Morgunblaðið - 21.06.2021, Qupperneq 9

Á hverjum degi leita nokkrir á
bráðamóttöku Landspítalans vegna
rafskútuslysa. 149 leituðu þangað
af þeim ástæðum síðasta sumar, 1,6
að meðaltali á dag. Þótt ekki hafi
verið gerð sambærileg talning það
sem af er sumri telur yfirlæknir
ólíklegt að þessum slysum sé að
fækka, miðað við þá miklu aukn-
ingu sem virðist vera í notkun
þessa samgöngumáta.
Lögreglan á höfuðborgarsvæð-
inu fékk tilkynningar um tvö
rafskútuslys með tíu mínútna milli-
bili á öðrum tímanum í fyrrinótt.
Annar notandinn datt illa af hjóli
sínu í miðborginni. Hinn féll til
jarðar í Kópavogi og var fluttur
með sjúkrabíl á bráðamóttöku.
Þarf að fara varlega
„Fólk þarf að fara varlega á
þessum hjólum, eins og í öðrum
samgöngumátum. Sérstaklega vilj-
um við vara við að fara á hjól undir
áhrifum áfengis. Áfengisnotkun er
meira vandamál en rafskútu-
notkun,“ segir Hjalti Már Björns-
son, yfirlæknir bráðalækninga á
Landspítalanum. Hjalti segir að
slysin séu talsvert áberandi að
næturlagi og um helgar, á meðan
skemmtanalífið stendur sem hæst.
Í flestum rafskútuslysunum eru
minniháttar áverkar, í langflestum
tilvikum á höndum en einnig á and-
liti þegar notendur skella með and-
litið í götuna. Hjalti bendir á að
hjálmar verndi ekki fólk gegn al-
gengustu áverkunum. Hann mælir
þó með að fólk noti hjálma á raf-
skútum en telur að það eigi ekki
banna notkun þeirra án hjálms.
Hann hvetur rafskútunotendur
til að fara varlega, sérstaklega í
beygjum og þegar kantsteinar eru
framundan. helgi@mbl.is
Áfengisneysla
stærra vandamál
- Flest rafskútuslys í skemmtanalífinu
Morgunblaðið/Eggert
Hopp Margir leigja sér rafskútur til
að flýta för sinni um bæinn.
FRÉTTIR 9Innlent
MORGUNBLAÐIÐ MÁNUDAGUR 21. JÚNÍ 2021
Dekton er algjörlega öruggt gagnvart blettum svo sem kaffi,
rauðvíni, sítrus og ryði. Dekton þolir að það slettist á það
ofnahreinsir, klór og stíflueyðir og þolir mikinn hita.
Blettaþolið SýruþoliðHögg- og
rispuþolið
Viðarhöfða 1, 110 Reykjavík | Sími 566 7878 | rein.is
HÁTT
HITAÞOL
Guðjón Óskarsson, rúmlega sjötugur
Reykvíkingur, hefur verið valinn
Reykvíkingur ársins. Nafnbótina
hlýtur hann fyrir starf sitt við að
hreinsa gangstéttir borgarinnar af
tyggjóklessum. Guðjón opnaði Elliða-
árnar í boði Dags B. Eggertssonar
borgarstjóra og Stangaveiðifélags
Reykjavíkur í gær. Veiðin var þó treg
og Guðjón fékk ekki lax.
Bent er á það í tilkynningu borg-
arinnar að Guðjón hafi hafist handa
við verkið í fyrra þegar hann missti
vinnu sína við ferðaþjónustu vegna
heimsfaraldurs kórónuveirunnar.
Síðan hefur hann unnið ötullega að
því að hreinsa gangstéttir og torg af
tyggjói sem fólk hefur losað sig við á
auðveldan máta í stað þess að henda í
ruslafötur.
