Morgunblaðið - 07.06.2021, Qupperneq 11

FRÉTTIR 11Innlent
MORGUNBLAÐIÐ MÁNUDAGUR 7. JÚNÍ 2021
Þóra Birna Ingvarsdóttir
thorab@mbl.is
„Lögmenn gegna mikilvægu hlut-
verki í samfélaginu. Við erum að
gæta grundvallarréttinda fólks og
hrinda órétti, það er ekki eins og
við séum bara að þvælast fyrir,“
segir Sigurður Örn Hilmarsson,
nýkjörinn formaður Lögmanna-
félags Íslands. Hann er hæstarétt-
arlögmaður og eigandi á Rétti lög-
mannsstofu. Byrjaði í lögfræði
fyrir slysni en leiddist svo út í mál-
flutning strax að námi loknu. Er
Vesturbæingur, gekk í MR og spil-
aði körfubolta með KR. Sigurður
segir körfuboltann hafa reynst sér
góður skóli fyrir lögmennsku, sem
getur falið í sér mikil átök. Í gegn-
um íþróttina hafi hann lært að
mæta mótlæti, vera í liði og spila
eftir reglum og síðast en ekki síst
átta sig á því að þótt andstæðing-
urinn vinni í aðra átt er hann ekki
vond manneskja fyrir vikið. Mik-
ilvægt er að kunna bæði að vinna
og tapa.
Stjórnarstörf eru ekki ný af
nálinni fyrir Sigurð en hann sinnti
embætti inspectors scholae í MR
og var formaður Stúdentaráðs HÍ
fyrir hönd Vöku. Auk þess sat
hann í stjórn fráfarandi formanns
Lögmannafélagsins, Berglindar
Svavarsdóttur, síðustu ár svo hann
þekkir félagið vel.
Borgarar njóti sanngirni
Lögmannafélag Íslands er fé-
lag sem allir lögfræðingar með
málflutningsleyfi eiga aðild að og
kallast þar með lögmenn.
Í stjórnarmennsku sinni vill
hann að fjallað verði um það hlut-
verk lögfræðinga að gæta að
grundvallarréttindum fólks hvort
sem það er gagnvart stjórnvöld-
um, fyrir dómstólum eða annars
staðar. Hann vill að áhersla verði
lögð á mikilvægi þess að borgar-
arnir njóti réttlátrar og sann-
gjarnrar málsmeðferðar. Sigurður
segir að sér verði oft hugsað til
þess sem Örn Clausen hæstarétt-
arlögmaður sagði í viðtali við Lög-
mannablaðið að annaðhvort hjálpi
lögmaður fólki eða hann sé ekki í
þessu starfi. Hlutverk lögfræðinga
sé að standa vörð um réttindi fólks
og hrinda órétti og telur hann lög-
menn almennt gera þetta af heil-
indum. Því sé mikilvægt að lög-
mannafélagið standi vörð um og
útskýri þetta hlutverk.
Mikið brottfall
úr lögmennsku
Sigurður telur ástæðu til að
skoða brottfall úr stéttinni, sem er
töluvert. Algengur starfsaldur
lögmanna, óháð kyni, sé á bilinu 5-
10 ár en eftir þann tíma fara þeir
flestir í önnur störf, ekki síður
mikilvæg en það er þó þess virði
að kanna hvers vegna fólk endist
svo stutt í lögmennsku.
Sigurði þykir sjálfum lög-
mennskan afar skemmtilegt starf
og auðvelt sé að sjá tilgang í því.
Hann sinnir helst málefnum fyr-
irtækja í bland við mannréttinda-
mál. Þannig getur hann verið að
vinna að fjármálagerningi fyrir
hádegi og svo málefnum hælisleit-
enda eftir hádegi. Starfinu fylgi
álag sem að hluta til verður ekki
breytt en þó megi líklega breyta
ákveðnum hlutum. Skoða verði
starfskjör og vinnutíma en hann
segir að í dag sé hið opinbera orð-
ið svolítið leiðandi í tengslum við
kjör lögfræðinga.
