Morgunblaðið - 07.06.2021, Qupperneq 12

12 FRÉTTIRViðskipti | Atvinnulíf
MORGUNBLAÐIÐ MÁNUDAGUR 7. JÚNÍ 2021
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg
VIÐTAL
Ásgeir Ingvarsson
ai@mbl.is
Ekki var haft nægilegt samráð við
alla hagsmunaaðila við fyrirhugaðar
breytingar á lögum um lífeyrissparn-
að og rétt að ráðast í frekari und-
irbúningsvinnu
áður en Alþingi
afgreiðir fyrir-
liggjandi stjórn-
arfrumvarp.
Þetta segir Ólafur
Páll Gunnarsson,
framkvæmda-
stjóri Íslenska líf-
eyrissjóðsins, og
þykir honum und-
irbúningur frum-
varpsins hafa ver-
ið í skötulíki frá fyrsta degi.
Í byrjun apríl lagði fjármála- og
efnahagsráðherra frumvarp fyrir Al-
þingi sem felur í sér breytingu á sex
ólíkum lögum sem snerta lífeyrismál.
Frumvarpið kveður m.a. á um að al-
mennir launþegar og vinnuveitendur
þeirra greiði samanlagt að lágmarki
15,5% launa í lífeyrissjóð í stað 12%
áður og er þetta m.a. gert til að jafna
stöðu fólks sem starfar í einkageira
annars vegar og starfsmanna hins
opinbera hins vegar. Segir Ólafur um
að ræða umfangsmestu breytingar á
lögum um lífeyrissjóðsmál sem gerð-
ar hafa verið í tvo áratugi. „En það
sem einkum hefur verið umdeilt við
frumvarpið er útfærsla á svokallaðri
„tilgreindri séreign“ sem er ný teg-
und séreignar. Samkvæmt frum-
varpinu munu sjóðfélagar hafa val
um að ráðstafa allt að 3,5% skyldu-
iðgjalds í séreignarsjóð í stað sam-
tryggingarsjóðs, sem er út af fyrir
sig jákvætt, en útfærslan er of flókin
að margra mati.“
Fleiri raddir þurfa að heyrast
Að sögn Ólafs er margt jákvætt
við markmið frumvarpsins en
óheppilegt að lífeyrissjóðir sem
standa utan SA og ASÍ hafi ekki
fengið að leggja meira af mörkum.
Hann minnir á að þeir lífeyrissjóðir
sem eru utan SA og ASÍ séu á flesta
mælikvarða stærri en lífeyrissjóðirn-
ir innan vébanda þessara samtaka,
og eðlileg krafa að rödd þeirra sjóð-
félaga fái að heyrast við mótun lög-
gjafarinnar. Vinnuhópur var skipað-
ur árið 2017 en skilaði afar
takmörkuðum niðurstöðum:
„Þegar hópurinn var skipaður á
sínum tíma voru allt aðrar hugmynd-
ir uppi um tilgreinda séreign en
kveðið er á um í stjórnarfrumvarp-
inu. Frumvarpið fór í samráðsgátt
árið 2019 og bárust ábendingar frá
um tuttugu aðilum, en síðan þá hafa
höfundar frumvarpsins átt í afar tak-
mörkuðu samtali við hagsmunaaðila
á borð við fulltrúa opinberra launa-
manna og fulltrúa lífeyrissjóða utan
vébanda SA og ASÍ.“
Grænbók komi
á undan frumvarpi
Þá bendir Ólafur á að það skjóti
skökku við að stjórnvöld hafi lýst því
yfir síðastliðið haust að eftir að frum-
varpið verður orðið að lögum muni
verða ráðist í grænbókarvinnu við
endurskoðun laga um lífeyrissjóði,
og lofað allsherjarúttekt í góðu sam-
ráði við alla sem málið varðar. „Þessi
grænbókarvinna hefur holan hljóm
ef hún fer fram eftir að aðilar vinnu-
markaðarins hafa nýlokið við að
knýja í gegn umfangsmiklar breyt-
ingar á lögunum,“ segir Ólafur.
„Mörgum þykir lífeyriskerfið
nógu flókið fyrir en verði frumvarpið
að lögum flækist kerfið enn frekar.
Líta þarf til margra atriða við svona
umfangsmikla endurmótun kerfis-
ins, taka betur mið af ýmiss konar
þróun sem er að eiga sér stað á
vinnumarkaði, leita umsagna og at-
hugasemda frá sem flestum og vinna
málið í víðtækri sátt,“ segir Ólafur og
leggur til að frumvarpið verði sett á
ís en efnisatriði þess tekin til umfjöll-
unar í þeirri grænbókarvinnu sem
boðuð hefur verið. „Hjá Landssam-
tökum lífeyrissjóða er unnið öflugt
málefnastarf og þegar hafinn undir-
búningur fyrir grænbókarvinnu
stjórnvalda.“
Vill að frumvarp verði sett á ís
Morgunblaðið/Styrmir Kári
Brauðstrit Verslunargluggarnir þvegnir á Laugavegi. Margt er áhugavert
við fyrirliggjandi frumvarp og miklir hagsmunir í húfi fyrir launþega.
