Morgunblaðið - Sunnudagur - 20.06.2021, Síða 28

28 MORGUNBLAÐIÐ SUNNUDAGUR 20.6. 2021
LESBÓK
VIRÐING Gerð heimildarmyndar um ævi og störf Ron-
nies James Dios stendur nú yfir og hafa framleiðendurnir
lýst eftir myndefni úr einkasöfnum aðdáenda kappans, af
þeim sjálfum með málmgoðinu. „Tónlist Ronnies breytti
lífi okkar margra og hann var ævinlega þakklátur aðdá-
endunum sem hjálpuðu honum að upplifa drauminn,“ seg-
ir í yfirlýsingu frá framleiðendunum. „Að okkar mati er
besta leiðin til að virða þetta sérstaka samband sú að
birta myndirnar ykkar með manninum sjálfum. Stingið
ykkur þess vegna á kaf í gömlu pappakassana, við erum
að leita að myndum frá öllum tímum.“ Dio kom fram með
Black Sabbath í íþróttahúsinu á Akranesi haustið 1992,
þannig að byrjið strax að leita og hlaðið síðan inn á dio-
documentary.com!
Ronnie James Dio
lést árið 2010.
AFP
Áttu mynd af þér með Dio?
MINNING Það vakti heimsathygli á síðasta ári þeg-
ar breska sjónvarpskonan Caroline Flack svipti sig
lífi og í framhaldinu spannst mikil umræða um
áreitni sem frægt fólk verður fyrir í fjölmiðlum og
á samfélagsmiðlum. Nú er komin út heimild-
armyndin Caroline Flack: Her Life and Death,
þar sem móðir og systir Flack veita innsýn í líf
hennar og dauða. Þar kemur meðal annars
fram að hún hafi glímt við andleg veikindi og
oftar en ekki fundist álag frægðarinnar
óbærilegt. Myndin hefur fengið góða dóma
og þykir mjög áhugaverð stúdía. Átakanleg
en inn á milli séu þó góðar og fallegar
minningar.
Heimildarmynd um líf og dauða Flack
Líf Caroline
Flack var enginn
dans á rósum.
AFP
Leslie Grace leikur í myndinni.
Teskeið
af sykri
SMELLUR Bandaríska söngva-
myndin In the Heights, sem frum-
sýnd var á dögunum, virðist vera að
falla í frjóa jörð og gagnrýnandi
breska ríkisútvarpsins, BBC, segir
hana vera akkúrat „teskeiðina af
sykri“ sem heimurinn þurfi nauð-
synlega á að halda núna eftir glím-
una við heimsfaraldurinn undan-
farið hálft annað ár. Myndin
byggist á samnefndum söngleik og
hefur verið í vinnslu í heil þrettán
ár. „En gat ekki komið á betri
tíma,“ segir BBC. Leikstjóri er Jon
M. Chu en höfundar söngleiksins
eru Quiara Alegría Hudes og Lin-
Manuel Miranda. Með helstu hlut-
verk fara Anthony Ramos, Corey
Hawkins og Leslie Grace.
P
irruð! Reið! Hrá og biðst ekki
afsökunar á nokkrum sköp-
uðum hlut! Þessi plata er það
sem gerist þegar græðgi og órétt-
læti taka völdin. Við erum knúnir til
að grípa til vopna, tónlistarinnar
okkar!“
Með þessum orðum lýsir brasilíski
söngvarinn og gítarleikarinn Max
Cavalera, oftast kenndur við Sepult-
ura og Soulfly, fyrstu breiðskífu Go
Ahead and Die, sem kom út á dög-
unum og ber nafn þessa flunkunýja
þrass/dauðamálmbands sem Cava-
lera starfrækir ásamt syni sínum,
Igor Amadeus Cavalera, sem syngur
á móti föður sínum, auk þess að spila
á bassa og gítar, og trymblinum
Zach Coleman. Sá síðastnefndi er
þekktur fyrir leik sinn með öfga-
málmböndunum Black Curse og
Khemmis og þykir mikið séní.
Það er málmgagnið Blabber-
mouth.net sem hefur téð ummæli
eftir Max og sonurinn tekur þar
einnig til máls í tilefni af því að
fyrsta myndbandið var að koma út,
við titillagið, G.A.A.D. „Þetta er
kennisöngur þessarar plötu og þess-
ara brengluðu tíma sem við lifum á.
