Morgunblaðið - 02.07.2021, Síða 8

8 FRÉTTIR
Innlent
MORGUNBLAÐIÐ FÖSTUDAGUR 2. JÚLÍ 2021
Rafskutlurnar hafa tekið til-
veruna með trompi. En gleðin
er ekki takmarkalaus. Í frétt Morg-
unblaðsins segir að yfirvöld í París
vilji lækka hámarkshraða skutla úr
50 kílómetrum niður í 10.
- - -
Og lögreglu-
yfirvöld um
víða veröld taka
eftir því að fleiri
lögmál en hraði
gilda um skutlur
eins og bíla. Ekki
er talið til bóta að
skutlast um hálf-
ur, hvað þá fullur.
- - -
Sérfræðingar vilja nú banna
skutlur á föstudags- og laugar-
dagskvöldum! Og eins furða menn
sig á að útleigjendur skutla komist
upp með að taka sér rétt til að láta
skilja tæki sín eftir á gangstéttum.
Þær eru til gangs. Nú þvælast
skutlurnar fyrir göngumönnum,
þeim sem barnavögnum aka, blind-
um og fótafúnum.
- - -
Borgin stendur fyrir skipulagðri
afturför á öllum sviðum og
beinir nú hjólreiðum á 50 kílómetra
hraða inn á merkta göngustíga og
gangstéttir og hafa þó dýrir hjóla-
stígar verið lagðir sérstaklega.
Hjólamenn og skutlarar koma á
ofsaferð inn á merktar gangbrautir
yfir götur og þykjast með röngu
eiga allan rétt og bifreiðar skuli
snarstöðvaðar.
- - -
Sumar gangbrautir hafa ekki
forgangsrétt að lögum fyrir
gangandi en eru vísbending um
hvar skuli fara yfir götu þegar
tækifæri gefst, svo ekki sé gengið
þvers og kruss. Borgaryfirvöld
hafa í heimsku ruglað öllum reglum
í einn graut, með sívaxandi hættu.
- - -
Lögregla þarf að veita borginni
tiltal fyrir skemmdarverkin.
Skutlur skapa óróa
STAKSTEINAR
Sérstakur rekstrarstuðningur
til einkarekinna fjölmiðla
Auglýst er eftir umsóknum einkarekinna fjölmiðla um sérstakan rekstrarstuðning sem veittur
verður á árinu 2021. Umsóknir skulu sendar fjölmiðlanefnd fyrir 1. ágúst 2021.
Með breytingu á lögum um fjölmiðla nr. 38/2011, sem samþykkt var á Alþingi 25. maí 2021, var
úthlutunarnefnd veitt heimild til að ákvarða sérstakan rekstrarstuðning til einkarekinna fjölmiðla.
Úthlutunarnefnd skipa Árni Vilhjálmsson hæstaréttarlögmaður, Stefán Svavarsson endurskoðandi
og Valgerður Anna Jóhannsdóttir, lektor við Háskóla Íslands. Nefndarmenn voru tilnefndir af
ríkisendurskoðanda og skipaðir af mennta- og menningarmálaráðherra 15. júní sl.
Í X. kafla B laga um fjölmiðla, sbr. frumvarp til laga um breytingu á lögum um fjölmiðla sem
samþykkt var á Alþingi 25. maí 2021, og reglugerð 770/2021 um rekstrarstuðning til einkarekinna
fjölmiðla, eru tilgreind skilyrði fyrir rekstrarstuðningi til einkarekinna fjölmiðla og einnig getið
sérstakra atriða sem þurfa að koma fram í umsókn. Er umsækjendum bent á að kynna sér þau
og einnig hvaða kröfur eru gerðar um gögn sem eiga að fylgja umsókn. Samkvæmt lögunum sér
fjölmiðlanefnd um umsýslu umsókna og veitir úthlutunarnefnd sérfræðiaðstoð eftir nánara sam-
komulagi.
Til úthlutunar árið 2021 verða 392 millj. kr. að frádreginni þóknun fyrir störf úthlutunarnefndar og
öðrum kostnaði við umsýslu. Í 62. gr. i. laga um fjölmiðla kemur fram að að rekstrarstuðningur
skuli að hámarki vera 25% af stuðningshæfum rekstrarkostnaði umsækjanda. Þá ráðist endanlegt
hlutfall af umfangi og fjölda umsókna.
Umsóknargögn og leiðbeiningar eru á vefsíðu fjölmiðlanefndar, www.fjolmidlanefnd.is. Þar eru tvö
skjöl sem umsækjendur sækja og fylla út. Mikilvægt er að öll fylgiskjöl fylgi með umsókn.
Umsóknir skulu berast á netfangið postur@fjolmidlanefnd.is, fyrir miðnætti 1. ágúst nk. Ef spurn-
ingar vakna um hvernig eigi að fylla umsóknina út er hægt að senda fyrirspurn á framangreint
netfang.
