Morgunblaðið - 16.04.2021, Blaðsíða 22

22 MINNINGAR
MORGUNBLAÐIÐ FÖSTUDAGUR 16. APRÍL 2021
Nauðungarsala
Uppboð
Einnig birt á www.naudungarsolur.is.
Ath. Grímuskylda er á uppboðum
Framhald uppboðs á eftirfarandi eignum verður háð á
þeim sjálfum, sem hér segir:
Skeiðarás 10, Garðabær, fnr. 207-2130, þingl. eig. Álverið ehf.,
gerðarbeiðendur Íslandsbanki hf. og Landsbankinn hf., þriðjudag-
inn 20. apríl nk. kl. 10:00.
Smiðsbúð 12, Garðabær, fnr. 232-4033, þingl. eig. Sigurður Gísli
Björnsson, gerðarbeiðandi Garðabær, þriðjudaginn 20. apríl nk. kl.
10:30.
Lyngmóar 2, Garðabær, fnr. 207-1492, þingl. eig. Geir Bjarnason,
gerðarbeiðandi Vörður tryggingar hf., þriðjudaginn 20. apríl nk. kl.
11:00.
Sýslumaðurinn á höfuðborgarsvæðinu
15. apríl 2021
Tilkynningar
Tillaga að aðalskipulagi Fjallabyggðar 2020-2032
Bæjarstjórn Fjallabyggðar auglýsir hér með endurskoðað
aðalskipulag Fjallabyggðar skv. 31. gr. skipulagslaga nr.
123/2010. Tillagan verður verður til sýnis á tæknideild
Fjallabyggðar að Gránugötu 24, Siglufirði og hjá
Skipulagsstofnun frá og með 16. apríl 2021 til og með 28. maí
2021. Tillagan er einnig aðgengileg á heimasíðu Fjallabyggðar,
www.fjallabyggd.is.
Þeir sem telja sig eiga hagsmuna að gæta er hér með gefinn
kostur á að gera athugasemdir við tillöguna. Frestur til að skila
inn athugasemdum er til og með 28. maí 2021. Skila skal
inn skriflegum athugasemdum á skrifstofu Fjallabyggðar við
Gránugötu 24, 580 Siglufirði eða á netfangið iris@fjallabyggd.is.
Tillaga að breytingu á deiliskipulagi útivistarsvæðis
í Hóls- og Skarðsdal, Siglufirði
Bæjarstjórn Fjallabyggðar samþykkti á fundi sínum þann
10. febrúar 2021 að auglýsa tillögu að breytingu á deiliskipulagi
útivistarsvæðis í Hóls- og Skarðsdal skv. 1. mgr. 43. gr skipu-
lagslaga nr. 123/2010 og umhverfisskýrslu, sbr. 7. gr. laga
um umhverfismat áætlana nr. 105/2006. Breytingarsvæðið
afmarkast af námu við enda bílastæðis sem áætlað er á skíða-
svæðinu í Skarðsdal. Breytingin felur í sér að staðsett er ný
náma á framkvæmdasvæði þar sem verið er að koma fyrir nýrri
aðkomu á skíðasvæðið í Skarðsdal. Náma þessi mun uppfylla
efnisþörf við framkvæmdir á svæðinu. Tillagan ásamt breytingu
á umhverfisskýrslu liggur frammi á skrifstofu Fjallabyggðar við
Gránugötu 24, Siglufirði frá og með 16. apríl 2021 til og með
28. maí 2021 og á heimasíðu Fjallabyggðar, www.fjallabyggd.is.
Athugasemdir skulu vera skriflegar og berast skipulags- og
tæknifulltrúa í síðasta lagi 28. maí 2021 á Gránugötu 24,
580 Siglufirði eða á netfangið iris@fjallabyggd.is.
Skipulags- og tæknifulltrúi.
