Morgunblaðið - 12.05.2021, Page 23

ÍÞRÓTTIR 23
MORGUNBLAÐIÐ MIÐVIKUDAGUR 12. MAÍ 2021
Úrvalsdeild kvenna í knatt-
spyrnu, Pepsi Max-deildin, virð-
ist ætla að verða meira spenn-
andi í ár en flestir bjuggust við.
Breiðabliki og Val var spáð efstu
tveimur sætum deildarinnar með
miklum yfirburðum en ef tekið er
mið af fyrstu leikjum tímabilsins
þá er ekkert sem bendir til þess
að þessi lið verði í sérstökum
sérflokki í sumar.
Reyndar unnu Blikarnir 9:0-
sigur gegn Fylki á Kópavogsvell-
inum í fyrstu umferð Íslands-
mótsins en miðað við úrslitin í
annarri umferðinni er maður far-
inn að hallast að því að það hafi
frekar verið Árbæingar sem voru
óvenju slakir, frekar en að Blik-
arnir hafi verið eitthvað sér-
staklega góðir.
Bæði Breiðablik og Valur
hafa misst lykilmenn frá síðustu
leiktíð og það virðist ætla að
taka lengri tíma fyrir þau að
púsla sér saman en maður átti
von á. Í körfuboltanum er oft tal-
að um útlendingalottó og ég held
að það sé alveg óhætt að yfir-
færa það í íslenska kvennafót-
boltann. Tveir markahæstu leik-
menn deildarinnar í ár eru
erlendir leikmenn sem spila fyrir
Selfoss annars vegar og ÍBV hins
vegar. Bæði Selfoss og ÍBV virð-
ast hafa verið nokkuð heppin í
sínu lottói og sama er hægt að
segja um Þrótt úr Reykjavík.
Það er ótrúlegt hvað nokkrir
góðir erlendir leikmenn geta gert
fyrir eitt lið. Það er líka oft þann-
ig að góðir leikmenn gera aðra
leikmenn betri í kringum sig.
Efstu tvö sæti deildarinnar hafa
aldrei skipt jafn miklu máli eins
og nú þar sem toppliðin tvö öðl-
ast keppnisrétt í Meistaradeild
Evrópu sem verður með breyttu
fyrirkomulagi frá og með kom-
andi sumri.
Mikið væri gaman að sjá fleiri
lið blanda sér í baráttuna um
efstu sæti deildarinnar.
BAKVÖRÐUR
Bjarni Helgason
bjarnih@mbl.is
FRJÁLSAR
Gunnar Egill Daníelsson
gunnaregill@mbl.is
Frjálsíþróttamaðurinn Guðni Valur
Guðnason náði á sunnudaginn öðru
sæti og tryggði sér þar með silf-
urverðlaun í kringlukasti á evr-
ópska vetrarkastmótinu í Split í
Króatíu þegar hann þeytti kringl-
unni 63,66 metra. Um var að ræða
fyrsta alþjóðlega mótið sem Guðni
Valur keppir á síðan á HM í Doha
árið 2019 og fyrsta mótið yfir höfuð
síðan í haust á síðasta ári, skömmu
eftir að hann sló 31 árs gamalt Ís-
landsmet í kringlukasti með því að
þeyta henni 69,35 metra.
Guðni Valur stefnir ótrauður á að
tryggja sér sæti á Ólympíu-
leikunum í Tókýó í Japan sem fara
fram frá 23. júlí til 8. ágúst. Hann
hefur til þess tíma til og með 29.
júní næstkomandi. Ólympíu-
lágmarkið í kringlukasti er 66
metrar og er besti árangur Guðna
Vals, Íslandsmetið frá því í haust,
langt yfir lágmarkinu. Þar sem nú
er farið í hönd nýtt keppnistímabil
er 69,35 metra kast hans hins veg-
ar ekki gilt fyrir Ólympíuleika sum-
arsins.
Zagreb og Svíþjóð næst
Hann kveðst ánægður með byrj-
unina á tímabilinu á sunnudaginn.
„Já ég er bara mjög sáttur. Ég hef
aldrei byrjað svona vel og finnst ég
eiga mikið inni. Þetta lofar góðu
fyrir tímabilið,“ sagði Guðni Valur í
samtali við Morgunblaðið.
