Ásgarður : blað starfsmanna ríkis og bæja - 15.12.1981, Side 2

2/ forustugrein
Að synda móti straumi
K.aupmáttarskerðing frá 1977 er staðreynd. Samanburður við launakjör ýmissa
sambærilegra starfshópa sýnir, að hlutur opinberra starfsmanna hefur versnað.
Aðstæður í þjóðfélaginu gefa samt nokkurt tilefni til að snúa við á braut kjara-
skerðinga og auka í þess stað hlut launafólks. Framleiðsluaukning er viðurkennd
og sala á afurðum okkar gengur allvel, þótt atvinnurekendur barmi sér vegna
stöðugrar verðbólgu.
Hér er næg atvinna, og því fylgir jafnan talsverð spenna. Afkoma þeirra batnar
einkum á verðbólgutímum sem eiga þess kost að auka sinn hlut í formi yfirborgana
eða yfirboða, kaupaukandi launakerfa eða hlunninda, forréttinda í krafti þjóðfé-
lagslegrar stöðu sinnar eða menntunar og síðast en ekki síst, hlutdeildar í verð-
bólguhagnaði vegna hins slaka eftirlits með allri skattheimtu verðlagningu og
almennum greiðslum þjóðfélagsins.
Við búum einnig við mikla en því miður skipulagslausa fjárfestingu og sífellt
kapphlaup um skjótfengan gróða, ofan á gífurlegar vaxtahækkanir, se‘ neytend-
um er síðan ætlað að greiða að fullu.
Þjóðfélagslegt misrétti þrífst enn og launamunur virðist stöðugt vaxa þrátt fyrir
fjálglegar yfirlýsingar um hið gagnstæða. Hlutur þeirra lægstlaunuðu er fyrir borð
borinn, svo og þeirra sem búa við fastmótað og njörvað launakerfi og aðlagast því
ekki almennri þróun í kjaramálum.
í stað þess að viðurkenna öfugþróunina í tekjuskiptingu launafólks, þá hefur
tekist að etja saman starfshópunum og skapa meðal þeirra innbyrðist hjaðninga-
víg. Sérhyggja og skammsýni eru yfirsterkari skilningi á breiðri samstöðu launa-
fólks um að halda sínum hluta gegn harðsvíruðu atvinnurekendavaldi sem stutt er
af embættis- og stjórnvöldum.
Það er við þessar aðstæður sem þó er ákveðið af hálfu fjölmennustu launþega-
samtaka landsins að fresta því stéttarlega uppgjöri sem áformað var í vetrarbyrjun
og ýta undan sér vandanum til vors. Hafa síðan fleiri samtök launafólks komið í
kjölfarið, og byrjuðum eða boðuðum verkföllum einnig skotið á frest. Ástæðan
sern fram er færð er sú, að átakapunkt eigi að færa til hentugri tíma. Hefur þetta
alls staðar verið staðfest í félögunum, þrátt fyrir samning eða beina andstöðu.
Sú almenna grunnkaupshækkun, sem um er samið fyrir þetta hálfa ár, nær vart
að hamla á móti því sem skortir á fullar vísitölubætur svo og skerðingarákvæðum
svonefndra Ólafslaga sem öðlast gildi á ný 1. mars n.k.
Þegar þetta er ritað eru raunverulegar samningsviðræður BSRB og ríkisins rétt
að hefjast. Hefur verið lögð áhersla á það af hálfu bandalagsins, að um verulega
sérstöðu sé að ræða hjá opinberum starfsmönnum.
Upprunalegur kjarasamningur átti að renna út 1. sept. s.l. en var með nokkurri
breytingu framlengdur af samninganefnd BSRB til áramóta. Honum hefur nú
verið sagt upp, og við tekur því nýr aðalkjarasamningur. í kjölfar hans verða svo
gerðir sérkjarasamningar félaganna, um röðun starfa og einstaklinga í launaflokka
og gefst þá væntanlega færi til einhverra leiðréttinga og samræmingar, þar sem
þörfin er brýnust.
Frestunarstraumur sá, sem allsráðandi er í kringum okkur hlýtur vissulega að
hafa áhrif á tímalengd, launabreytingar og verðlagsákvæði í aðalkjarasamningum
þeim, sem gerðir verða fyrir opinbera starfsmenn.
Það er torvelt að synda gegn sterkum straumi. En sérstaða okkar í samningsgerð
nú er slík, að við viljum ekki að óreyndu trúa öðru en að viðsemjendur okkar fallist
á það að leysa samningamálin á nokkuð annan veg en með bráðabirgðaafgreiðslu.
Samninganefnd BSRB og bandalagsfélaganna bíður nú erfitt verkefni sem
krefst samstöðu og skilnings félagsmanna almennt. Á þessu stigi er ekki unnt að
setja fram í þessum efnum annað en frómar óskir um, að opinberum starfsmönn-
um auðnist að samstrila kraftana, því að innbyrðis sundurþykkja hlýtur að veikja
getu og árangur samtakanna.
Haraldur Steinþórsson
_______FRA
STJÓRN BSRB
Nýr starfsmaður hjá
BSRB.
Vegna sífellt aukinna umsvifa í
fræðslumálum og á fleiri sviðum og
mikils álags á skrifstofunni ákvað stjóm
BSRB í september s.l. að auglýsa eftir
starfsmanni í hálft starf.
Ragnheiður Ingadóttir
Til starfans hefur verið ráðin Ragn-
heiður Ingadóttir, en hún hefur áður
starfað hjá ríkisskattstjóra og trygg-
ingafélagi. Ragnheiður hóf starf í
október og annast vélritun og spjald-
skrárvinnu.
Stofnun starfsmannaráða.
Stjóm BSRB hefur tilnefnt fulltrúa
sína í samstarfsnefnd þá, sem staðfestir
starfsvettvang og fjölda í starfsmanna-
ráðum á vinnustöðum.
Haraldur Steinþórsson, fram-
kvæmdastjóri BSRB og Klemens Erl-
ingsson, fangavörður, verða fulltrúar
BSRB.
Starfsmenn stofnana, þar sem að
staðaldri vinna 15 manns, geta sentósk
um stofnun starfsmannaráðs skriflega
til skrifstofu BSRB, sem mundi hafa
forgöngu um málið.
Kjörstjóm BSRB.
Stjóm bandalagsins hefur kjörið
yfirstjóm til að stjóma væntanlegri
allsherjaratkvæðagreiðslu um samn-
ingagerð.
Formaður hennar er Hörður Zop-
honíasson, skólastjóri og aðrir í kjör-
stjóm eru Ágúst Guðmundsson, deild-
arstjóri hjá Landmælingum Islands og
Sigurður Ingason, skrifstofustjóri Póst-
hússins í Reykjavík.