Morgunblaðið - 16.03.2021, Qupperneq 2

2 FRÉTTIRInnlent
MORGUNBLAÐIÐ ÞRIÐJUDAGUR 16. MARS 2021
Dalvegi 10-14, 201 Kópavogi - Sími: 555-1212 - handverkshusid.is
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sérsveit Ríkislögreglustjóra þurfti að gera hlé á
æfingu sinni í Rofabæ 7-9 í gær til að aðstoða
lögregluna á höfuðborgarsvæðinu við húsleit í
tengslum við rannsókn máls. Jón Már Jónsson,
yfirmaður sérsveitarinnar, segir að æfingin hafi
gengið vel að því loknu. „Við vorum að æfa svo-
kallaða innferðartaktík sérsveitar þar sem er
sótt að læstu rými sem er opnað með ýmsum
hætti, meðal annars með sprengiefni,“ segir Jón.
Morgunblaðið/Kristinn Magnússon
Sérsveitin á æfingu í Árbænum
Nýjar gervihnattamyndir af um-
brotasvæðinu á Reykjanesskaga
staðfesta að streymi kviku heldur
áfram inn í kvikuganginn. Mesta
virknin er ennþá bundin við svæðið í
kringum Nátthaga, en einnig hefur
mælst smávægileg virkni um fjórum
kílómetrum norðan við það svæði.
Freysteinn Sigmundsson, jarðeðl-
isfræðingur hjá Jarðvísindastofnun
Háskóla Íslands, segir að vísinda-
menn hafi í gær farið yfir gervi-
hnattamyndir, eða myndapar, þar
sem mynd frá laugardagsmorgnin-
um 13. mars var borin saman við
mynd sem tekin var sex dögum fyrr.
„Kvikugangurinn þróaðist líklega
jafnt og þétt í síðustu viku, á svip-
uðum hraða og áður. Sá hluti gangs-
ins sem er undir Fagradalsfjalli
færðist um einn til tvo kílómetra til
suðurs og suðurhreyfingin heldur
áfram,“ segir Freysteinn.
Freysteinn segir að sveiflur í
skjálftavirkni þurfi ekki endilega að
vera í nákvæmu samhengi við kviku-
hreyfingar eða magn kviku sem
flæðir inn í jarðskorpuna. Það ferli
geti verið mun jafnara en hin óreglu-
lega jarðskjálftavirkni.
Myndirnar sýna að jarðskorpan
báðum megin við kvikuganginn hef-
ur gliðnað um allt að tíu sentímetra á
milli myndataka. Einnig eru vís-
bendingar um að gangurinn sé að
færast nær yfirborði en í síðustu
viku var hann á um kílómetra dýpi.
„Í gegnum atburðarásina undan-
farnar vikur hefur þetta dýpi heldur
verið að grynnast. Við þurfum að
taka þetta hreyfingamunstur sem
við sjáum og túlka það með líkan-
reikningum. Þá fáum við út að síð-
ustu vikur hefur skorpan gliðnað um
þetta 15 til 20 sentímetra; eða um tíu
sentímetra hvorum megin við kviku-
ganginn,“ segir Freysteinn.
johann@mbl.is
Gliðnun um 15 til 20 sentímetra
- Mesta virknin enn bundin við svæðið í kringum Nátthaga - Sveiflur í skjálftavirkni þurfa ekki að
vera í samhengi við kvikuhreyfingar - Vísbendingar um að kvikugangur færist nær yfirborðinu
Morgunblaðið/Eggert
Fagradalsfjall Skjálftar gærdagsins voru minni en um nýliðna helgi.
Oddur Þórðarson
Karítas Ríkharðsdóttir
Uppspretta kúlustrýnebbu, svepps
skaðlegs mönnum, hlýtur að vera í
Fossvogsskóla, að mati Guðríðar
Gyðu Eyjólfsdóttur, doktors í
sveppafræði við Náttúrustofnun Ís-
lands. Þetta kom fram í athugasemd
hennar við tegundagreiningu myglu í
sýnum sem tekin voru 4. desember
síðastliðinn í Fossvogsskóla. Sú sýna-
taka fór fram í kjölfar ítarlegra þrifa
á skólahúsnæðinu í október á sein-
asta ári.