Auglýsingar um skipulag
í Fjallabyggð
Félagsstarf eldri borgara
Árskógar Smíðastofa með leiðbeinanda kl. 9-16. Stólajóga með
Hönnu kl. 10. Opin vinnustofa kl. 9-15. Bókabíllinn kemur við Árskóga
6-8 kl. 16.30-17:15. Heitt á könnunni. Allir velkomnir. Grímuskylda og
það þarf að skrá sig í viðburði eða hópa, sími 411-2600.
Boðinn Línudans kl. 15, munið sóttvarnir. Heitt á könnunni alla daga
í Boðanum.
Félagsmiðstöðin Hæðargarði 31 Kaffisopi og spjall kl. 8:10-15:40.
Thai Chi kl. 9-10. Hreyfiþjálfun með sjúkraþjálfara kl. 10:10-10:40.
Postulínsmálun kl. 12:30-15:30. Síðdegiskaffi kl. 14:30-15:30.
Garðabær Jónshús opið, heitt á könnunni, skráning í Jónshúsi. Hóp-
starf og viðburðir falla niður. Munið sóttvarnir, tveggja metra regluna
og grímuskyldu. Hægt er að panta hádegismat með dags fyrirvara.
Hvassaleiti 56-58 Morgunkaffi og spjall frá kl. 8:30-10:30. Handa-
vinna, opin vinnustofa frá kl. 10:30. Útvarpsleikfimi kl. 9:45. Bíósýning
,,Diary of a Mad Black Woman" kl. 13:15.
Korpúlfar Hugleiðsla og létt jóga með Ingibjörgu kl. 8:30 í Borgum.
Gönguhópur kl. 10, gengið frá Borgum og inni í Egilshöll. Kaffi á
könnunni í Borgum og grímuskylda. Sóttvarnir í hávegum hafðar.
Seltjarnarnes Kaffispjall í króknum kl. 10.30. Söngstund í salnum á
Skólabraut kl. 13, kaffisopi á eftir. Allir velkomnir. Virðum almennar
sóttvarnir.
Vesturgata 7 Sungið við flygilinn með Gylfa Gunnarssyni kl. 13,
munið sóttvarnir. Skrá þarf nafn og kennitölu við komu.
Sumarhús
Sumarhús – Gestahús –
Breytingar
.Framleiðum stórglæsileg sumarhús
í ýmsum stærðum.
.Tökum að okkur stækkun og
breytingar á eldri húsum.
.Smíðum gestahús – margar
útfærslur.
.Sjáum um almennt viðhald á
sumarhúsum og sólpöllum.
.Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Ýmislegt
Tískuverslunin Smart
Grímsbæ/Bústaðavegi
Sundbolir st. 10-24
netverslun gina.is
Sími 588 8050.
- vertu vinur
Bílar
Nýr Nissan Leaf e+ 62 kWh
Tekna 3ja ára evrópsk verksmiðju-
ábyrgð. Með öllu sem hægt er að fá
í þessa bíla.
1.484.000 undir listaverði á
aðeins 4.790.000,-
www.sparibill.is
Hátúni 6 A – sími 577 3344.
Opið kl. 12–18 virka daga.
Ford Fiesta árg. 2012 til sölu
Ekinn 102 þús. km. Beinskiptur.
Ný tímareim. Skoðaður ´22.
Verð kr. 520.000.
Upplýsingar í síma 822 6554.
Húsviðhald
Smá- og raðauglýsingar
með
morgun-
!$#"nu
Hreinsa
þakrennur
Laga ryðbletti á
þökum og tek að
mér ýmis smærri
verkefni
Uppl. í síma 847 8704
manninn@hotmail.com
✝
Jóhann Friðjón
Friðriksson
fæddist á Skálum á
Langanesi 29.
september 1939.
Hann lést á Land-
spítalanum í Foss-
vogi þann 3. apríl
2021.
Foreldrar Jó-
hanns voru Friðrik
Jóhannsson, f.
1917, d. 1948, og
Jóhanna Soffía Hansen, f. 1921,
d. 1992. Stjúpfaðir Jóhanns var
Lúðvík Jóhannsson, f. 1913, d.