Þótt hann hafi ekki náð ólympíu-
lágmarkinu í Split og framhaldið sé
að miklu leyti óráðið enn mun fjöldi
tækifæra gefast til þess að ná því á
næstunni. Annað mót í Króatíu er
næst á dagskrá. „Það er mót í Zag-
reb á laugardaginn og síðan var
planið að fara til Svíþjóðar helgina
eftir það. Svo er ég ekki alveg viss.
Ég ætla bara að keppa á þeim mót-
um sem mér er boðið að keppa á og
reyna að forðast að fá vírusinn,“
sagði Guðni Valur.
Alls kepptu fjórir Íslendingar á
kastmótinu í Split og eru tveir
þeirra, Guðni Valur og Hilmar Örn
Jónsson, enn í Króatíu þar sem
þeir munu keppa á áðurnefndu
móti í Zagreb. „Við færðum okkur
yfir á hótel við hliðina á vellinum í
Zagreb og við röltum bara yfir á
æfingu, ég og Hilmar Örn sleggju-
kastari,“ sagði hann.
Ætti að koma hægt og rólega
Frjálsíþróttafólk er gjarnt á að
fara í æfingabúðir í heitari löndum
til þess að búa sig undir mót. Þrátt
fyrir fyrirséð vandamál vegna kór-
ónuveirufaraldursins tókst Guðna
Val að fara í slíkar búðir í síðasta
mánuði. „Upprunalega ætlaði ég að
fara í æfingaferð út maí út af tölvu-
leikjamótinu sem lokaði æfingaað-
stöðunni okkar í Laugardalshöll-
inni.
En þegar var verið að skella öllu
í lás aftur í lok mars, byrjun apríl,
ákváðum við Guðbjörg Jóna
[Bjarnadóttir spretthlaupari] kær-
astan mín að fara út apríl til Te-
nerife í æfingabúðir. Við fórum út í
byrjun apríl og vorum í næstum því
mánuð,“ sagði Guðni Valur.
Hann sagðist bjartsýnn á að ná
ólympíulágmarkinu á einu þeirra
móta sem fram undan eru. „Mér
finnst þetta líta vel út og er mjög
bjartsýnn á framhaldið. Miðað við
fílínginn sem var hérna á sunnu-
daginn finnst mér ég eiga nóg inni
fyrir löng köst.
Maður þarf bara aðeins að byrja
að keppa og komast í keppnisform.
Komast í smá jafnvægi þegar mað-
ur er að keppa. Þetta ætti að koma
hægt og rólega. Yfirleitt er sumarið
stigvaxandi. 63,66 metrar í byrjun
boðar mjög gott en það kemur í
ljós hvað gerist,“ sagði Guðni Valur
að lokum í samtali við Morg-
unblaðið.
Morgunblaðið/Sigurður Ragnarsson
Einbeittur Guðni þarf að kasta 66 metra til að komast á Ólympíuleikana.
„Aldrei byrjað jafn vel“
- Guðni Valur byrjar keppnistímabilið á silfri - Telur sig eiga mikið inni
- Bjartsýnn á að komast á Ólympíuleikana í Japan - Keppir næst í Zagreb
Oliver Stef-
ánsson, varnar-
maður sænska
úrvalsdeildar-
félagsins Norr-
köping, verður
frá næsta hálfa
árið hið minnsta
eftir að hafa feng-
ið blóðtappa fyrir
neðan háls.
Netmiðillinn
Fótbolti.net greindi frá veikind-
unum í gær.
Oliver, sem er 18 ára gamall, hef-
ur verið meira og minna meiddur frá
því hann kom til Íslendingafélagsins
seint á árinu 2018.
Þrálát mjaðmarmeiðsli urðu þess
valdandi að tvö ár liðu á milli æfinga-
leikja sem hann náði að spila með
Norrköping, fyrst á undirbúnings-
tímabilinu 2019 og svo fyrr á þessu
ári.
Þrátt fyrir það stendur Oliver
keikur: „Það er bara áfram gakk,
það þýðir ekkert annað en að halda
áfram,“ sagði hann í samtali við Fót-
bolta.net.
Oliver fór frá Akranesi til Norr-
köping um leið og sveitungi hans
Ísak Bergmann Jóhannesson en fað-
ir Olivers, Stefán Þórðarson, lék
lengi með Norrköping við góðan
orðstír. gunnaregill@mbl.is
Verður lengi
frá vegna
blóðtappa
Oliver
Stefánsson
Knattspyrnumaðurinn Aron Elís
Þrándarson er í liði umferðarinnar
í dönsku úrvalsdeildinni hjá danska
miðlinum Tipsbladet eftir góða
frammistöðu gegn AaB í fallriðli
deildarinnar á föstudaginn.