Foreldrar í Fossvogsskóla hafa
gagnrýnt samráðsleysi og upplýs-
ingaskort vegna málsins. Á sameig-
inlegum fundi skólaráðs Fossvogs-
skóla og annarra kjörinna fulltrúa
var því heitið að tekið yrði á upplýs-
ingamálum tengdum myglu í skólan-
um.
Umgjörð ekki fullnægjandi
Dóra Björt Guðjónsdóttir, borgar-
fulltrúi Pírata, segist hafa fulla og
innilega samúð með foreldrum sem
hafa áhyggjur af heilsu barna sinna.
Henni þykir miður að sumum for-
eldrum barna í Fossvogsskóla finnist
samskiptum borgarinnar við þá vera
ábótavant. Hún segist hafa beitt sér
fyrir úrbótum á því.
Borgarráð samþykkti enda á fundi
sínum á fimmtudag tillögu meirihluta
um að farið verði í sérstakan meg-
inverkferil innan borgarinnar þegar
grunur vaknar um hugsanlegar raka-
skemmdir í húsnæði á vegum borg-
arinnar.
„Ég verð auðvitað að treysta sér-
fræðingum, fulltrúum foreldra og
fulltrúum borgarinnar, sem hefur
verið falið að fara yfir málið og
ákveða næstu skref. Ég fæ að heyra
að það sé mygla og það sé ekki mygla,
en ég er ekki sérfræðingurinn. Ég
get því illa dæmt um það og tel það
ekki vera mitt hlutverk. Mitt hlut-
verk, sem kjörinn fulltrúi, er að
tryggja að verkferlar séu góðir og hef
beitt mér fyrir því. Þess vegna fagna
ég því að þessi tillaga okkar skuli
hafa verið samþykkt af borgarráði
um myglu- og rakamál til framtíðar,“
segir Dóra Björt við Morgunblaðið.
Uppsprettan enn til staðar
- Segir að umgjörð um vandamál tengd myglu hér á landi sé
ábótavant - Uppspretta myglu sögð enn í Fossvogsskóla
Sigmundur Davíð Gunnlaugsson
formaður Miðflokksins hefur lagt
fram þingsályktunartillögu um að
Alþingi viðurkenni að óréttmætt
hafi verið að höfða Landsdóms-
málið svokallaða, gegn fyrrverandi
ráðherrum ríkisstjórnarinnar, árið
2010. Vill Sigmundur að viðkom-
andi ráðherrar verði beðnir afsök-
unar af Alþingi.
Sigmundur lagði fram þings-
ályktunartillögu sama efnis í fyrra
en hún hlaut ekki brautargengi.
Tillaga Sigmundar var til umræðu
á fundi allsherjar- og mennta-
málanefndar í gær. Sama tillaga
var send til stjórnskipunar- og eft-
irlitsnefndar í fyrra, en ekki náðist
í Sigmund við gerð fréttarinnar.
Vill að þingið biðji
ráðherra afsökunar
Jarðskjálftavirkni er áfram
stöðug á svæðinu við Fagradals-
fjall en skjálftar gærdagsins
voru heldur minni en þeir voru
um helgina.
Í gærkvöldi höfðu frá mið-
nætti mælst fjórir skjálftar yfir
þremur að stærð. Náttúruvár-
sérfræðingur á Veðurstofu Ís-
lands segir áður hafa komið ró-
lega daga í hrinunni.
Litlir þéttir
skjálftar
REYKJANESSKAGI
Fjarskiptasjóður hefur úthlutað
tveimur styrkjum til Árneshrepps
til ljósleiðaravæðingar í hreppn-
um í ár. Þar með liggur fyrir
samþykki um lagningu ljósleiðara
í þessum fámennasta hreppi
landsins og ráðgert er að tæpar
50 milljónir fari í verkefnið. Íbú-
ar í Árneshreppi voru í upphafi
síðasta árs 46 talsins. Þar er ekki
lengur grunnskóli eftir að Finn-
bogastaðaskóli í Trékyllisvík
hætti starfsemi um árið. Næsti
grunnskóli er á Drangsnesi við
Steingrímsfjörð.
Leggja ljósleiðara
í Árneshrepp í ár