Fréttablaðið - 31.07.2021, Síða 24

Flatey á Breiðafirði er mikil
náttúruperla og menningar-
staður. Gjöful fiskimið liggja
allt í kringum eyjuna og má
með sanni segja að Flatey sé
gjöful matarkista og ljúft er
að njóta fersks sjávarfangs úr
firðinum.
sjofn@frettabladid.is
Hótel Flatey er staðsett í miðju
gamla þorpsins í Flatey og útsýnið
frá hótelinu er eins og lifandi
málverk af náttúruparadís sem
á sér enga líka. Húsin í gömlu
miðstöðinni eru timburvirki frá
velmegunartímum eyjunnar og
f lest þeirra hafa verið endurreist
í sínum upprunalega stíl. Á hótel-
inu er að finna marga leyndar-
dóma eyjunnar, matarástríðuna,
frumlegu kokteilana og mannlífið
sem þar hefur blómstrað í áranna
rás.
Í Saltkjallaranum eru hins vegar
leyndardómar drykkjanna og
orkunnar sem eyjan gefur frá sér.
Pétur Oddgeir Heimisson er einn
af þeim sem hafa staðið vaktina
á hótelinu og nýtur þess að töfra
fram kokteil fyrir gesti sem ber
nafnið Flahito. „Þessi kokteill á sér
sögu. Í honum er að finna jurtir úr
matjurtagarðinum sem fá súrefni
og krydd frá sjónum og töfrum
Flateyjar,“ segir hann.
Pétur var fenginn til að svipta
hulunni af leyndardómnum að
baki kokteilnum og uppskriftinni
í þættinum Matur og heimili á
Hringbraut sem sýndur var á dög-
unum og Flatey var heimsótt.
„Þessi drykkur var fundinn upp
af einum þjóna Hótels Flateyjar
þegar gestur á barnum bað um
Mojito. Þjónninn á vaktinni, Lísa
Kristjánsdóttir, var snögg með
svör og sagði að þau væri ekki með
Mojitos í Saltkjallaranum en ef
gesturinn vildi hinkra augnablik
þá gæti hún útbúið Flahito sem
væri jafn góður ef ekki betri drykk-
ur. Gesturinn vildi að sjálfsögðu
bíða og njóta þess. Svo Lísa hentist
út í matjurtagarðinn og sótti rabar-
bara og skessujurt og bætti hinu
og þessu í mortélið sem var við
hendina og út kom þessi frábæri og
ofurvinsæli drykkur, Flahito.
Uppskriftin hefur aðeins þróast
en er í grunninn eins,“ segir Pétur
og bætir við að þetta sé vinsælasti
fordrykkur hótelsins í Flatey.
Flahito
Fyrir sextán til tuttugu
Mortél
Hvítt romm (eftir smekk)
Rabarbari
Skessujurt
Límóna
Engiferöl (eftir smekk)
Hrásykur
Takið gott mortél og um 4 stilka af
niðurskornum rabarbara, hnefa-
fylli af skessujurt, 6 límónubáta
og um eina matskeið af hrásykri.
Kremjið allt saman í mortélinu.
Það myndast safi sem deilt er í
fjögur glös ásamt 2 matskeiðum
af hratinu í hvert glas. Romminu
er hellt út í ásamt engiferölinu.
Ísmolar, límónusneiðar og skessu-
jurt eru einnig sett í glösin og
puntað með rabarbarastönglum
ef vill. n
Leyndardómsfulli kokteillinn á Hótel Flatey
Pétur Oddgeir Heimisson töfrar fram kokteilinn Flahito fyrir gesti.
Flahito lítur svo sannarlega vel út.
Þessi drykkur var
fundinn upp af
einum þjóna Hótels
Flateyjar þegar gestur á
barnum bað um Moji-
tos.
Salat með rækjum er bæði sumarlegt og gott. FRÉTTABLAÐIÐ/GETTY
elin@frettabladid.is
Stundum langar mann í eitthvað
létt og gott þegar veðrið leikur við
mann, hvíla sig á grillsteikinni.
Þetta sumarsalat er einfalt að gera
og er sannkallaður veislumatur á
góðum sumardegi.
Sumarsalat
fyrir 4
400 g risarækjur
1 rauður chilli-pipar
3 msk. ólífuolía
3 msk. chilli-sósa
200 g þurrskinka
1 búnt ferskur aspars
1 pakki jarðarber
1 poki blandað salat
0,5 dl jómfrúarolía
0,5 tsk. nýmalaður pipar
0,5 tsk. sykur
Dressing
2 msk. ólífuolía
2 tsk. balsamedik
0,5 tsk. dijon-sinnep
0,5 tsk. pipar
0,5 tsk. sykur
Hreinsið rækjurnar. Setjið þær í
skál ásamt chilli-pipar, chillisósu,
olíu, salti og pipar. Látið standa í
að minnsta kosti 30 mínútur.
Skerið neðsta hlutann af
asparsnum, þann harða. Sjóðið í
söltuðu vatni í 3 mínútur og setjið
síðan í ísvatn. Skolið jarðarberin
og skerið í tvennt.
Hitið pönnu með olíu og
steikið rækjurnar í um það bil
30 sekúndur eða þar til þær hafa
tekið lit.
Setjið salatblöndu á stórt fat
og raðið ofan á rækjum, aspars,
skinku og jarðarberjum. Þeytið
allt sem á að fara í dressinguna
og dreifið yfir salatið, saltið og
piprið.
Berið strax fram með góðu
brauði.
Það má sleppa einhverju í
þessari upptalningu og setja
annað í staðinn, til dæmis vatns-
melónu eða lárperu í staðinn fyrir
jarðarber eða sleppa rækjunum
og vera bara með skinkuna eða
öfugt. Það er líka mjög gott að
hafa egg í salatinu.
Ef skinkan er valin er gott að
dreifa parmesan osti yfir og bæta
við ferskum mozzarella eða brie. n
Frábært sumarsalat
LÍTTU VIÐ Á BELLADONNA.IS
Skeifunni 8 • 108 Reykjavík • Sími: 517 6460 • www.belladonna.is
Verslunin Belladonna
Nýjar haustvörur
streyma inn
ZHENZI Peysujakki
Fæst í fleiri litum
Stærðir 42-56
Verð kr. 7.990
ZHENZI tunika
Fæst í fleiri litum
Stærðir 42-56
Verð kr. 9.990
LASESSOR
Shirley ponsjó/slá
Fæst líka í svörtu
Verð kr. 15.990
ZE-ZE Golla/peysa
Fæst í fleiri litum
Stærðir 38-48
Verð kr. 7.990
4 kynningarblað A L LT 31. júlí 2021 LAUGARDAGUR