Morgunblaðið - 21.06.2021, Side 11

FRÉTTIR 11Innlent
MORGUNBLAÐIÐ MÁNUDAGUR 21. JÚNÍ 2021
SKVÍSAÐU ÞIG UPP
FYRIR SUMARIÐ
STÆRÐIR 1428
Sundkjóll
15.990 kr
Stærðir 42-56
Bikiní haldari
8.990 kr
C-H skálar
Bikiní haldari
8.990 kr
Stærðir 42-54
Verslunin CURVY | Fellsmúla 26 við Grensásveg, 108 RVK | Sími 581-1552 | www.curvy.is
Verð
Helgi Bjarnason
helgi@mbl.is
Íslenski sportbíllinn Adrenalín verð-
ur sýningargripur á nýju bílasafni
sem opnað verður á Breiðdalsvík um
næstu helgi. Þar verður einnig „Ger-
lach-Benzinn“, bíll Werners Ger-
lachs, aðalræðismanns þriðja rík-
isins á Íslandi, og þótti á sínum tíma
einn glæsilegasti bíllinn á götum
Reykjavíkur.
Gunnar Bjarnason og Theódór
Sighvatsson smíðuðu sportbíl fyrir
síðustu aldamót og gáfu honum heit-
ið Adrenalín. Hann var frumsýndur í
endanlegri gerð á sportbílasýning-
unni í Laugardalshöll á árinu 1999.
Gunnar var í upphafi bjartsýnn á að
hægt yrði að framleiða nokkra slíka
bíla hér á landi og selja erlendis. Það
breyttist. Þegar blaðamaður
Morgunblaðsins ræddi við Gunnar í
tilefni af sportbílasýningunni taldi
hann þetta hæpið vegna skatta-
reglna og annars. Enda reyndist
þrautin þyngri að fá bílinn skráðan,
þegar til kom. Voru því ekki fleiri
eintök smíðuð.
Bjarni Elías, sonur Gunnars, segir
að Adrenalín-bíllinn hafi lítið verið
notaður. Hann hafi verið í góðri
geymslu hjá þeim feðgum frá því
smíðinni lauk og hann fékk skrán-
ingu. Segir Bjarni að þeir eigi fleiri
bíla og áhugi þeirra hafi beinst
meira að þeim.
Fjölbreytni í bílakosti
„Við erum að opna þetta safn
næstkomandi laugardag og viljum
hafa fjölbreytni í bílakostinum.
Þetta er ekki stærsta bílasafnið í
landinu en við viljum hífa það aðeins
upp með gæðunum,“ segir Guð-
bjartur Guðmundsson sem stendur
að stofnun „Frystihússins – bíla-
safns“ á Breiðdalsvík með félaga sín-
um, Ingólfi Finnssyni. Safnið er
kynnt á Facebook og víðar undir
heitinu „Factory car museum“.
Segir Guðbjartur að margt gott
hafi verið gert fyrir ferðafólk á
Breiðdalsvík, þar séu meðal annars
hótel, brugghús og Kaupfélagið.
Þeim félögum hafi þótt vanta eitt at-
riði til að auka aðdráttaraflið. Segist
Guðbjartur vera bíladellukarl og
hafi stungið upp á því við Ingólf að
þeir myndu stofna bílasafn. Sú hug-
mynd er nú að komast í framkvæmd.
Ætlunin er að safnið verði aldrei
eins. Þeir fá lánaða bíla hjá eigend-
unum. Bílarnir koma og fara og þess
vegna verður safnið aldrei eins, að
hans sögn, og fólk getur skoðað það
aftur og aftur.
Vilja bíl Ragga Bjarna
Bíllinn Adrenalín er þegar kominn
austur og næstu daga er „Gerlach-
Benzinn“ væntanlegur. Lögð hafa
verið drög að því að sýna síðasta bíl
Ragnars Bjarnasonar söngvara og
gera ferli hans sérstök skil. Vonast
Guðbjartur til að af því geti orðið.
Ýmsir aðrir bílar verða á sýning-
unni, meðal annars gamlar hetjur úr
sportbílaheiminum.
