Morgunblaðið - 09.03.2021, Page 10

10 FRÉTTIRInnlent
MORGUNBLAÐIÐ ÞRIÐJUDAGUR 9. MARS 2021
Tillaga stjórnar um samruna
Þann 28. september 2020 hófust formlegar samruna-
viðræður Kviku banka hf. og TM hf. en fljótlega þar eftir
var ákveðið að Lykill fjármögnun hf. myndi einnig sam-
einast félögunum. Stjórnir félaganna telja raunhæft að
með samrunanum megi ná fram 1.200-1.500 m.kr. árlegri
kostnaðarsamlegð, án viðskipta- og einskiptiskostnaðar.
Stjórnir félaganna undirrituðu samrunasamning 25. nóv-
ember 2020 um að samrunaáætlun og önnur samruna-
gögn yrðu undirrituð að uppfylltum tilteknum skilyrðum.
Samrunaáætlun, greinargerðir stjórna félaganna, skýrslur
sérfróðra matsmanna og samrunaefnahagsreikningur
félaganna voru undirrituð 23. febrúar 2021.
Fyrirhugaður samruni var tilkynntur til Fjármálaeftirlits
Seðlabanka Íslands og Samkeppniseftirlitsins í desember
2020. Samþykki Samkeppniseftirlitsins liggur fyrir með
ákvörðun dags. 26. febrúar 2021. Þann sama dag veitti
Fjármálaeftirlitið Kviku banka hf. heimild til að fara með
virkan eignarhlut í TM tryggingum hf., TM líftryggingum
hf. og Íslenskri endurtryggingu hf. Beðið er eftir samþykki
Fjármálaeftirlitsins fyrir samrunanum en gert er ráð fyrir
að slíkt samþykki muni liggja fyrir, með fyrirvara um að
samrunaferlinu verði lokið í samræmi við ákvæði hluta-
félagalaga, fyrir hluthafafundinn.
Samkvæmt samrunaáætlun verða félögin sameinuð m.v.
1. janúar 2021 og munu hluthafar TM hf. fá 2.509.934.076
nýútgefna hluti í Kviku banka hf. sem endurgjald fyrir hluti
sína í TM hf. Hinir nýútgefnu hlutir njóta sömu réttinda og
aðrir hlutir í Kviku banka hf. frá afhendingardegi.
Leggur stjórn því fram tillögu um samruna félagsins við
Kviku banka hf. og Lykil fjármögnun hf.
Dagskrá
1 Tillaga stjórnar um samruna Kviku banka hf.,
TM hf. og Lykils fjármögnunar hf.
2 Umræður og önnur mál löglega borin fram
Aðrar upplýsingar
Fundarstörf fara fram á íslensku. Fundargögn eru
aðgengileg á heimasíðu félagsins á vefslóðinni
tm.is/fjarfestar og skrifstofu félagsins að Síðumúla
24, Reykjavík.
Samrunaáætlun og önnur samrunagögn, þ.m.t. greinar-
gerðir stjórna, skýrslur sérfróðra matsmanna og samruna-
efnahagsreikningar, voru birt á heimasíðu félagsins
24. febrúar sl. Þá hafa ársreikningar félaganna þriggja sl.
þrjú rekstrarár verið aðgengilegir á heimasíðum félag-
anna frá 18. febrúar sl. Framangreindar upplýsingar er að
finna á vefslóðinni tm.is/fjarfestar/samruni
Hluthafar hafa heimild til að fá ákveðið mál tekið til með-
ferðar á fundinum og skal kröfu þar um fylgja rökstuðn-
ingur eða drög að ályktun sem berast skal stjórn félagsins
skriflega eða með tölvupósti á netfangið stjorn@tm.is í
síðasta lagi 20. mars næstkomandi.
Hluthafi getur látið umboðsmann sækja hluthafafundinn
fyrir sína hönd. Umboðsmaður skal leggja fram skriflegt
eða rafrænt umboð eða á eyðublaði sem aðgengilegt er
á vef félagsins – tm.is/fjarfestar. Rafrænt umboð skal sent
félaginu á netfangið stjorn@tm.is áður en fundur hefst.