- Stjórnandi Íslenska lífeyrissjóðsins segir að við undirbúning nýs frumvarps um lífeyrismál hafi
samráði verið ábótavant - Umfangsmeiri breytingar á lífeyriskerfinu ekki verið gerðar í tvo áratugi
Risastökk
» Með frumvarpinu er m.a.
kveðið á um að greiðslur í líf-
eyrissjóð nemi samanlagt
15,5% af launum í stað 12%.
» Skiptar skoðanir eru um
hvernig á að útfæra sk. til-
greinda séreign sem má ráð-
stafa ýmist í séreignar- eða
sameignarsjóð.
» Mjög takmarkað samráð var
haft við lífeyrissjóði utan vé-
banda SA og ASÍ.
Ólafur Páll
Gunnarsson
Samkomulag náðist á fundi fjármálaráðherra G7-
ríkjanna í London á laugardag um að setja sam-
ræmdar reglur um skattlagningu alþjóðafyrirtækja.
Felur samkomulagið í sér að skattur á hagnað stórra
og arðbærra fyrirtækja með alþjóðlega starfsemi
verði ekki minni en 15% og að alþjóðafyrirtæki greiði
skatta í meira mæli í þeim löndum þar sem söluhagn-
aður þeirra verður til.
Að sögn Reuters var fjármálaráðherrafundurinn sá
fyrsti þar sem ráðherrar G7-hópsins hittust augliti til
auglitis frá því kórónuveirufaraldurinn hófst. Verði
breytt skattlagning alþjóðafyrirtækja að veruleika
gæti það hækkað skatttekjur vestrænna ríkja um
jafnvirði hundraða milljarða dala árlega.
Baráttumál Bidens
Ríkisstjórn Joes Bidens Bandaríkjaforseta er mjög í
mun að auka skattbyrði margra stöndugustu fyrir-
tækja heims sem sætt hafa gagnrýni fyrir að lág-
marka skattgreiðslur sínar með óeðlilegum hætti. Sjá
bandarísk stjórnvöld fyrir sér að geta með þeim
hætti betur staðið undir þeim kostnaði sem ríkis-
sjóður þarf að bera vegna örvunar-
aðgerða tengdra kórónuveiru-
faraldrinum, en með samkomulagi
um alþjóðlegt skattagólf mun það
reynast bandarískum fyrirtækjum
mun erfiðara að færa tekjur sínar til
lágskattasvæða.
Þá hafa bresk stjórnvöld lengi
amast við því að fyrirtæki á borð við
Google, Facebook og Amazon greiði
ekki hærri skatta í Bretlandi af
þeim tekjum sem fyrirtækin skapa
þar heldur flytji hagnaðinn og skattgreiðslurnar til
lágskattasvæða eða standi skil á sköttunum í Banda-
ríkjunum.
Á Íslandi er tekjuskattur hlutafélaga og einkahluta-
félaga 20% en allt að 37,6% fyrir t.d. sameignarfélög
og þrotabú. Samkvæmt samantekt Tax Foundation eru
m.a. Kýpur, Írland og Liechtenstein með 12,5% skatt á
hagnað fyrirtækja en lönd á borð við Búlgaríu og An-
dorra leggja á 10% skatt og Ungverjaland lætur sér
nægja 9%. ai@mbl.is
Sammælast um skattagólf
- Skattar á hagnað alþjóðafyrirtækja verði ekki undir 15%
Rishi Sunak
stýrði fundinum.
7. júní 2021
Gengi Kaup Sala Mið
Dollari 121.38
Sterlingspund 171.67
Kanadadalur 100.18
Dönsk króna 19.78
Norsk króna 14.484
Sænsk króna 14.556
Svissn. franki 134.33
Japanskt jen 1.1028
SDR 174.74
Evra 147.1
Meðalgengi/Viðskiptavog þröng 178.7681
Hrávöruverð
Gull 1869.55 ($/únsa)
Ál 2386.5 ($/tonn) LME
Hráolía 71.25 ($/fatið) Brent
Guillaume Faury, forstjóri flug-
vélaframleiðandans Airbus,
reiknar með að markaðurinn
fyrir flug á viðskiptafarrými
muni rétta úr kútnum og fyrir-
tæki senda starfsfólk sitt á milli
landa og heimshluta í svipuðum
mæli og áður en kórónuveiruf-
araldurinn brast á.
Í viðtali við svissneska dag-
blaðið NZZ am Sonntag benti
Faury á að þrátt fyrir að farald-
urinn hefði kennt atvinnulífinu
að reiða sig meira á fjar-
fundalausnir þá séu ferðalög
engu að síður óhjákvæmilegur
fylgifiskur alþjóðaviðskipta:
„Fyrirtæki eru farin að gera sér
grein fyrir að einhvern tíma
þurfa þau að hitta viðskiptavini
sína og birgja augliti til auglitis.
Þegar vissu marki er náð verður
að hafa manneskju á staðnum til
að þróa vörur eða reisa verk-
smiðjur,“ sagði hann.
Máli sínu til stuðnings bendir
Faury á að sætaskipan þeirra
flugvéla sem flugfélög eru að
panta um þessar mundir sé með
hefðbundnu sniði og ekki hafi
dregið úr hlutfalli sæta á við-
skiptafarrými. ai@mbl.is
Flugtak Faury á blaðamannafundi. Skiptar skoðanir eru um framtíð fluggeirans.
Stjórnandi Airbus bjartsýnn
á framtíð viðskiptaferðalaga