Morgunblaðið - Sunnudagur - 20.06.2021, Síða 18

Hárprúðir sparkarar
AFP
Rudi Völler var einn besti leikmaður heims á
sínum tíma en hann skilaði einnig sínu á sviði
hártísku. Mottan og krullurnar fara vel saman.
AFP
AFP
AFP
Það muna líklega allir sem hafa aldur til eftir þess-
ari skemmtilegu greiðslu sem hinn brasilíski Ron-
aldo skartaði á HM 2002. Greiðslan skilaði sínu
því Brasilía varð heimsmeistari á mótinu og Ron-
aldo var markahæstur. Svo góður var Ronaldo á
þessum tíma að blaðamaður gerðist sekur um að
apa greiðsluna eftir kauða og var stoltur af.
AFP
David Beckham hefur
skartað mörgum eftirminni-
legum hárgreiðslum í gegn-
um tíðina en þessi hlýtur að
vera sú allra besta. Þessi
mynd er frá 2003, skömmu
eftir að hann skipti yfir til
Real Madrid frá Manchester
United.
AFP
Rigobert Song er leikjahæsti landsliðsmaður Kamerúna og var fyrirliði
þeirra er þeir urðu Afríkumeistarar árið 2000 og aftur 2002. Undir lok
ferilsins skartaði hann þessari skemmtilegu greiðslu.
AFP
Tékkneski snillingurinn Pavel Nedved heillaði
margan knattspyrnuáhugamanninn upp úr
skónum með hæfileikum og fallegum lokkum.
Það var eitt sinn vinsælt meðal ungviðisins að
safna í gott skott aftan á hnakkanum. Það varð
þó fljótlega hallærislegt svo ekki sé meira sagt.
Rodrigo Palacio virðist ekki hafa fengið skila-
boðin og hélt skottinu í mörg ár.
Foden gerðist sekur um að brjóta
sóttvarnalög á Íslandi í september
og missti í kjölfarið sæti sitt í
landsliðinu. Hann hefur hins vegar
unnið sig inn í liðið aftur með frá-
bærri frammistöðu í vetur.
Hárgreiðsla Íslandsvinarins Phils Fodens hefur líklega ekki farið fram hjá mörgum áhugamönn-
um um hártísku knattspyrnumanna þegar Englendingar mættu Króötum í fyrsta leik liðanna á
Evrópumeistaramótinu um síðustu helgi. Foden lét aflita hárið fyrir mótið og þykir greiðslunni
svipa mikið til þeirrar sem landi hans Paul Gascoigne skartaði á EM 1996 þegar Englendingar
komust í undanúrslit á mótinu. Foden segist ekki hafa ætlað að apa eftir greiðslu „Gazza“ enda
var nokkuð í að hann fæddist þegar mótið fór fram. Hann tekur þó samlíkingunni fagnandi að
eigin sögn. Spennandi verður að sjá hvort hann eða aðrir bjóði upp á óvænta greiðslu þegar líð-
ur á mótið eins og oft gerist. Sunnudagsblaðið tók saman nokkrar af eftirminnilegustu herra-
greiðslum atvinnu- og landsliðsmanna í knattspyrnu.
Böðvar Páll Ásgeirsson bodvarpall@mbl.is
18 MORGUNBLAÐIÐ SUNNUDAGUR 20.6. 2021
HÁRTÍSKA