1979.
Systkini Jóhanns eru; Sam-
úel Maríus Friðriksson, f. 1942,
d. 1995, María Friðriksdóttir, f.
1943, og Ásdís Lúðvíksdóttir, f.
1944, d. 2019.
Jóhann kvæntist Rannveigu
Erlu Guðmundsdóttur, f. 1946,
d. 1974. Þau slitu samvistir.
Börn Jóhanns og Erlu eru: 1)
Björn Geir, f. 1964, d. 2019.
Eftirlifandi eiginkona Björns
er Anna Antonsdóttir. Börn
kvæntur Bryndísi Hrönn Gunn-
arsdóttur, f. 1978. Börn þeirra
eru fjögur.
Jóhann var elstur fjögurra
systkina. Hann ólst upp á Skál-
um á Langanesi ásamt fjöl-
skyldu sinni fram til 15 ára
aldurs en þá fluttist fjölskyldan
til Vestmannaeyja en þar bjó
Jóhann stærstan hluta ævinnar.
Sjómennska var þar hans meg-
instarf en hann fékkst líka við
netagerð og á yngri árum
starfaði hann á þungavinnu-
vélum í vegagerð víða um land-
ið. Hann var náttúrubarn eftir
uppvöxtinn að Skálum, laginn
við hesta og náttúrunytjar,
eggjatínslu og veiðar á fugli og
fiski. Hann var ferðamaður
mikill jafnt innanlands sem er-
lendis en hann og Fríða stund-
uðu húsbílaferðalög af miklu
kappi öll sín 43 ár saman en
síðustu árin hafa þau dvalið
langdvölum í sólinni á Kanarí
yfir hörðustu vetrarmánuðina.
Útför hans fer fram frá
Seljakirkju í dag, 16. apríl
2021, klukkan 11.
Streymt verður frá athöfn-
inni:
https://www.seljakirkja.is
Hlekk á streymi má líka
finna á:
https://www.mbl.is/andlat
þeirra eru tvö og
barnabörn tvö.
2) Kristín Jó-
hannsdóttir Clem,
f. 1967, gift Char-
les Clem. Börn
hennar eru þrjú og
barnabörn fjögur.
Jóhann kvæntist
Sigríði Finnboga-
dóttur, f. 1945.
Þau skildu. Börn
Jóhanns og Sigríð-
ar eru 3) Finnbogi Jóhannsson,
f. 1969, kvæntur Hrönn Birg-
isdóttur, f. 1971. Börn þeirra
eru þrjú. 4) Berglind Jóhanns-
dóttir, f. 1972, börn hennar eru
þrjú og barnabörnin þrjú.
Eftirlifandi eiginkona Jó-
hanns er Fríða Eiríksdóttir, f.
1947. Börn Fríðu af fyrra
hjónabandi sem hann gekk í
föðurstað eru: Anna Lilja Mars-
hall, f. 1968. Börn hennar eru
tvö, Róbert Marshall, f. 1971,
kvæntur Brynhildi Ólafsdóttur.
Börn þeirra eru fimm. Eiríkur
Tómas Marshall, f. 1974,
Jói tengdapabbi lá svo tanaður
og flottur í sjúkrarúminu á LSH.
Við áttum svo gott og mikilvægt
spjall. Ég var ekki viss um hvern-
ig ég átti að hefja samtalið um
það sem fram undan var. Það sem
var búið að fara yfir með okkur
öllum. Skildi hann það, vissi hann
það? Hvernig á að byrja að tala
um dauðann? „Elskurnar mínar,
ég er búinn að hafa það svo gott.
Ég fékk svo góð ár og gerði
margt. Þetta er bara svona, minn
tími er búinn. Þið þurfið ekkert
að syrgja gamlan karl, þið eigið
bara að njóta lífsins og hafa gam-
an.“ Finnbogi, Róbert og Tommi
voru þarna líka. Þeir feðgar rifj-
uðu upp skemmtilega tíma.