Leiknum lauk með 1:0-sigri OB
en Aron Elís lék fyrstu 76 mín-
úturnar á miðsvæðinu hjá OB og
stóð sig afar vel.
Með sigrinum tryggði OB sæti
sitt í dönsku úrvalsdeildinni á
næstu leiktíð en liðið er með 36 stig,
11 stigum frá fallsæti, þegar þrjár
umferðir eru eftir.
Aron Elís í liði
umferðarinnar
Morgunblaðið/Eggert
Danmörk Aron Elís Þrándarson
fékk góða dóma fyrir síðasta leik.
Hamar og Vestri eru komin áfram í
undanúrslit 1. deildar karla í körfu-
knattleik, næstefstu deildar, eftir
leiki kvöldsins í 8-liða úrslitunum.
Hamar sló Hrunamenn út 2:0 og
Vestri sló Fjölni út 2:0. Staðan er
hins vegar 1:1 hjá Selfossi og
Sindra annars vegar og Skalla-
grími og Álftanesi hins vegar. Þar
þarf því oddaleiki til að skera úr um
hvaða lið fara í undanúrslit.
Sindri og Álftanes eiga heima-
leikjaréttinn í oddaleikjunum.
Efsta sæti í úrvalsdeild karla í
handknattleik virðist blasa við HK
þegar einni umferð er ólokið í
deildakeppninni. HK og Víkingur
eru jöfn í efsta sæti en HK er með
betri árangur í innbyrðis viður-
eignum. Liðið sem hafnar í efsta
sæti fer beint upp en næstu fimm
fara í umspil. HK vann í gær Hauka
U 27:20 og dugir sigur gegn neðsta
liði deildarinnar Fram U í loka-
umferðinni. sport@mbl.is
Hamar og Vestri slógu út
Hrunamenn og Fjölni
Morgunblaðið Íris Jóhannsdóttir
Atkvæðamikill Hilmir Hallgrímsson
(2) skoraði 16 stig fyrir Vestra.
Afturelding leikur til úrslita um Ís-
landsmeistaratitil kvenna í blaki
eftir sigur á KA í Mosfellsbænum í
gærkvöld. Liðið mætir HK í úr-
slitarimmunni sem hefst á laugar-
daginn. Afturelding vann KA 3:1 í
oddaleik í undanúrslitum í gær-
kvöld og þar með rimmuna 2:1.
KA vann fyrstu hrinuna í gær
27:25 en það dugði ekki til sigurs og
Afturelding vann næstu þrjár
25:19, 25:22 og 25:14.
HK á heimaleikjarétt í úrslit-
unum og fyrsti úrslitaleikurinn
verður því í Fagralundi í Kópavogi
en vinna þarf tvo leiki til að verða
Íslandsmeistari.
Bæði liðin þekkja vel að vinna Ís-
landsmótið og hafa verið áberandi
síðasta áratug. HK hefur fimm
sinnum orðið meistari, síðast árið
2017. Afturelding hefur þrívegis
orðið meistari, síðast árið 2016.
Ekki tókst að ljúka Íslandsmótinu í
fyrra vegna kórónuveirunnar.
Afturelding og HK leika til
úrslita á Íslandsmótinu
Morgunblaðið/Árni Sæberg
Fagrilundur HK og Afturelding
munu takast á í úrslitum.
Bandaríska knattspyrnukonan
Taylor Ziemer er gengin til liðs við
Íslandsmeistara Breiðabliks. Hún
kemur úr bandaríska háskólabolt-
anum en lék þar á undan í hol-
lensku úrvalsdeildinni með ADO
Den Haag. Þar spilaði hún 24 leiki
og skoraði fimm mörk þegar liðið
endaði í fjórða sæti deildarinnar.
Fylkir tilkynnti jafnframt í gær
að Fjolla Shala væri gengin í raðir
félagsins á ný. Fjolla er að koma úr
barneignarfríi en lék síðast með
Breiðabliki og var hjá Fylki á ár-
unum 2009-2011. sport@mbl.is
Breiðablik og
Fylkir styrkjast
Morgunblaðið/Árni Sæberg
Fylkir Fjolla er komin aftur í Árbæ-
inn eftir áratug hjá Breiðabliki.