Morgunblaðið - 14.04.2021, Qupperneq 6

ELDGOS Á REYKJANESSKAGA6
MORGUNBLAÐIÐ MIÐVIKUDAGUR 14. APRÍL 2021
SÍMI 587 2000 · KLETTHÁLSI 2, 110 REYKJAVÍK · WWW.TOPPBILAR.IS
MERCEDES-BENZ
GLE 500 E 4MATIC
Nýskráður 2/2017
Akstur 42 þ.km.
Hybrid - bensín/rafmagn
Fjórhjóladrif
Sjálfskipting
334 hestöfl
5 dyra
5 manna
Næsta skoðun 2021
360° bakkmyndavél
Akreinavari
Blindsvæðisvörn
Bluetooth
Brottfararlýsing
Fjarstýrðar samlæsingar
Hiti í stýri
Hleðslujafnari
Hraðastillir
Hraðatakmarkari
ISOFIX festingar í aftursætum
Leðuráklæði
Leiðsögukerfi
Litað gler
Loftkæling
Loftpúðafjöðrun
Rafdrifið lok farangursrýmis
Reyklaust ökutæki
Stillanleg fjöðrun
Stöðugleikakerfi
USB tengi
Þjónustubók
Raðnúmer 280118
Veðurstofa Íslands spáir því að í dag
sé líklegt að gasmengunar verði vart
á höfuðborgarsvæðinu. Brenni-
steinsdíoxíð úr eldgosinu í Geldinga-
dölum mun að öllum líkindum svífa í
átt að byggð miðað við veðurskilyrði.
Brennisteinsdíoxíð er skaðlegt
mönnum í miklu magni en þó er ekki
gert ráð fyrir að þess verði vart
nema í litlu magni í dag. Þeir sem
eru viðkvæmir, ung börn, astma-
sjúklingar og aðrir sem viðkvæmir
eru í öndunarfærum, geta fundið ein-
kenni vegna brennisteinsdíoxíðs í
dag. Helgi Guðjónsson hjá Heil-
brigðiseftirliti Reykjavíkur segir við
Morgunblaðið að slíkt ætti þó ekki að
gerast, nema ef magn brennisteins-
díoxíðs fer yfir 350 míkrógrömm á
rúmmetra. Fylgjast má með gas-
mælingum á höfuðborgarsvæðinu,
svo að segja í rauntíma, á vef Um-
hverfisstofnunar.
„Ef það fer upp fyrir 350 míkró-
grömm á rúmmetra þá gæti gerst að
einhverjir sem viðkæmir eru finni
fyrir einkennum. Það væri þá helst
erting í öndunarfærum,“ segir Helgi.
Gasið frá gosinu
fýkur til byggðar
- Viðkvæmir gætu fundið einkenni
GRINDAVÍK
REYKJAVÍK
KEFLAVÍK
SO2 og SO4mengun
í dag kl. 12.00
Kort: Veðurstofa Íslands
14.000
9.000
2.600
600
350
100 µg/m3
Spá um gasmengun
frá gosstöðvunum í
Geldingadölum
Oddur Þórðarson
oddurth@mbl.is
Sérfræðingar Veðurstofu Íslands
flugu ásamt Landhelgisgæslunni yf-
ir gosstöðvarnar í gær og í ljós kom
að gosopin eru orðin átta talsins.
Fregnir af því bárust í gærmorgun.
Gosopin eru öll á sömu sprung-
unni, að því er virðist, og sprungan
er sem fyrr beint yfir þeim kviku-
gangi sem ruddi sér inn í jarðskorp-
una í febrúar, svo að fjölda jarð-
skjálfta varð vart víða um
suðvestanvert landið.
Hraunrennsli í Geldingadölum er
stöðugt, þar renna nú um fimm til
átta rúmmetrar af hrauni á sekúndu
og hefur það haldist svo í þó nokk-
urn tíma. Gosopin sem mynduðust í
gær höfðu engin áhrif á flæði
hraunsins, að sögn sérfræðings á
veðurstofunni.
Elstu gígarnir enn þeir stærstu
Gosopin tvö sem mynduðust fyrst
eftir að fór að gjósa eru enn þau
stærstu á svæðinu. Það sést vel á
vefmyndavél mbl.is, þar sem
streymt er áfram frá gosstöðvunum.
Greint var frá því á mbl.is í gær
að gönguleið A, upp að gosstöðv-
unum, færi á endanum undir það
hraun sem rennur úr þeim gígum
sem opnuðust í gær.
Enn eru gönguleiðir A og B opnar
en brátt mun gönguleið B standa
ein eftir. Frá því fór að gjósa og þar
til á miðnætti á þriðjudag höfðu
41.923 lagt leið sína að gosstöðv-
unum, samkvæmt talningu Ferða-
málastofu.
Gosórói hefur minnkað
Sérfræðingur veðurstofu segir við
Morgunblaðið að gosórói, skjálftar í
kringum gossvæðið sem rekja má til
eldvirkni, hafi minnkað í gær. Hann
segir að þetta sjáist á öllum mæli-
tækjum veðurstofunnar og að búið
sé að fara yfir allar þær mælingar.
Sérfræðingar veðurstofunnar
segja að erfitt sé að spá fyrir um
hvað gerist á gosstöðvunum, gosop
geta myndast svo að segja fyr-
irvaralaust, en samt sem áður er
óhætt að spá að ekkert stórfenglegt
gerist á allra næstunni, nema þá
helst að fleiri gosop myndist á þeirri
sprungu sem hin opin eru á.
Veðrið fer versnandi
Bæði í gær og á mánudag var
blíðskaparverður á suðvesturhorni
landsins og því ágætisveður við gos-
stöðvarnar. Hins vegar tók að
þykkna upp á svæðinu seint í gær-
kvöldi og áfram mun þykkna upp í
dag. Á morgun er síðan spáð leið-
indaveðri, rigningu og roki.
Ef spár um sunnanátt ganga eftir
í dag má búast við að brennisteins-
díoxíð frá gosstöðvunum fjúki yfir
höfuðborgarsvæðið. Sérfræðingur
veðurstofu segir að vel sé fylgst með
öllum gasmælingum við gosstöðv-
arnar. Tveir mælar eru nú staðsettir
á svæðinu sem mæla gas og senda
gögn til greiningar í rauntíma.
2.000 tímar farið í gosið
Björgunarsveitin Suðurnes til-
kynnti á facebook-síðu sinni í gær
að tvö þúsund vinnustundir hefðu
farið í verkefni sem tengjast eldgos-
inu. Þá eru ótaldar vinnustundir
annarra björgunarsveita, t.d. Þor-
bjarnar í Grindavík. Verkefni sveit-
arinnar hafa verið af ýmsum toga;
bílagæsla, vettvangshjálp, leitir, að-
stoð við rýmingu og margt fleira.
Þá hefur einnig þurft að sinna
hefðbundnari verkefnum; yfirfara
og uppfæra búnað, fylla á eldsneyti
rafstöðva og fleira í þeim dúr.
Morgunblaðið/Kristinn Magnússon
Starað í glóandi kvikuna Gígarnir í og við Geldingadali eru nú orðnir alls átta talsins. Þeir hafa allir opnast á línu þeirri er markaði kvikuganginn frá Keili að Nátthaga og olli jarðskjálftum.
Gosopin í Geldingadölum orðin átta
- Fjögur ný gosop mynduðust í gær - Leiðindaveður á gossvæðinu á morgun - Hraunflæði stöðugt