Morgunblaðið - 27.01.2021, Side 6

6 FRÉTTIRInnlent
MORGUNBLAÐIÐ MIÐVIKUDAGUR 27. JANÚAR 2021
Álfheimum 74, 104 Rvk, sími 568 5170
CHANEL kynning
í Snyrtivöruversluninni Glæsibæ
27.-29. janúar
• Við kynnum nýja Rouge Allure
Laque varaliti
- Glansandi varalitir sem haldast
vel á vörunum
• Nýjan farða Ultra Le Teint
- Olíulaus mattur farði með
silkimjúka áferð
• Líkamskrem í Gabrielle ilmlínuna
• Nýtt Le Lift Lotion og Serum
Gréta Boða verður á
staðnum og veitir
faglega ráðgjöf
20% afsláttur
af CHANEL vörum
kynningardagana
Verið
velkomin
Guðni Einarsson
gudni@mbl.is
„Það eru skiptar skoðanir um þetta
og svo hefur verið lengi,“ sagði Þor-
björg Gísladóttir, sveitarstjóri Mýr-
dalshrepps, um áform um nýja legu
Hringvegarins í hreppnum.
„Maður vonar að umhverfismatið
hjálpi fólki að taka ákvörðun,“ bætti
Þorbjörg við. Hún sagði sveitar-
stjórnina einhuga um að vilja lág-
lendisveg um Reynishverfi og um
jarðgöng í gegnum Reynisfjall eins
og gert er ráð fyrir í aðalskipulagi.
„Þeir sem tala fyrir þessu tala
fyrst og fremst um umferðaröryggi
meðan andstæðingarnir hafa
áhyggjur af ásýnd vegarins hér við
þorpið, að hann byrgi fyrir útsýni,
og Reynishverfismegin eru áhyggj-
ur af því að vegurinn fari yfir lönd
og hafi óafturkræf áhrif á náttúr-
una,“ sagði Þorbjörg. Þá er nokkur
andstaða á meðal eigenda frístunda-
húsa og brottfluttra Mýrdælinga.
Frummat framkvæmdarinnar á
að vera tilbúið í október 2021 og
umhverfismat í mars 2022. Þor-
björg sagði að tilraunaboranir
vegna gangagerðar í Reynisfjalli
ættu að hefjast í febrúar.
Íbúafundur á netinu
Drög að tillögu að matsáætlun
vegna færslu Hringvegar um Mýr-
dal voru kynnt á opnum íbúafundi
sem Vegagerðin hélt á netinu í gær.
Tilgangurinn var að vekja athygli
íbúa, landeigenda og annarra sem
hagsmuna eiga að gæta á að fyrsti
áfangi matsferlisins sé hafinn. Upp-
taka af fundinum og glærur verða
birtar á vef Vegagerðarinnar.
Þorbjörg Sævarsdóttir, verk-
fræðingur hjá Vegagerðinni, og
Erla Björg Aðalsteinsdóttir, um-
hverfis- og auðlindafræðingur hjá
VSÓ ráðgjöf, greindu þar frá for-
sendum verkefnisins og gangi mats-
ferlisins.
Á meðal markmiða með fram-
kvæmdinni er aukin greiðfærni á
veturna fyrir alla umferð, bætt um-
ferðaröryggi, betri sjónlengdir,
mýkri beygjur og minni halli en er
á núverandi vegi. Þá á að færa þjóð-
vegarumferðina út úr þorpinu í Vík
auk þess sem leiðin mun styttast.
Opnuð hefur verið vefsjá (vik-
hringvegur.netlify.app) og er það
nýjung. Þar eru birtar upplýsingar
varðandi verkefnið og matsferlið.
Auk þess verða birtar þar ýmsar
landupplýsingar og tenglar. Einnig
er hægt að koma á framfæri ábend-
ingum og athugasemdum. Þær má
líka senda á tölvupóstfangið erla-
@vso.is. Frestur til að gera athuga-
semdir við drögin að matsáætlun-
inni rennur út 1. febrúar.
Margar ábendingar komnar
Aðalskipulag Mýrdalshrepps
2012-2028 var samþykkt árið 2013.
Þar er gert ráð fyrir nýrri veglínu
Hringvegar (1) um Mýrdal, í gegn-
um jarðgöng sunnarlega í Reyn-
isfjalli og sunnan við byggðina í Vík.
Samgönguáætlun 2020-2024 gerir
ráð fyrir fjármagni í þessa veglínu.
Á fundinum kom fram að frá því
að aðalskipulag Mýrdalshrepps var
samþykkt 2013 hafi umferð vestan
Reynisfjalls og á Reynishverfisvegi
næstum fjórfaldast. Umferð á
Hringvegi austan Víkur hafði meira
en fimmfaldast. Vegagerðin vinnur
nú að forhönnun og undirbúningi á
mati á umhverfisáhrifum þar sem
gengið er út frá veglínunni sem er í
aðalskipulaginu. Auk hennar eru
þrír aðrir kostir til skoðunar og eru
þeir sýndir í vefsjánni. Kostirnir
verða bornir saman með tilliti til
umhverfisáhrifa.
Halda á annan íbúafund þegar
matsferlið liggur fyrir og verður þá
gerð grein fyrir athugasemdum
sem bárust og hvernig brugðist var
við þeim. Einnig verða framvind-
ufundir þegar frummatsskýrsla
verður gerð.
Nú þegar hafa borist um 270
ábendingar í vefsjána. Þar á meðal
lýsir fólk áhyggjum sínum vegna
áhrifa þessarar vegagerðar á lífríki
Dyrhólaóss og svo hvaða áhrif hún
kunni að hafa á upplifun ferða-
manna í Reynisfjöru og Víkur-
fjöru.