Úthlutunarnefnd 2. júlí 2021.
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Öllum 32 starfsmönnum fiskvinnslu-
fyrirtækisins Agustsson ehf. í Stykk-
ishólmi hefur verið sagt upp störfum
frá og með síðustu mánaðamótum.
Var starfsmönnum tilkynnt um
ákvörðunina á starfsmannafundi í
fyrradag.
Í tilkynningu frá félaginu kemur
fram að nú taki við „krefjandi endur-
skipulagningarferli með það að mark-
miði að tryggja sjálfbæran rekstur til
lengri tíma“. Stefnt sé að því að halda
úti rekstri en að umsvifin verði
smærri.
Jakob Björgvin Jakobsson, bæjar-
stjóri Stykkishólms, segir í samtali
við Morgunblaðið að uppsagnirnar
séu þungt högg fyrir samfélagið í
Stykkishólmi. „Það er auðvitað alltaf
þungt fyrir öll samfélög þegar svona
atburðir eiga sér stað. Það er öllum
ljóst að um var að ræða þungan
rekstur í krefjandi samkeppnis-
umhverfi – í atvinnugrein sem sótt er
að úr mörgum áttum samtímis,“ segir
Jakob Björgvin.
Hann bætir við að höggið sé ekki
síst þungt í ljósi þess að Agustsson
ehf. hafi verið með starfsemi í Stykk-
ishólmi frá 1933, í nærri 90 ár, og ver-
ið á þeim tíma einn af burðarstólpum
atvinnulífsins í Stykkishólmi. „Það er
því rótgróið í samfélaginu og menn-
ingu bæjarins.
Höggið er í sam-
ræmi við það.“
Jakob segir það
högg vera þyngst
fyrir þá starfs-
menn sem missa
sín störf hjá fyrir-
tækinu og er hug-
ur hans hjá þeim
starfsmönnum.
„Þetta er í raun
viðbótarhögg fyrir sjávarútveginn í
Stykkishólmi, en bæði í ár og í fyrra
hafa grásleppusjómenn og vinnslur í
Stykkishólmi liðið fyrir núverandi
fyrirkomulag á grásleppuveiðum, en
ekki náðist að klára fyrirhugaðar
breytingar á fyrirkomulagi grá-
sleppuveiða á Alþingi í vetur,“ segir
Jakob Bjarni.
„Hér í Stykkishólmi er hins vegar
fyrir sterkt og fjölbreytt atvinnulíf
sem drifið er áfram af kraftmiklu
fólki, sem kemur til með milda þetta
samfélagslega högg. Þá eru jákvæð
teikn á lofti í okkar samfélagi, það er
uppgangur í atvinnulífinu hér eftir
Covid-19 og fjölmörg tækifæri sem
liggja fyrir í tengslum við auðlinda-
nýtingu Breiðafjarðar. Við erum því
vel í stakk búin til þess að takast á við
þessa áskorun,“ segir Jakob Bjarni.
Uppsagnir þungt
högg fyrir samfélagið
- Agustsson ehf. segir upp 32 manns
Jakob Björgvin
Jakobsson
Sýslumaðurinn á Suðurnesjum hef-
ur lagt lögbann á lendingar þyrlna
Norðurflugs við gosstöðvarnar í
Geldingadölum.
Norðurflug gaf út yfirlýsingu og
sagði þetta hafa valdið miklum von-
brigðum. Félagið hafi átt í samn-
ingaviðræðum við landeigendur
Hrauns um nokkurt skeið um sann-
gjarnt gjald fyrir lendingar með far-
þega á landi þeirra en án árangurs.
Ágreiningur hefur verið um upphæð
gjaldsins en ekki hvort það eigi að
greiða. Norðurflug kveðst hafa frá
upphafi sýnt samningsvilja. „Það
breytir hins vegar samningsstöðu
okkar þegar búið er að leggja á lög-
bann og við þar með nánast þvinguð
til samninga.“
Norðurflug segir að upphæðin
sem landeigendur krefjast sé alger-
lega óraunhæf. Hugmynd þeirra um
gjald sé umfram framlegð og muni
valda tapi af hverri flugferð. Í við-
ræðunum kveðst félagið hafa kynnt
ýmsa möguleika „í ljósi þess að eng-
in þjónusta kemur gegn gjaldinu,
önnur en leyfi til að lenda á órækt-
uðu og hingað til ónotuðu landi“.
Norðurflug segir eðlilegt að landeig-
endur hefðu tekið mið af þekktum
lendingargjöldum. Þá kveðst Norð-
urflug hafa íhugað um skeið að
hætta lendingum við eldgosið af ör-
yggisástæðum. Lögbannið hafi flýtt
þeim áformum. gudni@mbl.is
Lögbann sett á lendingar við eldgosið
- Norðurflug telur landeigendur vilja krefjast of hás lendingargjalds
Morgunblaðið/Ásdís
Þyrla Aðsókn hefur verið í gosflug.