Ekki verður unnt að greiða atkvæði með rafrænum
hætti á fundinum. Óski hluthafi að taka fyrirfram þátt í
atkvæðagreiðslu skriflega og fá sendan atkvæðaseðil skal
hann gera skriflega kröfu þar um til félagsins eigi síðar
en fimm dögum fyrir fundinn. Að auki er unnt að greiða
atkvæði á skrifstofu félagsins á venjulegum opnunartíma
(kl. 9:00 til 16:00) til og með mánudeginum 29. mars
2021, en fyrir lokun skrifstofunnar þann dag skal einnig
skila þangað sendum atkvæðaseðlum. Nánar fer um
atkvæðagreiðsluna og gildi atkvæða samkvæmt henni
eftir reglum félagsins um atkvæðagreiðslu utan hluthafa-
fundar, settum af stjórn félagsins 18. desember 2013.
Hluthafafundur er lögmætur ef löglega er til hans boðað,
óháð fundarsókn. Ákvörðun um samruna fer eftir 93. gr.
laga nr. 2/1995. Hluthöfum er bent á að kjósi þeir gegn til-
lögu um samruna geta þeir krafist innlausnar hluta sinna
skv. 131. gr. áðurnefndra laga.
Fundarboð þetta, upplýsingar um heildarfjölda hluta og
atkvæða á fundarboðsdegi, dagskrá, tillögur stjórnar til
hluthafafundar, ásamt umboðsformum eru nú aðgengileg
á vefsíðu félagsins. Önnur gögn vegna hluthafafundarins
verða gerð aðgengileg eigi síðar en þriðjudaginn 23. mars
nk. á vefsíðu félagsins.
Hluthafar og umboðsmenn geta skráð sig á fundinn á
fundarstað hálfri klukkustund áður en hann hefst.
Stjórn TM hf.
TM hf.
Hluthafafundur 30.mars
Hluthafafundur TM hf. verður haldinn þriðjudaginn 30. mars 2021 kl. 16:00,
á Hilton Reykjavík Nordica, 2. hæð, Suðurlandsbraut 2, 108 Reykjavík.
Heilbrigðisráðuneytinu berst ár-
lega fjöldi kvartana og stjórn-
sýslukæra sem varða efnislegar
niðurstöður og ákvarðanir Sjúkra-
trygginga Íslands (SÍ) í tilteknum
málum, segir í svari ráðuneytisins
við fyrirspurn Morgunblaðsins. Þar
var m.a. óskað eftir upplýsingum
um hvort formlegar kvartanir hafi
borist frá ýmsum aðilum vegna
samskipta sinna við Sjúkratrygg-
ingar Íslands frá 1. janúar 2019.
Ráðuneytið sagði að slík erindi
séu send ráðuneytinu til að kvarta
undan efnislegri niðurstöðu og séu
því ekki skráð sem kvartanir vegna
samskipta enda þótt þar kunni að
koma fram einhver óformleg gagn-
rýni á samskipti við stofnunina. Úr-
lausnarefni þessara mála séu þann-
ig fyrst og fremst efnisleg
niðurstaða eða málsmeðferð tiltek-
inna stjórnsýslumála.
„Ráðuneytið getur þó staðfest að
því hefur borist á umræddu tímabili
eitt erindi þar sem formlega er
kvartað til ráðuneytisins undan
samskiptum við forstjóra Sjúkra-
trygginga Íslands. Erindið er frá
lögmannsstofu og borið fram fyrir
hönd Félags sjúkraþjálfara. Ráðu-
neytið tók erindið til efnislegrar
umfjöllunar og var niðurstaða þess
sú að efni þess gæfi ekki tilefni til
að beita yfirstjórnunar- og eftirlits-
heimildum ráðherra gagnvart for-
stjóranum vegna þeirra umkvart-
ana sem raktar voru í erindinu,“
sagði í svarinu. Greint var frá þess-
ari tilteknu kvörtun og svari ráðu-
neytisins við henni í frétt í Morgun-
blaðinu 24. febrúar sl. Þar var
einnig fjallað um óánægju sveitar-
félaga og talmeinafræðinga vegna
samskipta við Sjúkratryggingar.
gudni@mbl.is
Morgunblaðið/Sigurður Bogi
Sjúkratryggingar Kvartað hefur verið til heilbrigðisráðuneytisins.