Við erum að senda ráðamönnum
fingurinn; þeim sem ákveða hverjir
fá að lifa og hverjir deyja,“ segir
Igor Amadeus sem heitir í höfuðið á
föðurbróður sínum, sem einnig var í
Sepultura, og svo væntanlega löngu
látnu tónskáldi frá Salzburg.
„G.A.A.D. færir ykkur hraða og
hatursdrifinn kraft sem ekki hefur
heyrst um langt árabil,“ bætir hann
við.
Max lýsir Go Ahead and Die sem
einstöku samstarfi föður og sonar,
þar sem gamli skólinn mæti gagn-
rýnu viðhorfi samtímans. „Geggjuð
riff og kjarnyrtir textar frá Igor og
grimmar trommur frá Zach eru mér
innblástur. Öfgafullir tímar kalla á
öfgafulla tónlist.“
Og Zach Coleman fer skrefinu
lengra með greininguna: „Mér finnst
okkur hafa tekist að fanga mikinn
yfirgang á þessari plötu. Þetta er
blanda af gamla skólanum, málmi og
pönki frá á að giska 1989, og yngri
hljóðheimi sem endurspeglar það
sem er á seyði í kringum okkur.
Mótmælum og höldum lífi!“
Reiðileg og áleitin tónlist
Blabbermouth leggst líka í grein-
ingu og segir tónlist Go Ahead and
Die öfgafulla, hraðann ógurlegan,
riffin svakaleg og grípandi og fyr-
irlitninguna á samfélagsmeinum
samtímans áþreifanlega. „Þetta er
reiðileg og áleitin tónlist, þar sem
innblásnir menn gefa allt í verk-
efnið.“
Að dómi miðilsins er um að ræða
afturhvarf til gullaldar þrassins,
dauðamálmsins og pönksins eins og
það var skítugast og hráast. „Við er-
um að tala um þá gerð af bandi sem
hefði fengið táningsþrassara árið
1987 til að grípa vasahnífinn og
grafa nafnið Go Ahead and Die í
borðið fyrir framan sig í skólastof-
unni.“
Igor Amadeus, sem er 26 ára, er
ekki eini sonurinn af Cavalera-
kyninu sem er í hljómsveit með föð-
ur sínum en bróðir hans, trymbillinn
Zyon, sem er tveimur árum eldri,
hefur átt aðild að Soulfly undanfarin
níu ár. Örlög hans réðust snemma
en Zyon er einn fárra sem leikið hafa
inn á hljómplötu áður en hann fædd-
ist. Vissi að vonum lítið af því. Hjart-
sláttur hans í móðurkviði er intróið
að laginu Refuse/Resist á Sepultura-
plötunni Chaos A.D. frá árinu 1993.
Þriðji bróðirinn, Richie, 36 ára,
hefur einnig komið að verkefnum
Max Cavalera er með
mörg járn í eldinum.
Feðgar grípa til vopna
Max Cavalera, goðsögn í málmheimum, er mættur með enn eitt
bandið og enn eina plötuna. Go Ahead and Die kallast hvort tveggja
og sonur hans, Igor Amadeus, er föður sínum við hlið.
Orri Páll Ormarsson orri@mbl.is
Kevin Stewart-Panko, gagnrýnandi
vefmiðilsins Decibel, ber lof á plötu
Go Ahead and Die og hefur umsögn
sína á samanburði á tveimur ólíkum
fjölskyldum: „Mál #1. Afkvæmið
eyðir óheyrilegum tíma í að hlusta á
og spila lög með Discharge, Hell-
hammer, Possessed, Broken Bones,
Napalm Death og GISM. Faðirinn
heyrir það og segir: „Hvur röndóttur,
stofnum band, semjum lög og tökum
upp plötu og látum svo mömmu þína
útvega okkur samning við Nuclear Blast!“ Mál #2: Afkvæmið gerir
nákvæmlega það sama. Faðirinn heyrir það og æpir meðan hann
hvolfir í sig flösku af Johnnie Walker: „Slökktu á þessu drasli, hall-
ærislegi undanvillingurinn þinn,“ (bein tilvitnun vel að merkja) áð-
ur en hann tekur sér leðuról í hönd og lætur höggin dynja á af-
kvæminu meðan móðirin röflar eitthvað um satanisma í
bakgrunninum.“
Hann lætur svo lesendum eftir að meta hvort hafi verið æsku-
heimili hans sjálfs árið 1986 og hvort heimili Cavalera-fjölskyld-
unnar árið 2021.
Sitt er hvað, faðir og faðir
Umslag nýju plötunnar.