðir.
Veitingastaðir
mega hafa opið
til kl. 22.
Nándar-
regla verður
áfram tveir
metrar.
Gestir verði að hámarki 20.
Ljósmynd/Jorri
Þjóðleikhúsið Leikritið Vertu úlfur verður frumsýnt 22. janúar en æfing
fór fram í gær. Hér teiknar aðalleikarinn Björn Thors jólakúlu á sviðið með
táknrænum hætti. Unnur Ösp Stefánsdóttir, kona Björns, leikstýrir honum.
Ragnhildur Þrastardóttir
Oddur Þórðarson
Ísland á rétt á helmingi fleiri
skömmtum af bóluefni lyfjafyrirtæk-
isins Pfizer við kórónuveirunni vegna
nýs samnings sem Evrópusambandið
undirritaði í gær. Ísland er í sam-
starfi við Evrópusambandið um bólu-
efnakaup og mun Ísland því fá 500
þúsund skammta fyrir um 250 þús-
und Íslendinga en sóttvarnayfirvöld
ráðgera að bólusetja um 280 þúsund
manns hér á landi.
Hins vegar liggur ekki enn fyrir
hvenær þessir 500 þúsund skammtar
verði afhentir, en hingað til hefur að-
eins verið staðfest að afhentir verði
þrjú til fjögur þúsund skammtar á
viku og mun afhending þeirra hefjast
20. janúar. Ísland hefur að auki veitt
bóluefni Moderna markaðsleyfi hér á
landi og mun bólusetning með því
bóluefni hefjast innan skamms.
Alveg að gefast upp á Pfizer
Kári Stefánsson, forstjóri Íslenskr-
ar erfðagreiningar, sagði í samtali við
mbl.is í gær að viðræður hans og Þór-
ólfs Guðnasonar sóttvarnalæknis við
Pfizer um tilraun til hjarðónæmis hér
á landi gangi
hægt. Fyrirhugað
var að fá hingað til
lands bóluefni
sem nægði til að
bólusetja um 60-
70% landsmanna
og ná þannig
hjarðónæmi. Kári
segist ekki hafa
gefist upp á við-
ræðunum enn, en bætir við að hann
sé þó alveg að gefast upp.
Nú er ljóst að ísraelsk stjórnvöld
hafa tryggt samning við Pfizer um af-
hendingu nægilegs magns bóluefnis
til þess að bólusetja alla íbúa landsins,
eldri en 16 ára, fyrir marslok. Þetta
segir Kári vera skýrt merki um hve
mikilvægt er að geta samið um bólu-
efnakaup sem sjálfstætt ríki. Spurður
hvort líklegra hefði verið að ná ár-
angri í viðræðum við Pfizer, hefðum
við ekki verið í samfloti við ESB segir
Kári að svo sé ekki endilega.
„Nei. Það var ekkert óskynsamleg
ákvörðun á sínum tíma að slást í hóp-
inn með Norðurlöndunum og Evr-
ópusambandinu en það er að koma í
ljós núna að Evrópusambandið hefur
staðið sig býsna illa.“
Ísland fær tvöfalt
fleiri skammta
 Kári segir ESB standa sig illa
Kári Stefánsson
Utanríkisráðuneytið hefur vakið at-
hygli á breyttum ferðatakmörk-
unum í Bretlandi og Danmörku. Í
Danmörku hefur verið ákveðið að
enginn fái að koma inn í landið nema
viðkomandi framvísi vottorði um
neikvætt kórónuveirupróf sem ekki
er eldra en sólarhringsgamalt. Þá
þurfa allir að hafa lögmæta ástæðu
til þess að ferðast til landsins.
Í Bretlandi hafa sams konar regl-
ur tekið gildi. Þar verða komu-
farþegar að framvísa vottorði um
neikvætt kórónuveirupróf sem ekki
er eldra en 72 klukkustunda gamalt.
Þeir farþegar sem koma frá lönd-
um sem ekki eru á lista breskra
stjórnvalda yfir græn svæði verða
hins vegar að fara í 10 daga sóttkví
þrátt fyrir að geta sýnt fram á nei-
kvætt kórónuveirupróf. Ísland er á
lista Bretlands yfir græn svæði.
Í tilkynningu frá Icelandair segir
að félagið muni hafa samband við
alla sem eiga bókað hjá þeim á
sunnudag, mánudag og þriðjudag til
Kaupmannahafnar og bjóða þeim að
breyta flugbókunum sínum.
Fara fram
á veiru-
vottorð
 Bretar og Danir
herða takmarkanir