Ferðalög um landið og hversu
þakklátir þeir voru fyrir hvað þau
Fríða nenntu að pakka öllum
krakkaskaranum sínum í bílinn
og þeysast um landið. Það voru
greinilega ýmsar uppákomur frá
því að þeir voru peyjar. Jói glotti
yfir þessum sögum með blik í
augum. Þessi hjartahlýja og kær-
leikur sem Jói bar til fólksins
síns.
Ég kom inn í fjölskylduna tæp-
lega 16 ára þegar við Finnbogi
byrjuðum saman. Ég verð að við-
urkenna að ég náði engan veginn
að átta mig á hver var hvað í fjöl-
skyldu Finnboga. Heil og hálf og
uppeldissystkin. Vil hlógum að
því um daginn að þetta væri eig-
inlega ekki ættartré, meira eins
og runni. Á heimili Jóa og Fríðu
skipti þetta bara alls engu máli.
Þetta var bara hópurinn þeirra
og maður var fljótt velkominn í
þann hóp. Þau hafa verið ófá sím-
tölin frá Jóa í gegnum árin að fá
fréttir af okkur og börnunum.
Hann vildi fylgjast vel með.
Hvernig þeim gekk í skólanum
og íþróttunum. Ef Finnbogi var á
sjó vildi hann fá aflafréttir. Ef illa
gekk svaraði hann því til að það
væru nú ekki alltaf jólin í þessu.
Þeir Finnbogi voru lengi saman
til sjós og voru svo líkir um
margt; bæði í hegðun og svo slá-
andi líkir í útliti líka. Missir Finn-
boga er svo sár. Hann var hjá
pabba sínum þegar hann kvaddi
og það skipti hann svo miklu
máli. Við fjölskyldan kveðjum afa
Jóa og minnumst allra góðu
stundanna.
Hrönn, Finnbogi,
Bjarki, Hrafnhildur
og Hulda.
Stundum, þegar ég var að
komast á fullorðinsár og byrjaði
að ferðast um landið, vissi ég
hvað hraun, dalir og fjöll hétu
þegar ég kom þangað. Það var út
af Jóa.
Það þarf ekki að segja það
hvað það skipti miklu máli fyrir 7
ára dreng að fá föðurímynd eins
og hann Jóhann stjúpföður minn
sem nú er fallinn frá. Hugurinn
leitar til baka og ég átta mig á
þolinmæðinni, óeigingjörnum
tímaútlátunum, athygli og áhuga.
Hvatningunni sem hann sýndi
mér alla tíð. Ástinni.
Ég hafði ekki miklar vænting-
ar til feðra þegar Jói kom inn í líf
mitt.
6 ára gamall óskaði ég þess
eins að pabbi yrði ekki fullur á
jólunum og varð ekki að ósk
minni.
Svo að eftir skilnað mömmu og
pabba þá bjóst ég svo sem ekki
við neinu. En Jói kom með stöð-
ugleika, öryggi, umhyggju,
áhuga og gleði. Það var auðvelt
að þykja vænt um hann og auð-
velt að vera í kringum hann og líf-
ið varð gott. Maður gat einbeitt
sér að því að vera krakki.
Ég á honum svo margt að
þakka. Ég mun aldrei gleyma
þegar ég og Finnbogi bróðir fór-
um með honum á Glófaxa austur
að Langanesi til að sækja reka-
við. Þá var legið við akkeri utan
við Skálar í mesta blíðuveðri
æsku minnar. Farið var á tuðr-
unni í land að morgni og risa-
vaxnir rekaviðardrumbar dregn-
ir út á haf og báturinn fylltur af
timbri sem siglt var með til
Reykjavíkur. Við Finnbogi lékum
þar lausum hala og fundum m.a.
sjórekna gúmmítuðru sem seinna
varð að ferðabát fjölskyldunnar.
Notuð til allskyns ævintýra víða
um landið.
