Morgunblaðið - 27.01.2021, Síða 10

10 FRÉTTIRInnlent
MORGUNBLAÐIÐ MIÐVIKUDAGUR 27. JANÚAR 2021
VR • Kringlunni 7 • 103 Reykjavík • Sími 510 1700 • vr@vr.is • vr.is
Í dag, miðvikudaginn 27. janúar fagnar VR 130 ára afmæli.
Af því tilefni verður sérstakur afmælisviðburður í kvöld
kl. 19.30, í streymi á vr.is og visir.is.
Við þökkum samfylgdina í 130 ár og höldum baráttunni áfram!
130 ára barátta
fyrir lífsgæðum
Afmælisviðburður VR í streymi í kvöld
ÁRA
Höskuldur Daði Magnússon
hdm@mbl.is
„Í fyrra var allt á síðustu stundu
enda voru afbókanir frá erlendum
ferðamönnum að berast seint. Núna
erum við að vinna markvisst að því
að verða með annað flott Íslendinga-
sumar,“ segir María Hjálmarsdóttir,
verkefnastjóri hjá Austurbrú.
Eins og kom fram í Morgun-
blaðinu í síðustu viku búa hótelrek-
endur sig undir sumarið og í ljósi
óvissu um komu erlendra ferða-
manna eru vonir bundnar við það að
Íslendingar verði á faraldsfæti, rétt
eins og í fyrra. Því horfa margir til
þess að bjóða upp á spennandi tilboð
í gistingu, mat og afþreyingu.
Erfitt að fá starfsfólk í fyrra
Markaðsstofur landshlutanna
taka ríkan þátt í því að undirbúa
ferðaþjónustuaðila fyrir sumarið.
„Það er ýmislegt sem menn geta
lært af sumrinu í fyrra. Við erum til
að mynda að undirbúa fund í næstu
viku með fyrirtækjum á svæðinu þar
sem farið verður yfir það hvað þau
geta nýtt sér í markaðssetningu fyr-
ir sumarið og fólk getur miðlað
reynslu sinni,“ segir Arnheiður Jó-
hannsdóttir, framkvæmdastjóri
Markaðsstofu Norðurlands.
Hún segir að í fyrra hafi fólk í
ferðaþjónustunni ekki vitað hvað
væri í vændum þegar sumarið gekk í
garð. Af þeim sökum hafi ýmsir
hnökrar verið á þjónustu sem ætti
ekki að verða í ár. „Við verðum ekki í
jafn miklum vandræðum með mann-
skap. Í fyrra var ekkert ráðið inn
fyrir sumarið út af óvissu en síðan
þegar þessi sprenging kom þá var
erfitt að fá inn fólk. Það setti ákveð-
inn flöskuháls á þjónustuna.“
Arnheiður segir enn fremur að í
fyrra hafi margir rennt blint í sjóinn
með verðlagningu. „Þetta var svolít-
ið í líkingu við villta vestrið. Ég á von
á því að nú verði línur skýrari og
bókunarferlar eðlilegri. Verðlagning
var of lág í fyrra, sérstaklega þegar
kom að gistingu. Það verða eflaust
einhver tilboð í gangi en það verða
ekki endalaus undirboð og verðin
verða nær raunkostnaði.“
Arnheiður getur þess að gisti-
staðir hafi lækkað verð mikið í fyrra
en veitingastaðir hafi á sama tíma
haft það þokkalega gott yfir hásum-
arið. „Það var reyndar áhugavert að
þeir þurftu fleiri þjóna fyrir Íslend-
ingana. Íslendingar þurftu meiri
þjónustu, hraðinn þurfti að vera
meiri og þeir sýndu ekki eins mikla
biðlund. Það var ýmislegt hægt að
læra af þessu sumri í fyrra,“ segir
hún í léttum tón.
Uppbókað á veitingastöðum
María segir að á Austurlandi hafi
verið áberandi að minni staðir hafi
ekki verið tilbúnir fyrir holskeflu ís-
lenskra ferðamanna í fyrra. „Íslend-
ingarnir stoppuðu margir lengur á
hverjum stað en útlendingar gera og
gáfu sér tíma til að skoða aðra staði
en þeir gera. Margir staðir sem eru
ekki í alfaraleið voru ekki með neitt
kynningarefni á íslensku og þurftu
að snúa öllu við á skömmum tíma.
Það var uppbókað á mörgum veit-
ingastöðum og stundum þurfti að
bóka borð með dags fyrirvara,“ seg-
ir hún og kveðst búast við því að
annað verði uppi á teningnum í ár.
„Svo slógu til að mynda Vök Baths
og Stuðlagil algjörlega í gegn. Eitt
af því sem við erum að gera í und-
irbúningi fyrir sumarið er að vinna
með landeigendum á vinsælum stöð-
um til að allt gangi vel fyrir sig.“
Auk þess hefur verið lögð vinna í
að hvetja fólk fyrir austan til að
ferðast innan fjórðungsins og versla
í heimabyggð. „Við höfum líka verið
að horfa á nærsamfélagið. Við horf-
um til nágranna okkar og bjóðum þá
velkomna.“
Verð hækkar en þjónusta batnar
 Markaðsstofur landshlutanna búa sig undir annað „Íslendingasumar“  Markvissari vinna í ár en í
fyrra  Bætt úr hnökrum á þjónustu  Hærra verð á gistingu  Íslendingar sýna ekki mikla biðlund
Morgunblaðið/Kristinn Magnússon
Líf og fjör Ferðamenn gátu fylgst með síldarsöltun á Siglufirði síðasta sumar. Margir sýndu fornum háttum áhuga.