Mikil saga er af bíl Werners Ger-
lachs, ræðismanns þriðja ríkisins
hér á landi. Þjóðverjinn var hand-
tekinn þegar Bretar hernámu Ís-
land, bíllinn gerður upptækur og
seldur á uppboði. Nokkrir hafa átt
hann eftir það. Þegar ungir menn
eignuðust bílinn og gerðu hann upp
fundust mörg leynihólf í bílnum og
loftnet í toppgrind hans, að því er
fram kom í grein um bílinn í Morg-
unblaðinu á árinu 1968. Það renndi
stoðum undir þá kenningu að bíllinn
hefði verið njósnatæki á hjólum á
meðan hann var í þjónustu Gerlachs.
Íslenski sportbíllinn verður til sýnis
- Nýtt bílasafn opnað á Breiðdalsvík næstkomandi laugardag - Tilgangurinn er að auka aðdrátt-
arafl staðarins - Sportbíll sem smíðaður var á Íslandi og „Gerlach-Benzinn“ meðal sýningarbíla
Ljósmynd/Bjarni Elías Gunnarsson
Adrenalín Íslenski sportbíllinn var hannaður og smíðaður frá grunni á Íslandi. Hér stendur hann fyrir utan verkstæði eigendanna þar sem hann hefur lengi
verið geymdur. Bíllinn hefur nú verið fluttur austur á Breiðdalsvík þar sem hann verður einn af kjörgripunum á sýningu Frystihússins - bílasafns.
Morgunblaðið/Árni Sæberg
Sögufrægur bíll Gerlach-Benzinn var gerður upp og verður stofuprýði á
bílasýningunni á Breiðdalsvík. Hér er hann á sýningu hjá Öskju.
Verjandi Arturas Leimontas, Arnar
Kormákur Friðriksson, segir sýknu-
dóminn yfir skjólstæðingi sínum rétt-
an og staðfesta að óupplýst sé hvað
gerðist daginn sem Egidijus Buzleis
féll af svölunum. Hann kveðst ánægð-
ur með niðurstöðuna enda hafi Art-
uras lýst sig sak-
lausan og neitað
sök frá upphafi.
Egidijus lést
eftir fall af svölum
íbúðar á þriðju
hæð í Úlfarsárdal.
Í héraði var Art-
uras sakfelldur
fyrir manndráp og
dæmdur í 16 ára
fangelsi. Lands-
réttur sneri niðurstöðunni nú á föstu-
dag og vísaði meðal annars til þess að
sá möguleiki að Buzleis hefði verið að
framkvæma herstökk hefði ekki verið
rannsakaður nægjanlega vel. Bæði
Arturas og Buzleis voru í litháíska
hernum. Landsréttur taldi þá kenn-
ingu einnig ríma betur við áverka Buz-
leis á fótum og iljum. Var því ákæru-
valdið ekki talið hafa sannað, svo hafið
væri yfir skynsamlegan vafa, að Art-
uras hefði hrint eða kastað Buzleis af
svölunum.
Helgi Magnús Gunnarsson vararík-
issaksóknari sagði í viðali við mbl.is að
hann hefði verið svolítið hissa á dóm-
inum og lýsti yfir efasemdum um þá
tilgátu að hinn látni hefði verið að
framkvæma herstökk.
Skýrir ekki deilurnar
„Það er alveg ljóst að ef hann var að
reyna að stökkva þarna fram af, einn
og að gamni sínu, eins og hann hafði
lært í sovéska hernum þrjátíu árum
áður, þá skýrir það ekki þessar deilur
milli hans og ákærða.“
Arnar segir ekki líklegt að dómur-
inn fái áfrýjunarleyfi hjá Hæstarétti:
„Ég tel afar ólíklegt að ríkis-
saksóknari óski eftir áfrýjunarleyfi
þar sem Hæstiréttur endurskoðar
ekki niðurstöður sem byggðar eru á
sönnunargildi munnlegs framburðar.
Þá var bæði héraðsdómur og Lands-
réttur skipaður sérfróðum meðdóm-
endum, en því verður ekki við komið í
Hæstarétti.“
Aðspurður hvort þeir Arturas
hyggi á skaðabótamál segir Arnar það
ekki hafa verið rætt sérstaklega „en
ljóst að hann á rétt á skaðabótum eftir
að hafa sætt gæsluvarðhaldi og far-
banni að ósekju í lengri tíma“.
Arturas sat í gæsluvarðhaldi frá 9.
desember til 21. janúar en þá úr-
skurðaði Landsréttur Arturas í far-
bann sem var framlengt til 3. júní þeg-
ar ákæra var gefin út. baldurb@mbl.is
Segir sýknudóminn
yfir Arturas réttan
- Verjandi telur dóminn vel rökstuddan
Arnar Kormákur
Friðriksson