Fréttablaðið - 15.07.2021, Page 22

Eftir eitt og hálft ár án tísku-
viðburða er lífið að færast í
eðlilegra horf. Núna í byrjun
júlí komu hátískuhönnuðir
saman á tískuviku í París
til að sýna haust- og vetrar-
tískuna 2021–2022. Sýningar
sem þessar eru nauðsyn-
legar fyrir lúxustískuhús til
að lifa af ástandið.
elin@frettabladid.is
Það voru 33 tískuhönnuðir sem
sýndu haust- og vetrartísku sína
í París, margir þeirra þekktustu.
Þarna mátti meðal annars sjá Dior,
Armani, Balenciaga, Jean Paul
Gaultier og marga fleiri. Sýningar-
staðir voru Musée Rodin þar sem
Dior sýndi hátísku sína, stórversl-
unin La Samaritaine, Hôtel de la
Marine, sem er nýuppgert og lista-
safnið Bourse de Commerce.
Maria Grazia Chiuri, sem er
listrænn hönnuður hjá Dior, vildi
draga fram mikilvægi vandaðrar
vefnaðarvöru í hausttískunni.
Sýningarrýmið var þakið útsaum-
uðum myndum úr silki. Útsaumur-
inn var handunninn á Indlandi og
tók marga mánuði. Hann var unn-
inn hjá Chanakya Craft skólanum
sem er sjálfseignarstofnun með
það að markmiði að styrkja konur
í nærsamfélaginu til listsköpunar.
Sérstaklega er horft til útsaums
fyrri tíma, en útsaumurinn er inn-
blásinn af tímaleysi og nærgætni.
Skólinn hefur starfað með helstu
tískuhúsum í Evrópu.
Það vakti athygli að tvídefni
léku stórt hlutverk í hönnun Dior
fyrir haust og vetur. Tvídyfirhafnir
og -dragtir sem eru kvenlegar,
sjarmerandi og pínu gamaldags.
Tvídhattar voru einkennandi
á sýningunni og minntu ögn
á hjálma sem hestamenn
nota. Þar að auki voru sýndir
glæsilegir silkisamkvæmis-
kjólar.
Maria Grazia er fyrsta
konan til að stjórna Dior í
sjötíu ára sögu fyrirtækisins.
Hún er sögð koma inn með
ferska vinda og leggur
mikla áherslu á notagildi
vörunnar og endingu.
Maria er sögð blanda
saman skapandi list og
tísku. Hún sækir innblást-
ur í sögulegar tilvísanir og
feminísk gildi. Hún horfir
til nútímakonunnar, en ekki
þeirrar konu sem fyrirtækið
byggði stíl sinn á í upphafi.
Fötin eiga að endurspegla líf
nútímakonu sem er útivinn-
andi og á framabraut. Sjálf
klæðist hún oftast svörtum
fötum og segist vera af þeirri
kynslóð kvenna sem elskar
að vera svartklædd. Maria er
fædd í Róm árið 1964 og hafði áður
starfað hjá Pierpaolo Piccioli, sem
er listrænn hönnuður hjá Val-
entino.
Það er gaman að skoða mynd-
irnar frá haust- og vetrartísku Dior
því hönnunin nær án nokkurs vafa
til margra kvenna. n
Tvídið
kemur aftur í haust
Nýjustu hattarnir eru smart og klæðilegir. Minna ögn á knapahjálma.
Önnur tvíddragt.
Kápurnar eru mismunandi, en eiga
það sameiginlegt að vera víðar.
Stutt kápa með trefli í stíl og
auðvitað hatti. FRÉTTABLAÐIÐ/GETTY
Glæsi-
leg buxna-
dragt frá
Dior.
Glæsileg
tvídkápa frá
Dior.
Ein önnur
útfærslan á
tvídkápu.
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
Nán ri upplýsi ar um blaðið veitir
Jón Ívar Vilhelmsson markaðsfulltrúi Fréttablaðsins.
Sími 550 5654 / jonivar@frettabladid.is
MARAÞON
Veglegt sérblað Fréttablaðsins
um maraþon kemur út föstudaginn 30. júlí n.k.
Tryggðu þér gott auglýsingapláss
í langmest lesna dagblaði landsins.
6 kynningarblað A L LT 15. júlí 2021 FIMMTUDAGUR