Guðjón segir starfið auðvelda sér
að halda sér í formi. Hann hreyfi sig
og sé úti við í nokkra klukkutíma á
hverjum degi. Tyggjóklessuhreins-
unin átti fyrst í stað að vera tíu vikna
átak og ákvað Guðjón að telja tyggjó-
klessurnar sem hann hreinsaði upp.
Hann er enn að telja og útkoman er
sú að hann hefur hreinsað upp yfir 56
þúsund klessur.
Hann segir að krakkar í bænum
taki sér vel. „Þegar þau sjá mig hrópa
þau gjarnan: Vei, tyggjókarlinn,“
segir Guðjón. „Ég tel að unga kyn-
slóðin sé orðin mjög meðvituð um að
henda ekki tyggjói á gangstéttina.“
Hreinsað 56 þúsund klessur
Morgunblaðið/Unnur Karen
Veiðimaður Guðjón Óskarsson var í hópi fólks sem reyndi sig við laxana við
opnun Elliðaánna. Hann naut aðstoðar en enginn lax vildi þó bíta á agnið.
- „Tyggjókarlinn“ Guðjón er valinn Reykvíkingur ársins
- Titlinum fylgir leyfi til að opna Elliðaárnar til laxveiða
Gunnhildur Sif Oddsdóttir
gunnhildursif@mbl.is
Valgerður Sigurðardóttir, borgar-
fulltrúi Sjálfstæðisflokksins, segir
borgina þurfa að taka myglumál
fastari tökum. Auk þess eigi ekki að
þurfa að myndast þrýstingur frá for-
eldrasamfélaginu eða fjölmiðlum svo
upplýsingar fáist.
Reykjavíkurborg
eigi að hafa frum-
kvæði í að koma
með upplýsingar.
Að mati Val-
gerðar er um
skort á upplýs-
ingum að ræða og
vinna þurfi miklu
hraðar í myglu-
málum. „Það voru
gerð mistök í
Fossvogsskólamálinu að draga
rannsókn svona lengi og að gera
ekki betri úttekt á skólanum strax í
byrjun fyrir þremur árum,“ segir
Valgerður.
„Einhvern veginn veit enginn
neitt núna og það er svo vond staða
til að vera í og skapar svo mikið óör-
yggi,“ segir Valgerður og bætir við:
„Við í Sjálfstæðisflokknum höfum
verið að leggja fram tillögur og kalla
eftir mælingum í ákveðnum skólum
og þeim tillögum hefur ekki verið
svarað.“
Valgerður segist ekkert hafa
heyrt um stöðuna í Fossvogsskóla
og hún viti ekki hvernig kennslu
verði háttað næsta vetur. „Ég hefði
viljað að það hefði verið allt sett á
fullt við að græja færanlegar stofur
við skólann svo það yrði sem minnst
rask fyrir börnin,“ segir Valgerður
og bætir við: „Það er óskaplega mik-
ilvægt bæði fyrir allt foreldra-
samfélagið í Fossvoginum og fyrir
starfsmenn skólans að vita hvar
starfsemin verður næsta skólavet-
ur.“
Valgerður segist munu halda
áfram að halda málefninu á lofti.
„Við höfum heyrt frá foreldrum í
öðrum skólum en í Fossvogsskóla að
þar séu veik börn og að búið sé að til-
kynna það. Ég mun halda áfram að
óska eftir því að ákveðnir skólar séu
teknir út og þá af óháðum aðilum,“
segir Valgerður.
Varðandi mygluna í leikskólanum
Kvistaborg segir Valgerður að þar
sé um að ræða sömu myglu og kom
upp árið 2017 og að af því máli hafi
heldur engar fréttir fengist. Hún
hafi óskað eftir því að það yrði tekið
fyrir í skóla- og frístundaráði en það
hafi hins vegar, enn sem komið er,
ekki verið gert.
Vita ekki hvar
kennslan verður
- Vinna þurfi hraðar í myglumálum
Valgerður
Sigurðardóttir