Of lágt hlutfall kvenna
Ástæða er til að skoða stöðu
kvenna í lögmannastéttinni, að
mati Sigurðar. „Hlutfall kvenna
innan lögmannastéttarinnar hefur
haldist óbreytt, of lágt of lengi,“
segir Sigurður en hann bætir við
að áhugavert væri að greina
ástæður þess og ráðast í að breyta
þessari stöðu. Í dag útskrifast frá
lögfræðideildum háskólanna jafn-
vel fleiri konur en karlar. Þrátt
fyrir það hefur hlutfall kvenna
haldist óbreytt í lögmannafélag-
inu, aðeins þrjár konur á móti
hverjum sjö körlum. Vinnutími
lögmanna er atriði sem Sigurður
nefnir að gæti mögulega haft áhrif
í þessu samhengi. Það þurfi að
hefja samtal um þetta bæði innan
stéttarinnar og við aðra hags-
munaaðila. Þá bendir hann á að
samtalið þurfi engu að síður að
eiga sér stað inni á heimilunum
varðandi verkaskiptingu þar.
Sigurður telur að starfs-
umhverfið hafi eitthvað að segja í
þessu sambandi og viðmót annarra
lögmanna, skjólstæðinga og opin-
berra aðila á við lögreglu, sak-
sóknara og dómara. Lögmennska
byggist að miklu leyti á nánum
samskiptum við þessa aðila og því
sé ljóst að vellíðan lögmanna í
starfi grundvallist að miklu leyti á
viðmóti þeirra. Hann segir að það
eigi ekki að vera munur á því
hvernig komið er fram við konur
og karla í þessu samhengi en mið-
að við þennan mikla mun á kynj-
unum er hann hræddur um að svo
sé. Þá sé nú í vinnslu endurskoðun
á siðareglum lögmanna en Sig-
urður segir að það sé rétt og eðli-
legt að þær séu endurskoðaðar
reglulega enda taki samfélagið sí-
felldum breytingum.
Sigurður Örn Hilmarsson er nýr formaður Lögmannafélags Íslands
Morgunblaðið/Árni Sæberg
Lögmaður Við erum að gæta grundvallarréttinda fólks og hrinda órétti, það er ekki eins og við séum bara að
þvælast fyrir,“ segir Sigurður Örn Hilmarsson sem hefur langa reynslu af ýmsum félags- og stjórnarstörfum.
Ég lærði í liði að spila eftir reglum
- Sigurður Örn Hilmarsson
fæddist árið 1983 og er stúd-
ent frá MR. Lauk námi frá laga-
deild Háskóla Íslands 2009,
hlaut það sama ár réttindi hdl.
og hóf störf hjá Réttur – Aðal-
steinsson & Partners frá 2009.
Varð hrl. 2017.
- Í stjórn Lögmannafélags Ís-
lands frá 2019 og varafor-
maður síðasta árið. Í stjórn Fé-
lagsstofnunar stúdenta fyrr á
árum, í ritstjórn Stúd-
entablaðsins, oddviti Vöku –
félags lýðræðissinnaðra stúd-
enta 2006-2007 og margvísleg
önnur félagsstörf.
Hver er hann?
–– Meira fyrir lesendur
NÁNARI UPPLÝSINGAR
um auglýsingapláss:
Berglind Bergmann
Sími: 569 1246
berglindb@mbl.is
BÍLA-SÉRBLAÐ
BÍLA
fylgir Morgunblaðinu
þriðjudaginn 15. júní 2021BLAÐ
Listaverkið Veðurhorfur eftir Sól-
rúnu Halldórsdóttur var afhjúpað í
Grundarfirði sl. laugardag. Verkið,
sem stendur nærri kirkjunni í
byggðarlaginu, byggist á 112 ís-
lenskum orðum um vind og veður.
Það var fyrst sett upp sumarið 2019 í
tengslum við listsýningu sem þá var
á Snæfellsnesi, sem tekin var niður í
sumarlok. Nú hefur þetta verk Sól-
rúnar verið sett upp varanlega. Und-
irstöðurnar eru grjót og ofan í það
borað fyrir festingum á 112 vönduð-
um tréplötum, einni fyrir hvert orð.
Sem dæmi um orð sem koma fyrir
í listaverki Sólrúnar og lýsa vindi eru
gjörningaveður, stórisunnan og
remba. Svo mætti lengi áfram telja.
„Fólk úti á landi, sérstaklega í sjáv-
arbyggðum, er alltaf mjög háð veðri
og vindum í lífsbaráttu sinni og
starfi. Hugmyndin að verkinu kom í
tengslum við Dag íslenskrar tungu
þegar ég frétti að til væru 130 orð
tengd vindi. Frásagnir af því komu
mér af stað,“ segir Sólrún, sem er úr
Grundarfirði og hefur lengi starfað
sem listamaður. sbs@mbl.is
Ljósmynd/Sveinbjörn Halldórsson
Listaverk Sólrún við verk sitt með kirkjuna og bæjarfjallið í baksýn.
Vindur fyrir vestan
- Listaverk afhjúpað í Grundarfirði