Fjöldi kvartana og
kæra á hverju ári
 Kvartað vegna Sjúkratrygginga
Margt er líkt með kórónuveirufar-
aldrinum nú og bólusóttarfaraldri
sem geisaði í Nýja-Íslandi haustið
1876, að mati vesturíslenska sagn-
fræðingsins Elvu Simundsson. Þetta
kom fram í frétt kanadísku sjón-
varpsstöðvarinnar CTV nýverið.
Riverton í Manitoba var þekkt
sem Nýja-Ísland. Haustið 1876 barst
þangað bólusótt, líklega með ungum
dreng frá Íslandi. Elva segir að um
eitt þúsund manns hafi búið á svæð-
inu og dóu um eitt hundrað þeirra úr
farsóttinni, mest ung börn. Það voru
ekki aðeins íslensku landnemarnir
sem veiktust heldur lagðist bólusótt-
in einnig á frumbyggja af Cree- og
Saulteaux-ættbálkum á svæðinu.
Stuttu eftir að faraldurinn braust
út var byggðin við vesturströnd
Winnipeg-vatns sett í sóttkví og
svæðið lokað af. Veiran breiddist þar
út með ógnarhraða. Sagnfræðingar
segja að sumir frumbyggjanna á
svæðinu hafi flúið í aðrar byggðir
frumbyggja og aukið þannig á út-
breiðslu farsóttarinnar.
Bóluefni gegn bólusótt var til í
Kanada á þessum árum. Vandinn þá
líkt og nú var að framboð var minna
en eftirspurnin. Ekki hafði verið
bólusett í dreifðum byggðum og af-
skekktum. Því er kennt um að skipu-
lagningu bólusetningar hafi verið
stórlega ábótavant auk þess sem
sum svæðin voru mjög afskekkt og
erfitt að komast þangað. Ryan Ey-
ford, prófessor í sagnfræði við
Winnipeg-háskóla, segir að það hafi
verið reynt að fá bóluefni en erfiðara
hafi verið að komast til Winnipeg ár-
ið 1876 en það er í dag. Einnig var
ágreiningur á milli stjórnsýslustiga
um hvernig ætti að bregðast við veir-
unni. Því héldu þjáningar fólksins á
svæðinu áfram. Pestin geisaði í átta
mánuði og var komið fram á árið
1877 áður en böndum var komið á
faraldurinn.
Fram kom í sjónvarpsfréttinni að
þegar litið sé til baka virðist við-
brögðin við bólusóttinni í Nýja-Ís-
landi hafa verið bæði hæg og mátt-
laust. Það kom verst niður á þeim
sem voru varnarlausastir, það er
ungum börnum, fátæku fólki og
frumbyggjum.
Íslensku innflytjendurnir sem
námu land við vesturströnd Winni-
peg-vatns stofnuðu byggðir og bæi
sem enn eru við lýði. Margir innflytj-
endanna nutu hjálpar frumbyggja
sem kenndu þeim að lifa af landinu
og að stunda veiðar. gudni@mbl.is
Kórónuveirufaraldur-
inn og bólusóttin 1876
 Faraldur í Nýja-Íslandi lagði tíunda hluta íbúanna að velli
Nýja-Ísland
» Um fimmtungur íslensku
þjóðarinnar flutti vestur um
haf á ofanverðri 19. öld, flestir
á árunum 1881-1890.
» Margir settust að í Mani-
toba. Landnámið nefndist
Vatnsþing og skiptist í Víðir-
nesbyggð, Árnesbyggð, Fljóts-
byggð og Mikleyjarbyggð.
Morgunblaðið/Sigurður Bogi
Nýja-Ísland Mikleyjarbyggð var eitt landnámssvæða Íslendinganna.