Morgunblaðið - 21.05.2021, Qupperneq 14

14 MORGUNBLAÐIÐ FÖSTUDAGUR 21. MAÍ 2021
hafa áhyggjur af öllum þessum svörtu hlut-
um og húsgögnum sem flæddu inn á heimilið
eftir flutningana, en plöntur og listaverk
glæða heimilið litum í staðinn.“
Myndlist gefur persónuleika
Hvaða máli skiptir að vera með fallega
myndlist heima?
„Svo að ég tali nú aðeins meira um gamla
heimilið, þá vorum við þar með vinnustofu
skúr sem þjónaði líka því hlutverki að vera
gallerí. Núna er ég með vinnuaðstöðu hér
inni í íbúðinni og íbúðin er smátt og smátt
sýnist mér að breytast í gallerí með mínum
eigin myndum! Það mun nú samt breytast
fljótlega. Bæði vegna þess að ég er með
myndir í Galleríinu við Skólavörðustíg 20 og
nú fer ég að kaupa myndlist eftir aðra lista-
menn sem hæfa þessu húsnæði.
Myndlist skiptir mig gríðarlega miklu máli.
Myndlist gefur heimilum persónuleika og
sérstöðu, sérstaklega á heimilum eins og
mínu þar sem húsgögnin eru meira og minna
svört.
Ég kem úr listrænni fjölskyldu þar sem
allir virðast getað teiknað þó að ekki hafi all-
ir lagt það fyrir sig. Ég er með myndir eftir
afa minn, Einar Helgason, móðursystur
mína, Hrönn Einarsdóttur, manninn minn,
Heimi Frey Hlöðverson, og svo á ég verk eft-
ir mömmu, ömmu og fleiri sem ekki eru kom-
in með stað á vegg.“
Íris er mikið fyrir lifandi blóm.
„Ég er náttúrulega blómasjúk! En vil helst
engin lítil krúttblóm, heldur myndi ég vilja
fylla íbúðina af trjám. En þessi íbúð býður
ekki upp á frumskóg. Ég er búin að losa mig
við einhverjar plöntur en ég er með ban-
anatré og tveggja metra sítrónutré sem ég
nýt þess að umpotta og tala við.“
Reynir að eiga sem minnst af húsgögnum
Áttu þér uppáhaldshúsgagn?
„Í raun tengist ég engum hlutum tilfinn-
ingaböndum og reyni að eiga sem minnst af
húsgögnum og hlutum en sófinn er sennilega
mest notaða húsgagnið hér heima. Enda
náum við öll fjögur að kúldrast í honum sam-
an. Fallegasta húsgagnið á heimilinu er
sennilega borðstofuborðið úr Tekk-Habitat
sem situr í miðri íbúðinni eins og hjarta
heimilisins.“
Hvað með skipulag á heimilinu, spáir þú
mikið í það?
„Ég var nú lengi vel með allar bækur í
lita- og stærðarröð en reyni meðvitað að
brjótast út úr þannig skringilegheitum. En
ég er í grunninn mjög skipulögð og mik-
ilvægt að allir hlutir eigi sér stað. Því hentar
mér best að eiga sem minnst því þá er minna
að ganga frá.“
Þegar kemur að draumahlutum sem Íris á
eftir að kaupa fyrir íbúðina þá er spegill
henni ofarlega í huga.
„Mig dreymir um svartan spegil á ganginn
sem mætti alveg vera svolítið íburðarmikill
og dansa á línunni að vera í „baroque“-stíl.
En það er mikið til af fallegum húsgögnum
núna. Ég er hrifin af náttúrulegum viði, ratt-
an-efni og Marokkó-mottur heilla mig.“
Minimalísk og vil sporna við offramleiðslu
Hvað með fataskápinn – nú ertu menntað-
ur hönnuður, spáir þú mikið í fatnað og fylgi-
hluti?
„Ég fór í gegnum síðasta ár án þess að
kaupa mér föt. Það var áramótaheitið mitt að
kaupa hvorki ný né notuð föt. Alls ekki af því
ég hafi átt svo mikið af fötum fyrir, þvert á
móti, heldur til reyna að leggja mitt af mörk-
um í offramleiðslu heimsins á vefnaði.
Ég nota ekki skart og varla töskur og á
bara eitt par af skóm fyrir hvert tilefni. Eina
íþróttaskó, eina hæla, eina dagsdaglega og
eitt par af stígvélum. Ætli ég teljist ekki
minimalísk í þeim efnum. Ég spái samt mjög
mikið í fatnaði, skoða strauma og stefnur
hverju sinni mér til ánægju. Eins fell ég oft
fyrir undarlegum flíkum. Dúskum og doppum
í bland við einföld snið.“
Hvað er draumastellið þitt?
„Á Langholtsveginum er lítil perla sem
heitir Mixmix með ótrúlega mikið af fallegum
vörum fyrir heimilið. Ég kíki alltaf reglulega
þar við þegar ég á leið hjá. Ég hef nú alveg
keypt hluti þar sem myndu túlkast sem
óþarfa hlutir en ég bara varð að taka þá með
heim. Eins og páfagaukastyttu og gullfasana.
En þar er mikið úrval af borðbúnaði og
nokkur stell sem ég elska. Við maðurinn
minn áttum heima í Madríd í fjögur ár og er-
um alltaf að reyna að finna leið til að koma
smá suðrænni stemningu inn á heimilið.
Svona á meðan við eigum ekki íbúð á Spáni.
Merkin Merci og Pascale
Naessens í Mixmix eru svo dásamleg því
að engir tveir hlutir eru alveg eins og leirinn
fær að njóta sín.“
Falleg listaverk eru höfð inni í klassískum
kristalsdómum heima hjá fjölskyldunni.
Íbúðin er smátt og smátt að breytast í lista-
gallerí að sögn Írisar Auðar.
Morgunblaðið/Árni Sæberg
Vinnuaðstaðan í
eldhúsinu er góð.
Innréttingin í eldhúsinu er
úr Parka. Borðplatan er
klassískur spónn. Mál-
verkið af konunni er eftir
Írisi Auði en við hlið hennar
stendur málverk eftir list-
málarann Einar Helgason.
Í raun tengist
ég engum hlut-
um tilfinninga-
böndum og
reyni að eiga
semminnst af
húsgögnum og
hlutum en sóf-
inn er senni-
lega mest not-
aða húsgagnið
hér heima.
Myndlist eftir Írisi Auði
er fáanleg í Galleríinu
Skólavörðustíg 20.
Skál úr línu Jamie Oliver. Gylltur fugl úr
Mixmix. Málverk eftir Írisi Auði.