Mamma og Jói pökkuðu hvert
sumar farangri og börnum í bíl
og lögðu land undir fót. Við sváf-
um í tjöldum og elduðum á prím-
us. Skoðuðum landið í bak og fyr-
ir. Mamma vann í fiski og síðar
við systkinin líka og þegar við
bræðurnir urðum eldri fórum við
á sjóinn eins og Jói. Við vorum
samskipa nokkrum sinnum á
Breka. Hann var forkur til vinnu
og frábær og þolinmóður kenn-
ari. Það fór ekki á milli mála að
hann elskaði sjómannslífið. Hann
fór glaður til sjós en var líka ákaf-
lega ánægður að vera kominn í
land. Hann var á sjónum til sjötíu
og tveggja ára aldurs.
Hann var einn af þessum
mönnum sem vöknuðu í góðu
skapi. Hann var nægjusamur og
hugsaði vel um sitt. Hann hafði
alla tíð mikinn áhuga á því sem
við fengumst við og var óþreyt-
andi við það að hafa samband,
afla frétta og segja fréttir. Oft af
fólki sem maður þekkti ekki.
Spjallari mikill. Jákvæð fyrir-
mynd á svo margan hátt.
Það er hrikalegt að missa
hann.
En dýrmætt að það skyldi ger-
ast þannig að við vissum að hann
væri að fara. Við gátum sagt allt
það sem segja þurfti. Hann
kvaddi sáttur en alls ekki saddur
lífdaga. Sagði sig hafa átt góða
ævi og bað fyrir kveðju til allra
sem þekktu hann.
Hann auðgaði líf mitt og systk-
ina minna og barna okkar. Ég
elskaði hann og kveð í djúpu
þakklæti.
Róbert Marshall.
Elsku Jói fósturpabbi er lát-
inn. Ég átti ekki von á því að við
fjölskyldan værum að fara að
missa hann og var því áfallið mik-
ið.
Elsku Jói kom inn í líf mitt
þegar ég var tíu ára og flutti hann
með tvö börn með sér inn á heim-
ilið okkar á Brekastíg 6 í Eyjum.
Ég man að það var mikið lán að fá
hann sem fósturpabba og tók
heimilislífið fljótlega að breytast.
Ég man að ég var mjög stolt af
því að bjóða vinum heim og geta
sagt að Jói á Breka væri fóstur-
pabbi minn. Hann veitti mér ætíð
mikla ástúð og tók mig í fangið
eins og eitt af hans börnum. Það
var góð tilfinning þegar hann
kom heim af sjónum snemma á
morgnana, að þá kyssti hann mig
og sagðist vera kominn heim.
Hann var harðduglegur til verka,
bæði á heimilinu og á sjó, og
hvatti okkur systkinin til þess að
vera ætíð dugleg. „Það þarf að
vinna,“ sagði hann ætíð og oft
þegar ég spurði hann ráða þá
sagði hann: „Þú ræður þessu, þú
ert fullorðin.“ Hann var í senn
kletturinn minn og vinur.
Mikið er ég þakklát í dag fyrir
að hafa skroppið til Kanaríaeyja
að heimsækja þau um þarsíðustu
jól og sjá hversu vel þau mamma
nutu sín. Þar voru þau vinmörg
og alltaf átti Jói koníaksstaup til
þess að bjóða vinum sínum. Ég
hef alltaf sótt mikið í það að vera í
návist foreldra minna og er ég
mjög þakklát fyrir að hafa flutt til
Eyja fyrir tíu árum og hafa getað
eytt síðustu árum með þeim.
Með þökk fyrir allt elsku Jói
og megi góður Guð umvefja þig
kærleik og ljósi.
Drottinn minn réttu sorgmæddri sál
svala líknarhönd
og slökk þú hjartans harmabál
slít sundur dauðans bönd.
Svo vaknar hann með sól að morgni.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni.
(Bubbi Morthens)
Kær kveðja frá fósturdóttur,
Anna Lilja Marshall.
Jóhann Friðjón
Friðriksson