Drög að matsáætlun
nýs vegarkafla kynnt
 Láglendisvegur að Vík í Mýrdal  Göng um Reynisfjall
Morgunblaðið/Jónas Erlendsson
Dyrhólaós Horft til vesturs af Reynisfjalli. Hugmyndin er að Hringveg-
urinn fari um láglendið og um jarðgöng í gegnum fjallið. Matsferli er hafið.
Helgi Bjarnason
helgi@mbl.is
Svo virðist sem um það bil 95%
landsins verði skilgreind sem
svæði þar sem alfarið er bannað
að byggja upp vindorkuver eða
viðkvæm svæði þar sem uppbygg-
ing þarf að fara til umfjöllunar í
verkefnisstjórn rammaáætlunar.
Páll Erland, framkvæmdastjóri
Samorku, telur þetta blasa við
þegar skoðuð er vefsjá sem verið
er að útbúa til að sjá flokkun
landsins samkvæmt tillögum sem
umhverfisráðherra hefur kynnt.
Vefsjáin er unnin fyrir Náttúru-
fræðistofnun vegna vinnu verkefn-
isstjórnar fjórða áfanga ramma-
áætlunar. Tekið er fram að þetta
eru ófrágengin drög og verður að
hafa þann fyrirvara við birting-
una.
Páll Erland bendir jafnframt á
að á þeim litla hluta landsins sem
lendir á grænu svæði, þar sem
alltaf verði heimilt að nýta vind-
orku, séu staðir sem tæknilega
ómögulegt sé að nota fyrir vind-
orkuver vegna fjalllendis og ann-
arra aðstæðna.
Einfaldari málsmeðferð
Guðmundur Ingi Guðbrandsson,
umhverfis- og auðlindaráðherra,
bendir á að í núverandi fyrir-
komulagi sé þess krafist að öll
áform um vindorku fari til mats
hjá verkefnisstjórn rammaáætl-
unar og öll slík áform séu bönnuð
á friðlýstum svæðum. „Það er nýtt
í þessum tillögum að fleiri svæði
falla undir þann flokk svæða þar
sem ekki má ráðast í vindorku.
Einfaldari málsmeðferð verður
fyrir áform á viðkvæmum svæðum
í flokki tvö sem koma til skoðunar
hjá verkefnisstjórn rammaáætl-
unar. Enn einfaldari málsmeðferð
verður fyrir áform í þriðja flokki
sem aðeins fara í gegnum mat á
umhverfisáhrifum og í hefðbundið
skipulagsferli,“ segir Guðmundur
Ingi.
Hann segir að mikil krafa hafi
verið um að setja reglur um nýt-
ingu vindorkunnar. Með tillögum
um breytingar á lögum um
rammaáætlun og stefnumörkun
um flokkun landsins í þingsálykt-
unartillögu sé verið að svara því
kalli. Fylgt sé fyrirmynd frá Skot-
landi og telur ráðherra að það fyr-
irkomulag sé gott.
Hann neitar því að verið sé að
loka nánast öllu landinu fyrir upp-
byggingu vindorku. Þegar áform
eru um uppbyggingu á við-
kvæmum svæðum sé eðlilegt að
skoða hvort það komi til greina í
ljósi aðstæðna.
„Ef niðurstaðan verður eitthvað
í þá átt sem lagt er til verður kom-
in miklu skýrari rammi um nýt-
ingu vindorku sem ætti að mínu
mati að skila sér í skilvirkari og
hraðari ákvörðunum á þeim svæð-
um þar sem nýting vindorku verð-
ur leyfð,“ segir Guðmundur Ingi.
Óskað eftir skilvirku kerfi
Páll Erland segir að Samorka
hafi verið að kalla eftir því að um-
gjörð um nýtingu vindorkunnar
verði bætt þannig að samfélagið
geti nýtt þau tækifæri sem það
hafi í þeirri orkuknýtingu, þó
þannig að tryggt verði að vandað
verði til verka. Vindorkuverkefnin
hafi ekkert komist áfram í núver-
andi fyrirkomulagi og því séu til-
lögurnar komnar fram.
„Samorka hefur verið að óska
eftir einföldu og skilvirku kerfi í
kringum vindorkuna. Það frum-
varp sem nú er verið að leggja fyr-
ir, er ekki að uppfylla það að okk-
ar mati. Við höfum bent á að um
vindorkuna geti gilt hefðbundið
skipulagsferli sveitarfélaga með
eðlilegum almennum skilmálum.
Gæta þarf að náttúruvernd, fugla-
lífi og fleiri þáttum. Samorka hefur
ekki talað fyrir því að vindurinn sé
í rammaáætlun vegna þess flækju-
stigs sem það kallar á,“ segir Páll.
Telur hann öruggt að Samorka
muni tala fyrir ákveðnum úrbótum
á þeim tillögum sem lagðar hafa
verið fram til kynningar og vonar
að breytingar náist fram sem komi
samfélaginu til góða.
Um 95% lands með bann eða hömlur
 Umhverfisráðherra segir að fyrirliggjandi tillögur skapi skýran ramma um nýtingu vindorkunnar
 Samorka er ekki fylgjandi því að vindorkukostir fari til mats hjá verkefnastjórn rammaáætlunar
Vindheimavirkjun
Garpsdalur
Sólheimar
Alviðra
Búrfell
Tillaga að takmörkun vindorkuvera
Öll uppbygging vindorkuvera verði óheimil Viðkvæm svæði, vindorkuver gætu þó komið til greina
H
ei
m
ild
: N
át
tú
ru
fr
æ
ði
st
of
nu
n
Nokkrir vindorkukostir Uppbygging vindorku verði heimil
Guðmundur Ingi
Guðbrandsson
Páll
Erland