Morgunblaðið - 14.04.2021, Blaðsíða 8

8 FRÉTTIRInnlent
MORGUNBLAÐIÐ MIÐVIKUDAGUR 14. APRÍL 2021
Það hitnar í kolum í Úkraínu þarsem óuppgerð mál við Rúss-
land eru mörg eldfim. Neistar af
öllum stærðum eru því óheppilegir.
- - -
Nú sigla tvöbandarísk her-
skip um Bosporus-
sund áleiðis til
Svartahafs. Pútín
forseti telur það
ekki upplagt ferða-
lag.
- - -
Joe Biden hringdií Pútín í gær og
taldi tímabært að
„kæla“ ástandið svo
allt færi ekki úr
böndum.
- - -
Rússar hafa þegar fylkt liði á sín-um yfirráða- og áhrifasvæðum
í og við Úkraínu og til viðbótar
miklum hergagnaflutningi þangað
er talið að nærri 100 þúsund her-
menn séu þegar mættir. Í frétt af
símtalinu segir að Biden hafi lagt til
að þeir Pútín hittust fljótlega til
skrafs og ráðagerða og helst ekki í
heimaríkjum þeirra sjálfra.
- - -
Pútín sagði við blaðamenn aðhann hefði í upphafi samtals
óskað Biden góðrar heilsu og það
hefði ekki verið sagt í háðung-
arskyni, heldur af hreinni einlægni
af sinni hálfu. En Pútín bætti við að
upplegg Bidens hefði óneitanlega
minnt á hið gamalkunna „margur
heldur mig sig“.
- - -
Vísindavefurinn segir að þaðorðalag „sé notað í háði og í
neikvæðri merkingu“.
- - -
Samskiptin fara því heldur stirð-lega af stað, enda óvíst að Pút-
ín hafi gleymt því að Biden sagði í
sjónvarpsviðtali nýverið að Pútín
forseti væri „morðingi“!
Joe Biden
Heldur Biden
Pútín sig?
STAKSTEINAR
Vladimír Pútín
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Umferðin á höfuðborgarsvæðinu var
miklu meiri í marsmánuði en í sama
mánuði á síðasta ári. Munar þar
fjórðungi. Umferðin var orðin nærri
því eins mikil og var í mars 2019, fyr-
ir kórónuveirufaraldurinn, og vantar
aðeins rúmt prósent upp á. Heldur
meiri samkomutakmarkanir vegna
sóttvarna voru stóran hluta mars í
fyrra en í ár og getur það hafa haft
áhrif. Vegagerðin dregur þá ályktun
af þessu að Íslendingar séu farnir að
aðlagast ástandinu og umferðin taki
mið af því.
Fyrsta bylgja kórónuveirufarald-
ursins geisaði í mars á síðasta ári og
þótt faraldurinn hafi ekki verið af-
staðinn í mars í ár voru fjöldatak-
markanir ekki eins stífar og í fyrra.
Umferðin jókst um fjórðung milli
ára. Svipuð þróun var á öllum taln-
ingarstöðum Vegagerðarinnar á höf-
uðborgarsvæðinu.
Ef litið er á þróunina fyrstu þrjá
mánuði ársins sést að umferðin hef-
ur aukist í heildina um tæp 5% frá
sama tímabili á síðasta ári. Enn
vantar fáein prósent, 3,4%, upp á að
umferðin verði jafn mikil og fyrir
kóvid.
Vegagerðin bendir á í tilkynningu
um þróun umferðar að tölur um um-
ferðina síðustu vikur, í svipuðum eða
heldur harðari takmörkunum vegna
sóttvarna en var á síðasta ári, bendi
til að Íslendingar hafi lagað sig
nokkuð að ástandinu. Athyglisvert
verði að fylgjast með framhaldinu,
það er að segja hvort um tilviljun sé
að ræða eða raunverulega stöðu.
Slíkar upplýsingar gætu varpað ljósi
á stöðu hagkerfisins í rauntíma.
Vegagerðin telur að ef einkenni
umferðar haldast líkt og í meðalári
megi búast við um 10% aukningu
umferðar í ár. Gangi það eftir muni
umferðin samt verða rúmlega 2%
minni en árið 2019. helgi@mbl.is
Umferðin svipuð
og fyrir faraldur
- Landinn að laga sig að ástandinu
Morgunblaðið/Sigurður Bogi
Miklabraut Bílaraðir á álagstímum
í borginni eru að nálgast fyrra horf.
Íslensku uppsjávarskipin hafa síð-
ustu daga tekið stefnuna á kol-
munnamið fyrir sunnan Færeyjar.
Kolmunninn er að ganga norður á
bóginn eftir hrygningu og hefur
verið beðið eftir að hann kæmi inn
í alþjóðlega hafsvæðið, gráa svæðið,
á mótum færeyskrar og skoskrar
lögsögu og síðar inn í færeyska
lögsögu.
Oft hafa veiðar byrjað þarna upp
úr 10. apríl og í gær voru skipin að
draga, en litlar fréttir voru af afla-
brögðum. Í gær mátti sjá að ís-
lensk, rússnesk og eitt færeyskt
skip höfðu raðað sér á línu syðst á
veiðisvæðinu. Meðal annars voru
Bjarni Ólafsson, Beitir, Börkur,
Hoffell, Guðrún Þorkelsdóttir og
Ísleifur á miðunum, auk Polar Am-
aroq frá Grænlandi. Í höfn í Fugla-
firði var Aðalsteinn Jónsson, nýja
skipið Vilhelm Þorsteinsson var á
leið á miðin frá Færeyjum og Kap,
Venus og Víkingur voru á leið á
miðin frá Íslandi.
Veiddu 23 þúsund tonn í vetur
Alls er íslenskum skipum heimilt
að veiða liðlega 200 þúsund tonn af
kolmunna á þessu ári, með flutn-
ingi á milli ára. Þau eru þegar búin
að veiða tæplega 23 þúsund tonn
og því eru tæp 180 þúsund óveidd.
Hoffellið náði 6.500 tonnum í vetur
í nokkrum túrum, m.a. á miðin
vestur af Írlandi. Flest hinna fóru í
einn túr á Færeyjamið í janúar og
má sjá á vef Fiskistofu að Beitir
landaði þá um þrjú þúsund tonnum.
Samkvæmt ráðgjöf Alþjóða-
hafrannsóknaráðsins (ICES) er
heimilt að veiða alls 929 þúsund
tonn af kolmunna í ár, en ráðgjöfin
fyrir 2020 var 1,2 milljón tonn og
er því um að ræða 20% lækkun á
ráðgjöf.
Í júní tekur makrílvertíð væntan-
lega við hjá uppsjávarskipunum og
síðan veiðar á norsk-íslenskri síld.
Árinu verður síðan lokað með veið-
um á kolmunna. aij@mbl.is
Á kolmunnavertíð suður af Færeyjum
- Veitt á alþjóðlegu hafsvæði - Fiskurinn á norðurleið - Kvótinn 200 þúsund t.